Ester 6:4 - Kaqchiquel Bible

⁴ Y jari' toq xok k'a apo ri Amán pa ruwa-jay richin niberuk'utuj utzil chire ri rey chi titzeqebex ri Mardoqueo chire ri che' ri runaban kan. K'ari' ri rey xuk'utuj: ¿Achike k'a ri nibiyajilan chuwa-jay?, xcha'.

Ester 6:4 ပူးပေါင်းရင်းမြစ်များ

Ester 4:11

K'o jun pixa' ri nubij chi xabachike wineq ri nijel-apo chuwa-jay richin niberutz'eta' ri rey, wi man oyon ta, kan k'o chi niken. Konojel ri yesamej rik'in ri rey y konojel ri winaqi' ri ek'o pa ruq'a' rija' ketaman re pixa' re'. Jak'a wi ta ri rey nutzeqej ri ru-cetro*f4* ri banon rik'in q'anapueq chuwech ri wineq ri', man niken ta. Pa ruwi' ri', yin xa kan xik'o yan jun ik' ri man iroyon ta chik richin ninbentz'eta', xcha'.

Ester 5:1

Toq xq'ax yan k'a ri oxi' q'ij, ri Ester kan xukusaj k'a el ri jebelej rutziaq, y xok k'a apo pa ruwa-jay chire ri rachoch ri rey. Y xpa'e-apo pa ruchojmilal ri ruchi' ri jay ri akuchi tz'uyul-wi richin ta chi ri Asuero nutz'et-pe.

Ester 5:14

Xeri' ri Zeres y konojel ri rachibil xkibij chire: Tataqa' rubixik chi tipabex-q'anej jun che' richin nitzeqebex chikaj ri Mardoqueo, y ri che' ri' xtiban chire chi oxlajuj jaj rik'in jun q'a'aj ri rujotolen. Y chua'q nimaq'a', tak'utuj utzil chire ri rey chi titzeqebex ri Mardoqueo; richin keri' xkakikot chupan ri nima-wa'in rik'in ri rey, xecha'. Re jun na'oj re' kan xqa' chuwech ri Amán, y keri' k'a xuteq rubixik chi tiban.

Ester 6:3

K'ari' xubij ri rey: ¿Achike k'a rutojbalil y ruq'ij ruk'ulun ri Mardoqueo roma ri jun utzilej banobel ri'?, xcha' chike ri rusamajela'. Y rije' xkibij chi kan man jun rutojbalil ruk'ulun.

Ester 6:5

Y ri rusamajela' xkibij chi ja ri Amán. Y ri rey xubij chi tikusex-apo rik'in.

Ester 7:9

Y k'o k'a jun chike ri eunuco ri nilin richin ri rey, ri rubini'an Harboná; xch'on y xubij chire ri rey: Ri Amán runaban kan jun che' pa rachoch, ri jubama oxlajuj jaj rik'in jun q'a'aj jotol chikaj, richin nutzeqeba' ri Mardoqueo ri xkolon ri ak'aslen rat nu-rey, xcha'. K'ari' ri rey xubij chi ja ri Amán ri xtitzeqebex chutza'n ri che' ri'.

Wuj Richin ri Achin Job 5:13

Rija' kan nuben k'a chike ri aj-na'oj chi yetzaq chupan ri yekinojij, y ri kinojin richin nikiben xa man nichojmir ta chikiwech.

Wuj Richin Bix Chire ri Dios 2:4

Jak'a ri Dios ri k'o chila' chikaj xa xtitze'en, kan nikikot ri ajaw chikij rije'.

Wuj Richin Bix Chire ri Dios 33:19

Kan yerukol k'a chuwech ri kamik; kan ruya'on k'a kik'aslen, stape' k'o wayjal.

Wuj Richin ri Molojri'il 9:10

Y ronojel k'a ri natz'et richin chi niban, kan tabana' k'a, roma chupan ri jul ri akuchi xkabemuq-wi kan, xa maneq chik samaj, maneq chik ch'obonik, maneq chik retamaxik más etamabel, ni retamaxik na'oj.