Ester 6:1 - Kaqchiquel Bible

¹ Chupan k'a ri aq'a' ri' ri rey man nok ta qa ruwaran, y roma ri' xubij chi tik'amer-pe chire ri wuj ri akuchi e tz'ibatel-wi ri e banatajineq chupan ri ruwach'ulew, y tisik'ix chuwech.

Ester 6:1 ပူးပေါင်းရင်းမြစ်များ

Dn 6:18

Chirij ri' ri rey xbe pa rachoch, xkotz'e-qa y kan man jun xutej-qa. Kan man jun k'a xrajo' chi xk'amer ta pe chuwech, ni ri jalajoj ruwech q'ojom y kan man xwer ta k'a chuch'obik rij ri Daniel.

Dn 2:1

Toq ri Nabucodonosor ruchapon ka'i' juna' chi niq'aton-tzij, jari' toq xeruben k'iy achik', y roma ri' kan nisach ruk'u'x man niwer ta chik.

Ester 2:23

Xch'ob k'a jebel rij ri kich'obonik ri eunuco ri', y toq ri rey xunabej chi kan qitzij nikajo' nikikamisaj, kan xuteq k'a rubixik chi ketzeqebex richin yeken. Y re banobel re' xtz'ibex kan chupan ri wuj richin ri k'uluwachitajineq, achi'el xubij ri rey.

Romanos 11:33

Ri Dios kan janila wi na'oj, beyomel y etamabel k'o rik'in. Roj kan man niq'ax ta chiqawech ri ruch'obonik, y man niq'ax ta chuqa' chiqawech ri rubey.

Wuj Richin ri Isaías 41:17

Ri iwinaq ri man jun k'o kik'in nikikanoj kiya', jak'a man nikil ta. Ri kaq' kan xchaqi'j roma chaqi'j-kichi'. Jak'a yin Jehová kan xtink'uluba-pe ri kich'abel. Chuqa' yin ri in i-Dios kan man xkixinmalij ta kan.

Ester 10:2

Ronojel ri xuben ri Asuero rik'in ri ruchuq'a' ri ruq'atbal-tzij y ri runimirinen, y keri' chuqa' ri ruruwaq'ijaj ri Mardoqueo ri xya'ox chire roma ri rey, ronojel re' xtz'ibatej kan chupan ri wuj ri akuchi e tz'ibatel-wi ri e banatajineq chupan ri ruwach'ulew Medo-Persia.

Wuj Richin ri Rutikeribel 22:14

Y ri Abraham xuya' k'a kan rubi' ri juyu' ri' y xubini'aj: Ja ri Jehová Niya'on ri Nik'atzin. Y xa roma ri' ri winaqi' nikibij: Pa ruwi' ri juyu' ri rubini'an Jehová Niya'on ri K'atzinel.

Wuj Richin ri Malaquías 3:16

Y toq xkak'axaj ronojel re', ri winaqi' ri k'o rukiy ri Dios chikiwech kan xech'on chikiwech ri chi kachibil-ki'. Y ri Dios kan xuya' ruxikin chike y xerak'axaj k'a. K'ari' ri Jehová xutz'ibaj kibi' chupan jun wuj richin natabel kichin ri k'o rukiy chikiwech, y ri nikinimirisaj ri rubi'.

Ester 5:8

Wi yin xinwil utzil awik'in, tabana' utzil chi ri chua'q chi'aq'a' yixpe ta chik richin jun chik nima-wa'in ri xtinben chiwe. Y k'ari' xtinbij chawe ri ninwajo', xcha'.

Ester 2:22

Y ri Mardoqueo xq'ax chuwech re ch'obonik re', y xutzijoj k'a chire ri reina Ester, y ri reina xuq'axaj re tzij re' chire ri rey pa rubi' ri Mardoqueo.

Ester 2:21

Y k'o k'a jun q'ij toq ri Mardoqueo k'o chiri' chuchi' ri jay richin ri rey, ek'o chuqa' chiri' e ka'i' eunuco e chajinela' richin ri ruchi-jay. Rije' kibini'an Bigtán y Teres, y rije' xyakatej k'a koyowal chirij ri rey, y roma ri' nikikanoj rubanik richin nikikamisaj.