Ester 6:13 - Kaqchiquel Bible

¹³ K'ari' xutzijoj chire ri Zeres ri rixjayil y chike konojel ri rachibil ronojel ri xbanatej. Y rije' xkibij chire: Rat xa kan xqasex k'a aq'ij roma ri Mardoqueo. Y roma rija' judío, kan man xkatikir ta chirij; xa xkabetzaq k'a pa ruq'a', xecha'.

Ester 6:13 ပူးပေါင်းရင်းမြစ်များ

Wuj Richin Etamabel-Tzij 28:18

Ri wineq ri kan choj nibiyin chupan ri ruk'aslen, kan xtril k'a rukolotajik; jak'a ri wineq banoy etzelal ri nisolma'y chukanoxik rubey, xa xtitzaq chupan jun chike ri rubey.

Os 14:9

Ri e aj-na'oj kan xtiq'ax k'a chikiwech ronojel re'. Ri kan nowineq kan xtretamaj k'a, chi ri bey ri nibe rik'in ri Jehová kan choj-choj. Ri choj kik'aslen kan chupan k'a re bey re' yebiyin-wi. Jak'a ri kik'uan ri itzel k'aslen xa kan nikipajk'ij k'a ri kaqen chupan re bey re'.

Wuj Richin ri Rutikeribel 41:8

Y nimaq'a' ruka'n q'ij, rija' janila k'ayew runa'on ri pa ránima, roma ri achik' ri xeruben. Y xuteq k'a koyoxik ri achi'a' etamanela' y ri achi'a' ri e aj-na'oj ri ek'o chupan ri ruwach'ulew Egipto. Y toq ek'o chik k'a ri achi'a' ri', k'ari' k'a xutzijoj ri rachik' chike, y man jun k'a xtikir ta xbin chire achike yek'ulun-wi ri rachik'.

Wuj Richin ri Rutikeribel 40:19

Pan oxi' q'ij apo ri rey xkaroyoj y xtrelesaj ajolon y k'ari' xkarutzeqeba' chutza'n jun che', y xkepe k'a ri aj-xik' taq chikopi' xtokitija-el ri ach'akul, xcha' chire.

Dn 2:12

Toq ri rey xrak'axaj re' kan xyakatej janila royowal, y roma ri' xubij chi kekamisex konojel ri e pixabanela'.

Wuj Richin ri Achin Job 16:2

Kan k'iy k'a mul wak'axan ch'abel re achi'el nibij rix wakami. Chi'iwonojel rix xa man nikuquba' ta nuk'u'x; xa ruyon ch'abel ri nupaxij wánima ri ibin-qa.

Wuj Richin ri Achin Job 15:24

Ri ruk'ayewal ri e yakatajineq chirij y ri ch'obonik ri yeruben; nuben chire ri ránima chi jantape' ruxibin-ri'. Kan nikisech ruk'u'x achi'el toq nisach ruk'u'x jun rey ri kan k'o chi nibe pan oyowal.

Wuj Richin ri Rutikeribel 24:66

Keri' k'a xkik'ul-ki' ri samajel rik'in ri Isaac y ri samajel xutzijoj chire ri Isaac ronojel ri xuben.

Wuj Richin ri Q'axanri'il 24:9

Rix kan yixuxlan achi'el jun koj; y man jun nik'ason richin. ¡Kan xtiqaqa k'a urtisanik pa kiwi' ri ye'urtisan iwichin: Kan xtiqaqa k'a etzelanik pa kiwi' ri yerayin itzel pan iwi'!

Deut 32:10

Ri Jehová pa tz'iran ruwach'ulew xeruk'en-pe ri qate-qatata', chiri' akuchi nijumin-wi kaq'iq'. Xeruchajij y kan jebel xerutijoj, y kan xerupoqonaj achi'el nupoqonaj-ri' rija'.

Wuj Richin Bix Chire ri Dios 105:15

Y xubij chike chi man jun tikiben chike ri qati't-qamama' ri e rucha'on rija', chi man jun tikiben chike ri e q'alajirisey ruch'abel.

Wuj Richin ri Zacarías 2:12

Y ri ruwach'ulew Judá kan xtrichinaj chik ri Jehová, y k'ari' xtucha' chik ri Jerusalem richin xtok rutinamit.