Ester 3:13 - Kaqchiquel Bible

¹³ Xetaqalox k'a el ri wuj pa ronojel tinamit ri ek'o chuxe' ri ruq'atbal-tzij ri rey. Y chupan ri wuj nubij k'a chi chupan ri q'ij oxlajuj chire ri ik' Adar, kan pa jun q'ij kek'is konojel ri winaqi' judío; chi rijita'q, chi achi'a', chi ixoqi', chi alaboni', y chi ak'uala'. Y ronojel ri kibeyomel nok kan kichin ri winaqi' ri xkekamisan.

Ester 3:13 ပူးပေါင်းရင်းမြစ်များ

2 Crón 30:6

Y keri' ri rey xeruteq k'a el ri e taluy wuj richin nibekiya' kan chupan chijun ri ruwach'ulew Israel y chuqa' chupan chijun ri ruwach'ulew Judá. Y kere' nubij ri wuj: Rix ri ix rijatzul kan ri Israel, titzolin-pe ik'u'x rik'in ri Jehová ri qa-Dios, y ri ki-Dios ri Abraham, ri Isaac y ri Israel, richin rija' xtitzolin-pe ruk'u'x iwik'in ri k'a ixk'o kan, rix ri xixkolotej kan pa kiq'a' ri rey richin Asiria.

Ester 7:4

roma yin y ri nuwinaq xa kan oj k'ayin chik richin yojbeken y xqojk'is jumul. Wi ta xojk'ayix richin yojyuqe' pa samaj chi achi'a' chi ixoqi', man ta yich'on; jak'a re wakami, xa xqojbek'is, y re' kan man ruk'amon ta k'a chi keri' nibanatej, roma xa xtuben chi xtiwuluwu' ri awajawaren rat, xcha'.

Ester 8:5

y xubij: Wi yin wilon utzil awik'in, y wi rat niqa' chawech, y wi pa ruchojmilal nawak'axaj ri ninbij, y wi kan qitzij yinawajo'; tatz'ibaj k'a el jun wuj y tabij-el chupan chi tiyoj ri rubanon kan ri Amán ri ruk'ajol ri Hamedata, y rijatzul kan ri Agag. Roma rija' xutz'ibaj kan jun wuj y xubij kan chupan richin yojruk'is qonojel roj ri oj judío, ri ojk'o pa taq tinamit chire ri ruwach'ulew ri ek'o chuxe' ri aq'atbel-tzij rat rey.

Ester 9:1

Keri', xapon ri q'ij oxlajuj chire ri ik' Adar, y jari' toq k'o chi nibanatej ri pixa' ri ruya'on kan ri Amán pa rubi' ri rey pa kiwi' ri winaqi' judío, toq ri e etzelanel kichin ri judío koyoben chi ja rije' yek'oje' pa kiwi'; jak'a xa man keri' ta xbanatej, roma xa ja ri judío ri xek'oje' kan pa kiwi' rije'.

Ester 9:5

Keri' ri winaqi' judío xkiben kik'in ri e etzelanel kichin ri achike xkajo' rije'. Xekichop chi espada xekikamisaj y xekik'is jumul.

Wuj Richin ri Achin Job 9:25

Ri q'ij richin ri nuk'aslen xa kan anineq beneq achi'el jun aninel; anineq beneq y man jun kikoten ninwil.

Wuj Richin ri Isaías 10:6

Kan xtinteq chirij jun tzobaj winaqi' ri man yinkitzeqelibej ta yin, chirij ri tzobaj winaqi' ri janila mak nikiben chinuwech. Xtinteq richin chi numej-el chuwi-kiq'a' ri k'o rejqalen, y richin chi yeruxeq' kan.

Wuj Richin ri Jeremías 51:31

Xke'el-xke'ok ri uk'uey rutzijol richin xtikibij chire ri rey richin Babilonia chi ri kiruwach'ulew xch'akatej yan,

Romanos 3:15

Kan anineq yebe chi relesaxik ruk'aslen ri xa man jun rumak.

Santiago 2:13

Roma wi man xtijoyowaj ta kiwech ri ch'aqa' chik winaqi', ri Dios man xtujoyowaj ta chuqa' iwech rix chupan ri q'ij toq xtuq'et-tzij. Jak'a wi xtijoyowaj kiwech ri ch'aqa' chik, xkixch'akon, roma ri Dios chuqa' xtujoyowaj iwech rix chupan ri q'ij ri'.

1 Sam 15:3

Kixbiyin k'a y tibebana' oyowal kik'in. Tik'isa' kan ronojel ri k'o kik'in, y man tijoyowaj kiwech. Ke'ikamisaj kan chi achi'a', chi ixoqi', chi ak'uala', y chuqa' ri ak'uala' ri k'a yetz'uman na, chuqa' ri kiwákix, ri kikarne'l, ri ki-camello, ri kibur y ronojel ri kawej, rubin ri Jehová, xcha'.

1 Sam 22:19

Chuqa' xbe pa Nob, ri kitinamit ri sacerdote, y xerukamisaj kan konojel ri winaqi' chi espada; chi achi'a', chi ixoqi', chi ak'uala', chuqa' ri bóyix, ri wákix, ri bur y ri taq karne'l.