Ester 2:14 - Kaqchiquel Bible

¹⁴ Y re xten re' nel-el pa kachoch ri xtani', y napon chuwech ri rey toq nokoq'a-qa, y toq niseqer-el ri ruka'n q'ij, nuk'uex-el chupan jun chik jay kichin ri ru-concubina*f2* ri rey, y man jun bey chik xtapon chuwech ri rey. Jak'a wi ri rey nuteq ruk'amik jun chike rije', k'a ri xtapon chik jun bey chuwech rija'. Y ri nichajin kichin ri ru-concubina ri rey, ja ri eunuco rubini'an Saasgaz.

Ester 2:14 ပူးပေါင်းရင်းမြစ်များ

Wuj Richin ri Rutikeribel 34:19

Y ri Siquem jak'a rija' ri k'o más ruq'ij chikikojol ri rach'alal chiri' pa rachoch ri rutata' y rija' kan man xuya' ta k'a kan k'iy q'ij richin xuqupij-ri' richin jun retal, roma janila xqa' chuwech ri rumi'al ri Jacob.

Ester 2:13

Y ri xten ri nel-pe pa kachoch ri xtani' richin nibe rik'in ri rey, niya'ox k'a q'ij chire richin nucha-el xabachike ri nrajo' richin nuwiq-el-ri'.

Ester 2:15

Y xapon k'a ri q'ij chi ri Ester k'o chi napon chuwech ri rey. Rija' rumi'al kan ri Abihail, ri ruch'utitata' ri Mardoqueo. Y ri Ester xjalon y xuchojmirisaj k'a el ri' achi'el xbix chire roma ri Hegai, ri chajiy kichin ri xtani'. Y toq ruchojmirisan chik ri', konojel ri xetz'eton richin kan xkimey k'a ri rubanikil roma kan jebejoj ok.

Ester 4:11

K'o jun pixa' ri nubij chi xabachike wineq ri nijel-apo chuwa-jay richin niberutz'eta' ri rey, wi man oyon ta, kan k'o chi niken. Konojel ri yesamej rik'in ri rey y konojel ri winaqi' ri ek'o pa ruq'a' rija' ketaman re pixa' re'. Jak'a wi ta ri rey nutzeqej ri ru-cetro*f4* ri banon rik'in q'anapueq chuwech ri wineq ri', man niken ta. Pa ruwi' ri', yin xa kan xik'o yan jun ik' ri man iroyon ta chik richin ninbentz'eta', xcha'.

Wuj Richin ri Isaías 43:1

Jak'a re wakami kere' nubij ri Jehová ri k'iytisanel kichin ri e rijatzul kan ri Jacob: Yin xibanon iwichin rix israelita. Y roma ri' man tixibij-iwi' roma kan ja yin ri xikolon iwichin. Yin kan xixinwoyoj rik'in ri ibi', y roma ri' xixok wichin yin.

Wuj Richin ri Isaías 45:4

Roma ri wajowabal pa kiwi' ri nuwinaq israelita, ri kan e nucha'on, kan ja yin xkibanon richin xtinimer ri aq'ij, stape' rat kan man awetaman ta nuwech.

Deut 21:14

Y wi k'o ta jun q'ij toq xa man utz ta chik nutz'et y man nrajo' ta chik, xtuya-el q'ij chire richin nibe, jak'a man tuk'ayij-el y ni man tuben chire achi'el jun loq'on samajel, roma xa xuqasaj yan ruq'ij.