Ester 6:12 - Kaqchiquel Bible

¹² Chirij k'a ronojel re' ri Mardoqueo xtzolej chik chupan ri rusamaj chuchi' ri rachoch ri rey; jak'a ri Amán xbe junanin chirachoch rik'in janila bis y rukuchun-el rujolon roma ri ruk'ix.

Ester 6:12 ပူးပေါင်းရင်းမြစ်များ

2 Sam 15:30

Ri David xuchop chik k'a el bey chuwech ri juyu' richin olivo, y maneq k'a ruxajab beneq. Noq' y ruya'on-el jun tzieq pa rujolon retal richin bis. Y konojel ri winaqi' ri e beneq rik'in chuqa' kiya'on-el tzieq pa kijolon y ye'oq' e beneq.

Wuj Richin ri Achin Job 20:5

Kan awetaman k'a chi ri itzel taq winaqi' xa man niyaloj ta ri kikoten kik'in. Ri kan maneq Dios chikiwech, xa jun ok ti ramaj nuben ri kikikoten.

1 Rey 21:4

Y keri' ri Acab xbe chirachoch; janila nibison y yakatajineq janila royowal, roma ri ruch'abel ri Nabot toq xubij chi man nuya' ta kan ri ulew ri', roma ri ulew ri' xa jari' ri richinan kan pa kiq'a' ri rute-rutata'. Xkotz'e-qa pa ruch'at y xtzu'un-apo chuwa-xan y man xrajo' ta xwa'.

Wuj Richin ri Achin Job 9:24

Toq ri winaqi' pa jun ruwach'ulew ri k'o chuxe' rutzij jun q'atoy-tzij, ri yeruya' pa tijoj-poqonal, ri Dios nuben chike ri achi'a' ri e chojmirisey ri yebanatej chi man jun nikitz'et. ¿Achike ta k'a nibanon chike chi man jun nikitz'et? Wi man ja ta ri Dios nibanon, ¿achike ta k'a ri nibano?

Ester 7:8

Y toq ri rey xok chik apo chiri' akuchi najin-wi ri nima-wa'in, xutz'et chi ri Amán lukul-apo pa ruwi' ri tz'uyubel nim raqen y buyul ri akuchi nuxulan-wi ri reina Ester. Jari' toq xubij ri rey: ¿Nawajo' chuqa' yak'oje-qa rik'in ri reina re wawe' pa wachoch?, xcha'. Y toq ri rey xtane-qa chubixik re ch'abel re', kan jari' toq ri samajela' richin ri rey ri ek'o chiri' xkitz'apej rupalej ri Amán, retal chi nibeken.

Ester 2:19

Toq ri xtani' k'a yetajin na richin yeq'ax rik'in ri rey, jari' toq ri Mardoqueo nisamej k'a chiri' chuchi' ri rachoch ri rey.

2 Crón 26:20

Jari' toq ri Azarías y ri ch'aqa' chik sacerdote xkitz'et chi xbe'el-pe ri jun itzel yabil ri' nik'aj-ruwech, y rije' kan chi'anin k'a xkelesaj-pe chiri'; y rija' kan man xupaba' ta chik ri', roma kan ja ri Jehová xya'on re ruk'ayewal re' pa ruwi'.

1 Rey 20:43

K'ari' ri Acab rey richin Israel xbe pa rachoch ri chiri' pa Samaria, rik'in janila bis y yakatajineq royowal.

2 Sam 17:23

Jak'a toq ri Ahitófel xunabej chi man xban ta ri xubij rija', xuben-el ruchojmil ri rukiej, xch'oke' k'a el chirij y xbe chirachoch pa rutinamit. Xuchojmirisaj k'a kan ronojel y k'ari' xberujitz'aj-ri'. Y keri' xken y xmuq akuchi muqun-wi ri rutata'.

1 Sam 3:15

Y ri Samuel xk'oje' chiri' pa ruwarabel, y k'a toq xseqer na, k'ari' xyakatej-el. K'ari' xujeq ruchi' ri rachoch ri Jehová, y rija' k'o rukiy chuwech chi nuq'alajirisaj chire ri Elí ronojel ri xbix chire roma ri Jehová.

Ester 6:11

Ri Amán xberuk'ama' k'a pe ri tzieq y xujel-el ri Mardoqueo. Chuqa' xberuk'ama-pe ri kiej y xuch'okoba-el chirij, y k'ari' xuyuqej-el ri kiej richin xebe chupan ri nima-ruwech bey richin molojri'il. Y nisik'in k'a beneq, y nubij: Kere' niban chire ri achin ri ninimirisex ruq'ij roma ri rey, nicha'.

1 Rey 21:6

Rija' xubij: Yin xich'on rik'in ri Nabot aj-Jezreel, richin xinbij chire chi tuk'ayij chuwe ri rulew ri rutikon uva chuwech, o wi niqa' chuwech, yin ninya' chire jun ulew ri tikon uva chuwech pa ruk'exel. Man rik'in ri', rija' xubij chi man nuya' ta chuwe, xcha' ri Acab.