Ester 2:18 - Kaqchiquel Bible

¹⁸ Richin k'a niya'ox ruk'ojlen ri k'ak'a' reina, ri rey Asuero xuben jun nimaq'ij, y xeroyoj ri e tata'al y ri nima'q taq samajela'. Y xuyala' k'a sipanik chike roma ri rukikoten, y chuqa' chupan ri q'ij ri' xuqasaj ruwi' ri kan k'o chi nikitoj chire ri rey.

Ester 2:18 ပူးပေါင်းရင်းမြစ်များ

Wuj Richin ri Rutikeribel 29:22

Y ri Labán xerumol k'a konojel ri winaqi' ri ek'o chupan ri tinamit ri' y xuben jun nimaq'ij roma ri k'ulubik.

Wuj Richin ri Nehemías 8:11

Y chuqa' ri e levita kan xkikuqubala' kik'u'x ri winaqi' y xkibij chike: Man chik kixoq' roma re q'ij re' kan ch'aron chire ri Dios, y man ruk'amon ta chi rix yixoq', xecha'.

Ester 1:7

Keri' chuqa' ronojel ri qumbel vino ri ek'o chiri' e banon rik'in q'anapueq, y ronojel jalajoj kibanikil. Y ri vino kan pa ruk'iyal k'a k'o chiri' achi'el ri rubeyomel ri rey.

Ester 9:22

Y ri q'ij ri', jari' toq ri judío xekik'is konojel ri e etzelanel kichin. Ri ik' ri' kan richin k'a bis, raqoj-chi'ij y q'axo'n; jak'a pa ruk'exel ri' xa xok ik' richin kikoten y richin nimaq'ij toq xekibanala' nima'q taq wa'in, xesipalon chikiwech-qa rije', y chuqa' xekiyala' sipanik chike ri man jun k'o kik'in.

Wuj Richin ri Nimalej Bix 3:11

Rix, ixoqi' aj-Sión, kixel-pe richin no'itz'eta' ri rey Salomón. Rija' kan rukusan ri ru-corona ri xya'ox chire roma ri rute' richin ri ruk'ulubik. Y re q'ij re' ja re' ri q'ij más kikoten chire ri ruk'aslen.

Wuj Richin ri Nimalej Bix 5:1

Wajowanel yin, xkinapon k'a awik'in, richin yinach'uch'urisaj rat, ri at achi'el nuqejoj; richin xtinseq ri mirra y ri jubulej taq awaq'om ri niwachin chiri'; richin xtintej ri kab, y richin xtinqum k'a ri vino y ri leche ri ek'o chiri'. ¡Rix qachibil, qojwa-qojuk'ya', qojqumun janipe' ri niqajo'!

San Mateo 22:2

Ri aj-chikajil ajawaren kan jubama junan rik'in ri xuben jun rey toq xk'ule' ri ruk'ajol.

Marcos 6:21

Jak'a xapon ri q'ij ri oyoben roma ri Herodías richin niqaqa ta ri Juan pa ruq'a'. Roma chupan ri q'ij ri', ri rey Herodes xtz'aqet chik jun rujuna'; xuben jun nima-wa'in y xeroyoj k'a ri e aj-raqen pa ruwi' ri ajawaren, ri e aj-raqen pa kiwi' ri aj-labal y chuqa' ri achi'a' ri k'o janila kiq'ij chikikojol ri aj-Galilea.

San Lucas 14:8

Toq k'o jun ri noyon iwichin pa jun k'ulubik, man k'a tikanoj ri nabey taq k'ojelibel. Roma rik'in juba' ix tz'uyul chik ri chiri' toq napon jun wineq ri más ruq'ij ke chiwech rix.

Apocalipsis 11:10

Y ri winaqi' ri' xkekikot janila roma ri e ka'i' ri xeken yan. Y roma ri kikikoten janila, kan xkekibanala' k'a sipanik chikiwech-qa rije', roma kan xek'ayewatej pa kiq'a' ri e ka'i' q'alajirisey ruch'abel ri Dios.

Apocalipsis 19:9

Y ri ángel ri beneq wik'in, xubij chuwe: Tatz'ibaj k'a, chi jebel ruwa-kiq'ij ri e oyon richin ri nimaq'ij chupan ri ruk'ulubik ri Karne'l, xcha'. Y ri ángel ri' kan xubij chuqa' chuwe: Re tzij re xinbij chawe, kan ja ri Dios biyon y kan qitzij wi, xcha'.

1 Sam 25:8

Tak'utuj na pe chike ri asamajela', y rije' xkebin chawe. Wakami k'a, ja q'ij re' richin nimaq'ij y roma ri' tabana' k'a pe utzil chike re alaboni' re'. Xtaya' ta pe chike rije' ri nink'utuj-el chawe. Ri achike ta k'o awik'in richin nitij, xtasipaj ta pe juba' chiqe, xcha-el ri David.