Ester 5:8 - Kaqchiquel Bible

⁸ Wi yin xinwil utzil awik'in, tabana' utzil chi ri chua'q chi'aq'a' yixpe ta chik richin jun chik nima-wa'in ri xtinben chiwe. Y k'ari' xtinbij chawe ri ninwajo', xcha'.

Ester 5:8 ပူးပေါင်းရင်းမြစ်များ

Ester 1:9

Y chupan ri q'ij ri', k'o jun reina ri rubini'an Vasti, y rija' xuben jun chik nimaq'ij pa rachoch ri Asuero, ri rachijil, kik'in konojel ri ixoqi' ri ek'o.

Ester 5:12

Pa ruwi' ronojel re' xubij: Kan xaxe k'a yin ri xiroyoj ri reina Ester richin yik'oje' pa nima-wa'in rik'in ri rey, y keri' chuqa' ri chua'q, kan xaxe roj ri xqojbe chik chupan ri jun chik nima-wa'in.

Ester 5:7

Y ri Ester xubij: Xaxe k'a re' ri ninwajo' nink'utuj chawe:

Ester 7:1

Keri' ri rey y ri Amán xebe k'a pa nima-wa'in rik'in ri reina Ester.

Ester 7:3

K'ari' ri reina Ester xubij: Wi yin xinwil utzil awik'in, y wi rat niqa' chawech, tabana' utzil takolo' ri nuk'aslen yin y konojel ri nuwinaq,

Ester 8:5

y xubij: Wi yin wilon utzil awik'in, y wi rat niqa' chawech, y wi pa ruchojmilal nawak'axaj ri ninbij, y wi kan qitzij yinawajo'; tatz'ibaj k'a el jun wuj y tabij-el chupan chi tiyoj ri rubanon kan ri Amán ri ruk'ajol ri Hamedata, y rijatzul kan ri Agag. Roma rija' xutz'ibaj kan jun wuj y xubij kan chupan richin yojruk'is qonojel roj ri oj judío, ri ojk'o pa taq tinamit chire ri ruwach'ulew ri ek'o chuxe' ri aq'atbel-tzij rat rey.

Wuj Richin Etamabel-Tzij 16:9

Ri runojibal ri wineq kan nisamej-wi chuch'obik ri rubeyal ri k'aslen, jak'a ri ruxaka'l ri xtuya', k'a ja na ri Jehová xtik'utu chuwech akuchi nuk'uaj-wi