Ester 4:1 - Kaqchiquel Bible

¹ Toq xunabej ri Mardoqueo ri xbanatej, xuretz ri rutziaq chirij, retal richin nibison y xukusaj-el jun rutziaq qiriqoj, y xuya-el chaj pa rujolon, y xuchop nibiyajilan kojol jay chiri' chupan ri tinamit, y nisik'in rik'in janila q'axo'n.

Ester 4:1 ပူးပေါင်းရင်းမြစ်များ

Dn 9:3

Yin kan xich'on k'a rik'in ri Dios ri wajaw richin chi xink'utuj utzil chire pa kiwi' ri nuwinaq. Ximewayin k'a, xinkusaj k'a qirix taq tzieq y xitz'uye' pa chaj richin chi rija' xirak'axaj.

Wuj Richin ri Achin Job 42:6

Y roma kan xatintz'et re wakami, kan yik'ix roma ronojel ri nubin chawij y ninwetzelaj-wi'. Roma ri' ninqasaj-wi' chawech k'a chupan re poqolaj y re chaj, xcha'.

2 Sam 13:19

K'ari' ri Tamar xuretz-el ri rutziaq ri', y xujopij-el chaj pa rujolon, Y k'ari' xuya-el ri ruq'a' chupalej y noq' xbe.

2 Sam 1:11

Toq ri David xrak'axaj chi keri' xbanatej, xuretz ri rutziaq chirij roma bis, y chuqa' keri' xkiben konojel achi'a' ri ek'o-apo rik'in.

Wuj Richin ri Achin Job 2:8

Y ri Job xbetz'uye' k'a chiri' pa ruwi' ri chaj ri akuchi poron-wi q'ayis. Xuchop jun ruchi' xot, y rik'in ri' nuk'aqatij-wi rij.

Hechos 14:14

Jak'a toq ri Bernabé y ri Pablo xkinabej ri nikich'ob ri winaqi', rije' xpe bis pa kánima, y roma ri' xkiretzela' ri kitziaq ri kikusan. Kan jari' k'a toq xe'ok rik'in uchuq'a' chikikojol ri winaqi', y nikibila' k'a chike:

San Mateo 11:21

Kan toq'ex k'a iwech rix aj-Corazín; kan toq'ex k'a iwech rix ri aj-Betsaida, roma xa ja ta ri pa taq tinamit Tiro y Sidón xebanatej-wi ri meyel taq banobel ri', ri winaqi' aj chiri' kan xtzolej yan ta pe kik'u'x y kikusalon ta chik kitziaq richin bis, y kiyalon ta chik chaj chikij, richin nikik'ut ri bis.

Wuj Richin ri Sofonías 1:14

Kan naqaj chik k'o-wi ri q'ij richin royowal ri Jehová. Naqaj chik y kan xtibebanatej yan. Kan man tikirel ta nak'axex ri koq'ej ri winaqi'. Bis-bis ri kiraqoj-chi'ij ri aj-labal.

Wuj Richin ri Miqueas 1:8

Roma ri' kan yibison y kan yijiq'ijo'x chi oq'ej. Xkiwuyin k'a chi oq'ej achi'el yewuyin ri utiwa', y achi'el ri jiloj ri nikiben ri alaji' aj-xik' taq chikopi' toq e malin kan roma ri kite'. Roma k'a ri nubis kan maneq nuxajab y nutziaq xtinkusaj.

Ez 21:6

Y rat Ezequiel, kan katoq' k'a rik'in janila bis y q'axo'n.

Wuj Richin ri Isaías 58:5

Man keri' ta rubanik ri meway ri niqa' chinuwech yin. Man keri' ta ri rubanik ri q'ij toq rix niqasaj-iwi' chinuwech. Man ninwajo' ta chi rix nilukuba-iwi' chinuwech, achi'el nuben jun q'ayis pop nipa'e' chik el jun bey toq xik'o yan qa ri kaq'iq'. Niben ich'at qiriqoj y yixkotz'e' pa chaj, y xa chire ri' nibij q'ij richin meway. ¿Kan niqa' kami chinuwech yin re'?

Wuj Richin ri Isaías 22:4

Roma ri' xinbij: Tijech'ej-el-iwi' wik'in, roma ninwajo' yinoq' rik'in janila bis. Man ninwajo' ta richin nikuqubala' nuk'u'x roma re jun ruk'ayewal ri xtuq'axaj ri nutinamit, xkicha'.

Wuj Richin ri Isaías 15:4

Konojel ri winaqi' ri ek'o pa tinamit Hesbón y ri pan Elalé janila xkesik'in chi oq'ej, y re' xtak'axatej k'a pa tinamit Jahas. Roma ri' ri aj-labal aj-Moab xkebaybot roma xibinri'il.

Wuj Richin ri Achin Job 1:20

Kan jari' toq ri Job xuretz ri rutziaq chirij roma bis, y xujuk'uk'ej-el ri rusumal-ruwi', y xuxuk-xumej-ri' richin xuya' ruq'ij ri Dios roma ri xuk'uluwachij,

Ester 4:3

Y toq ri rutzijol ri' xapon chupan chijun ri ruwach'ulew, jari' toq janila xebison ri winaqi' judío. Xemewayin k'a y xesik'in chi oq'ej. Xkikusala' qiriqoj taq tzieq y xekotz'e' pa chaj.

Wuj Richin ri Josúe 7:6

K'ari' ri Josué y ri e tata'al kichin ri e rijatzul kan ri Israel xkiretz ri kitziaq chikij y xkijopij ulew pa kijolon, retal richin yebison. K'ari' xkiqasaj-ki' k'a pan ulew chuwech ri káxa richin ri rujikibel-tzij ri Jehová; keri' xkiben k'a toq xqaqa na ri q'ij. K'ari' xeyakatej-q'anej.

Wuj Richin ri Rutikeribel 27:34

Toq ri Esaú xrak'axaj ri ruch'abel ri rutata', rija' kan janila xoq' roma ri q'axo'n ri' y xubij chire ri rutata': Taya' urtisanik pa nuwi' yin chuqa', xcha'.

Apocalipsis 11:3

Y yin xkenteq k'a el ri e ka'i' nusamajela', richin nikiq'alajirisaj ri nuch'abel chupan ri 42 ik' ri'.*f2* Y rije' kikusan tzieq richin bis, xcha'.

Ester 4:2

Y keri' k'a ri rubanik xapon k'a chuchi' ri rachoch ri rey, y man xok ta apo roma man niya'ox ta q'ij richin jun wineq rukusan ri tzieq richin bis nok-apo chiri'.

Wuj Richin ri Rutikeribel 37:34

K'ari' rija' xuretz ri rutziaq chirij, xukusaj ri tzieq ri richin bis y janila k'iy q'ij xubisoj ri rukamik ri ruk'ajol.

Wuj Richin ri Isaías 37:1

Kere' k'a xbanatej, toq ri rey Ezequías xrak'axaj ri ch'abel ri': Kan xuretz k'a ri rutziaq chirij, y xukusaj tzieq richin bis, y keri' xok-apo pa rachoch ri Jehová.

Wuj Richin ri Isaías 37:2

Ri Eliaquim ri aj-raqen pa ruwi' ri rachoch ri rey, ri Sebná ri tz'ibanel y ri más e rijita'q taq sacerdote, rije' chuqa' xkikusaj tzieq richin bis. Y ri Ezequías xeruteq-el richin xebe rik'in ri Isaías ri q'alajirisey ruch'abel ri Dios.

Ez 21:11

Xjosq'ix yan k'a jebel richin chi k'o jun nuk'uan. Ri espada xban yan k'a rey y kan xjosq'ix yan, richin xya'ox pa ruq'a' ri kamisanel.