Ester 2:23 - Kaqchiquel Bible

²³ Xch'ob k'a jebel rij ri kich'obonik ri eunuco ri', y toq ri rey xunabej chi kan qitzij nikajo' nikikamisaj, kan xuteq k'a rubixik chi ketzeqebex richin yeken. Y re banobel re' xtz'ibex kan chupan ri wuj richin ri k'uluwachitajineq, achi'el xubij ri rey.

Ester 2:23 ပူးပေါင်းရင်းမြစ်များ

Wuj Richin ri Rutikeribel 40:19

Pan oxi' q'ij apo ri rey xkaroyoj y xtrelesaj ajolon y k'ari' xkarutzeqeba' chutza'n jun che', y xkepe k'a ri aj-xik' taq chikopi' xtokitija-el ri ach'akul, xcha' chire.

Wuj Richin ri Rutikeribel 40:22

Jak'a rik'in ri aj-raqen kichin ri yebanon kaxlan-wey, kan xbanatej achi'el ri xuq'alajirisaj ri José chire; kan xtzeqebex richin xjitz' chuqul.

Wuj Richin ri Esdras 4:15

richin chi titz'et chupan ri wuj ri akuchi tz'iban-wi ri xbanatej kik'in ri ate-atata'. Y chiri' xtatz'et chi rije' kan jun tinamit ri k'o yakatajinenri'il kik'in, y kan e banoy ch'a'oj chike ri e rey y chike ri ch'aqa' chik tinamit. Y ojer kan, xkimol-ki' y xeyakatej chirij ri q'atoy-tzij y roma ri' kan xk'is ri kitinamit Jerusalem.

Ester 10:2

Ronojel ri xuben ri Asuero rik'in ri ruchuq'a' ri ruq'atbal-tzij y ri runimirinen, y keri' chuqa' ri ruruwaq'ijaj ri Mardoqueo ri xya'ox chire roma ri rey, ronojel re' xtz'ibatej kan chupan ri wuj ri akuchi e tz'ibatel-wi ri e banatajineq chupan ri ruwach'ulew Medo-Persia.

Ester 5:14

Xeri' ri Zeres y konojel ri rachibil xkibij chire: Tataqa' rubixik chi tipabex-q'anej jun che' richin nitzeqebex chikaj ri Mardoqueo, y ri che' ri' xtiban chire chi oxlajuj jaj rik'in jun q'a'aj ri rujotolen. Y chua'q nimaq'a', tak'utuj utzil chire ri rey chi titzeqebex ri Mardoqueo; richin keri' xkakikot chupan ri nima-wa'in rik'in ri rey, xecha'. Re jun na'oj re' kan xqa' chuwech ri Amán, y keri' k'a xuteq rubixik chi tiban.

Ester 6:1

Chupan k'a ri aq'a' ri' ri rey man nok ta qa ruwaran, y roma ri' xubij chi tik'amer-pe chire ri wuj ri akuchi e tz'ibatel-wi ri e banatajineq chupan ri ruwach'ulew, y tisik'ix chuwech.

Ester 7:10

Keri', ri Amán xtzeqebex k'a chutza'n ri che' ri', pa ruk'exel ri Mardoqueo. Y rik'in k'a ri' xik'o-qa ri royowal ri rey Asuero.

Wuj Richin ri Malaquías 3:16

Y toq xkak'axaj ronojel re', ri winaqi' ri k'o rukiy ri Dios chikiwech kan xech'on chikiwech ri chi kachibil-ki'. Y ri Dios kan xuya' ruxikin chike y xerak'axaj k'a. K'ari' ri Jehová xutz'ibaj kibi' chupan jun wuj richin natabel kichin ri k'o rukiy chikiwech, y ri nikinimirisaj ri rubi'.

Wuj Richin ri Josúe 8:29

Y ri rey richin ri Ai, xtzeqebex chire ruq'a' jun che' k'a toq xqaq'ij na qa. K'ari' ri Josué xubij chi tiqasex ri ruch'akul, y tikiya-el chuchi' ri tinamit, y chiri' xkimol kan jun molaj abej pa ruwi', y kan k'o chiri' k'a re wakami.