Ester 2:21 - Kaqchiquel Bible

²¹ Y k'o k'a jun q'ij toq ri Mardoqueo k'o chiri' chuchi' ri jay richin ri rey, ek'o chuqa' chiri' e ka'i' eunuco e chajinela' richin ri ruchi-jay. Rije' kibini'an Bigtán y Teres, y rije' xyakatej k'a koyowal chirij ri rey, y roma ri' nikikanoj rubanik richin nikikamisaj.

Ester 2:21 ပူးပေါင်းရင်းမြစ်များ

2 Sam 16:11

K'ari' ri David xubij chire ri Abisai y chike konojel ri e tata'al: Wi ri nuk'ajol ri walk'ualan, nrajo' nrelesaj nuk'aslen, ¡K'a ta la' chik k'a jun chike ri rijatzul kan ri Benjamín! Tiya' k'a q'ij chire richin nroyoj itzel pa nuwi', roma rik'in juba' kan ja ri Jehová biyon chire.

1 Rey 16:9

Pan Israel k'o k'a jun achin ri aj-raqen pa ruwi' ri nik'aj chike ri kajlabal ri carruaje richin oyowal richin ri Elá, y rija' rubini'an Zimrí. Y k'o k'a jun q'ij ri Elá k'o pa Tirsá, pa rachoch ri Arsá ri samajel ri k'o pa kiwi' ri ch'aqa' chik samajela' ri e yuqul pa samaj pa rachoch rija'. Y ri Zimrí xyakatej chirij ri rey Elá, toq ri rey Elá k'o chiri' pa rachoch ri Arsá, y kan janila q'abarel.

2 Rey 12:20

Y xeyakatej k'a ka'i' rusamajela' chirij ri Joás y xkikamisaj pa jun jay ri k'o akuchi taq'ajun-q'anej rik'in ulew, y re' k'o pa relebel-q'ij chire ri Jerusalem chunaqaj ri bey ri nibe pa tinamit Silá.

2 Rey 21:23

Y k'o k'a jun q'ij jujun chike ri aj-raqen xeyakatej k'a chirij, y xkikamisaj kan pa rachoch.

Wuj Richin ri Esdras 4:6

Y toq k'iy yan juna' tiq'ax kan richin nuq'et-tzij ri Darío, jari' toq xuchop nuq'et-tzij ri rey Asuero. Y chupan ri q'ij ri' xban k'a jun sujunik chikij ri winaqi' aj-Jerusalem y ri aj-Judá.

Ester 2:19

Toq ri xtani' k'a yetajin na richin yeq'ax rik'in ri rey, jari' toq ri Mardoqueo nisamej k'a chiri' chuchi' ri rachoch ri rey.

Ester 6:1

Chupan k'a ri aq'a' ri' ri rey man nok ta qa ruwaran, y roma ri' xubij chi tik'amer-pe chire ri wuj ri akuchi e tz'ibatel-wi ri e banatajineq chupan ri ruwach'ulew, y tisik'ix chuwech.

Ester 6:2

Chupan k'a ri wuj ri' tz'ibatajineq kan ri jun banobel richin ri Mardoqueo, toq xerunabej ri e ka'i' eunuco ri xkich'ob nikikamisaj ri rey Asuero.

Wuj Richin Bix Chire ri Dios 144:10

Rat Jehová, ri yaya'on ch'akonik chike ri e rey. Rat ri xakolon richin ri David ri asamajel chuwech ri espada.

Dn 2:49

Y ri Daniel kan xch'on k'a rik'in ri rey pa kiwi' ri Sadrac, Mesac, y Abed-negó roma ri' ri rey kan xeruya' k'a pa utzilej taq samaj ri alaboni' ri' y xe'ok aj-raqen pa ruwi' chijun ruwach'ulew Babilonia. Jak'a ri Daniel kan chupan ri jay richin q'atbel-tzij rik'in ri rey xk'oje-wi.