Ester 4:14 - Kaqchiquel Bible

¹⁴ Wi man jun xtanojij, y man jun xtabij chupan re q'ij re', xkepe ch'aqa' chik winaqi' ri xkekolon qichin roj judío. Jak'a rat xkaken, y keri' xkek'is ri rijatzul ri atata'. ¡Rik'in juba' xa roma ri' xatok kan reina richin yojato' chupan re jun ruk'ayewal re'!, xcha-el ri Mardoqueo chire.

Ester 4:14 ပူးပေါင်းရင်းမြစ်များ

Wuj Richin ri Rutikeribel 22:14

Y ri Abraham xuya' k'a kan rubi' ri juyu' ri' y xubini'aj: Ja ri Jehová Niya'on ri Nik'atzin. Y xa roma ri' ri winaqi' nikibij: Pa ruwi' ri juyu' ri rubini'an Jehová Niya'on ri K'atzinel.

2 Rey 13:5

Y xuya' k'a chire ri tinamit Israel jun ri nikolon kichin. Y keri' kan xekolotej pa kiq'a' ri aj-Siria y kan xek'ase' k'a chi utzil pa taq kachoch, achi'el ri kibanon-pe.

2 Rey 19:3

Y rije' xkibij k'a chire ri Isaías: Ri Ezequías xubij chi re q'ij re' q'ij richin bis, ruk'ayewal y k'ix pa qawi'. Xa man jun chik yojtikir niqaben. Roj xa oj achi'el chik jun ixoq ri nralaj yan jun ak'ual y xa nik'is ruchuq'a'.

Wuj Richin ri Esdras 9:9

Stape' roj kan oj samajela' ri oj ximil pa samaj, stape' ojk'o chupan ri ilinri'il, rat man xojamalij ta kan. Xa kan xaya' k'a joyowanik chiqe chikiwech ri rey richin Persia. Y roma ri' xaya' kuqubabel-k'u'x qik'in richin niqapaba' chik q'anej ri awachoch. Y chuqa' niqayek chik q'anej ri e wulutajineq kan, y xojachajij wawe' pa Jerusalem y chupan ronojel ruwach'ulew richin Judá.

Wuj Richin ri Nehemías 6:11

Y yin kere' xinbij: Jun achin achi'el yin ¿ruk'amon kami chi nanimej? ¿Utz kami chi yin ninkol-el-wi' pa rachoch ri Dios richin ninkol ri nuk'aslen? ¡Ni! Yin man xkinok ta pa rachoch ri Dios, xicha'.

Ester 2:15

Y xapon k'a ri q'ij chi ri Ester k'o chi napon chuwech ri rey. Rija' rumi'al kan ri Abihail, ri ruch'utitata' ri Mardoqueo. Y ri Ester xjalon y xuchojmirisaj k'a el ri' achi'el xbix chire roma ri Hegai, ri chajiy kichin ri xtani'. Y toq ruchojmirisan chik ri', konojel ri xetz'eton richin kan xkimey k'a ri rubanikil roma kan jebejoj ok.

Ester 2:17

Ri rey kan xbe k'a ránima chirij ri Ester, y más xrajo' chikiwech ri ch'aqa' chik xtani' ri e q'axineq-el rik'in. Keri' ri Ester xril utzil y ajowabel rik'in ri rey, más chikiwech ri ch'aqa' chik xtani'. Y roma ri' xuya' ri corona pa rujolon ri Ester richin xok reina. Y xuq'alajirisaj chi ja rija' ri nik'oje' kan pa ruk'exel ri reina Vasti.

Ester 2:7

Ri Mardoqueo k'o k'a jun rach'alal xten rubini'an Hadasá ri nibix chuqa' Ester chire. Y ri rutata' ri Ester jari' ri ruch'utitata' ri Mardoqueo. Y rija' xk'iytisan richin ri Ester, roma ri rute-rutata' xa xeken yan, y ja ri Mardoqueo ri k'amayon kan, y kan rumi'al rubanon chire. Y ri Ester kan jebejoj ok nitzu'un.

Ester 4:13

Xeri' ri Mardoqueo xuteq chik rubixik chire ri Ester y xubij: Man nana-qa-awi' chi rat xkakolotej kan chuwech re jun kamik re', roma atk'o pa rachoch ri rey.

Ester 4:15

K'ari' ri Ester xuteq chik pe rubixik chire ri Mardoqueo chi

Wuj Richin ri Achin Job 9:18

Kan k'ayew ri rubanon chuwe, kan man yiruya' ta kan juba'. Rija' nuben chuwe chi ruyon q'axo'n ri ninq'axaj.

Wuj Richin ri Molojri'il 3:7

Napon k'a ruq'ijul richin naretz, y chuqa' napon ruq'ijul richin natz'is. Napon k'a ruq'ijul richin man jun ch'abel nabij, y chuqa' napon ruq'ijul richin k'o ch'abel nabij.

Wuj Richin ri Isaías 49:23

Ri e rey jari' xke'ok achi'el itata', y ri e reina achi'el ite'. Kan xtikiqasaj-ki' chiwech k'a pan ulew, y kan xtikireq' ri poqolaj ri k'o chirij ri iwaqen. Xtibanatej ronojel re' richin niwetamaj chi ja yin Jehová, y ri xtikikuquba' kik'u'x wik'in yin, kan man xkek'ixbitej ta.

Wuj Richin ri Isaías 54:17

Man jun kamisabel ri nik'achoj ta ri kan banon richin iwichin rix richin yixruk'is. Rix kan xtiben chike ri e etzelanel iwichin chi man xkeq'ajan ta chik chiwij. Jare' k'a ri xtiwichinaj kan rix ri ix nusamajel. Y rik'in k'a ri' xtiq'alajin chi rix kan ix choj. Yin Jehová ri yibin, nubij ri Dios.

Wuj Richin ri Jeremías 30:11

Yin kan ink'o iwik'in richin yixinkol. Kan xkenk'is k'a konojel tzobaj winaqi' ri akuchi xixintaluj-wi. Jak'a rix kan man xkixink'is ta y kan xtinq'et-tzij pan iwi' rik'in ruchojmilal, roma kan man xkixinya' ta kan choj keri'. Yin Jehová ri yibin.

Wuj Richin ri Jeremías 46:28

Man tik'en rukiy rix ri ix rijatzul kan ri Jacob roma yin ink'o iwik'in. Stape' xkenk'is k'a konojel tzobaj winaqi' ri akuchi xixintaluj-wi-el, jak'a rix man xkixink'is ta. Xaxe k'a xtinya' jun xik'a'y chiwe richin yixchojmir, ri kan ruk'amon, roma kan man xkixinya' ta kan choj keri'. Yin Jehová ri yibin, xcha' ri Dios.

Wuj Richin ri Chojmirisabelri'il 26:42

Chirij ri' k'ari' xtoqaqa chinuk'u'x ri nujikibel-tzij ri nubanon rik'in ri Jacob, ri Isaac, y rik'in ri Abraham, chuqa' xtoqaqa chinuk'u'x ri ruwach'ulew.

San Mateo 16:18

Yin ninbij k'a chawe chi rat abini'an Pedro.*f22* Y ninbij chuqa' chawe chi pa ruwi' k'a re abej re' xtinpaba-wi jun molaj winaqi' ri yetzeqeliben wichin. Y man jun k'a xtinaqo kichin, ni ri kamik.

San Mateo 24:22

Ri Dios xtuqasaj juba' ri q'ij richin ri tijoj-poqonal ri'. Jak'a wi man ta xtuqasaj ri q'ij ri', kan man jun ta xtikolotej kan. Jak'a roma ri rutzil ri Dios pa kiwi' ri e rucha'on chik, kan xtuqasaj k'a ri q'ij ri'.

Deut 32:36

Toq ri Jehová xtutz'et chi ri iwuchuq'a' xa xk'is yan y man yixtikir ta chik nito-iwi', jari' toq xtiyakatej rija' richin xkixruto'. Y toq xtutz'et chi kan man jun chik nito'on iwichin y jujun chiwe rix ix ximil chik pa samaj, jari' toq xtujoyowaj iwech rix rusamajela'.

Wuj Kichin ri To'onela' 15:6

Y ri aj-Filistea xkik'utula' chikiwech ¿achike ta k'a xbanon ronojel re'? Y ri winaqi' xkibij chi ja ri Sansón ri ruji' ri achin aj-Timná ri xbanon, roma ri achin ri' xa xuya-el ri rixjayil ri Sansón chire jun chike ri rachibil. Y roma ri' ri winaqi' aj-Filistea xkiporoj k'a ri ixoq ri' y chuqa' ri rutata'.

1 Sam 12:22

Ri Jehová kan man xtumalij ta kan ri rutinamit, roma ri nimalej rubi'; roma kan xrajo' richin xojok rutinamit rija'.

1 Sam 17:29

K'ari' ri David xubij: ¿Achike k'a xinben yin? ¿Man ruk'amon ta kami k'a richin yich'on?, xcha'.