Ester 10:3 - Kaqchiquel Bible

³ Ri Mardoqueo, kan ja rija' ri xok ruka'n chire ri rey Asuero. Chuqa' xok jun nimalej achin chikikojol ri ruwinaq judío. Kan janila k'a xajowex koma ri ruwinaq, roma xukanoj ri utzil chire ri rutinamit y richin xk'oje' uxlanibel-k'u'x kik'in chi wiq chi tanaj.

Ester 10:3 ပူးပေါင်းရင်းမြစ်များ

Wuj Richin ri Nehemías 2:10

Jak'a toq xkak'axaj re', ri Sambalat aj-Horón y ri Tobías aj-raqen aj-Amón. Rije' man xqa' ta chikiwech, roma yin xinapon richin yento' ri nuwinaq israelita.

Romanos 14:18

Y wi rik'in re' niqasamajij ri Cristo, yojqa' k'a chuwech ri Dios y chuqa' chikiwech ri winaqi'.

Romanos 10:1

Wach'alal, nink'utuj chire ri Dios y ri rurayibel chuqa' ri wánima, ja ta chi ri nuwinaq yekolotej.

Dn 5:29

Chirij ri' ri Belsasar xubij chi tiwiq k'a ri Daniel rik'in jun tzieq q'eqq'oj-keq nitzu'un, y tiya'ox jun ichinaj chiruqul ri banon rik'in q'anapueq. Chuqa' xtalux rutzijol chi ja ri Daniel ri xok kan q'atoy-tzij chirij qa rija'.

2 Crón 28:7

Chuqa' ri Zicrí, jun achin ri kan k'o ruchuq'a' aj-Efraín, xerukamisaj kan ri Maaseías, ri ruk'ajol ri Acaz, ri Azricam aj-raqen richin ri jay akuchi niq'aton-wi-tzij ri Acaz, y ri Elcaná, ruka'n q'atoy-tzij chire ri rey.

Wuj Richin ri Rutikeribel 41:40

Wakami k'a, ja rat ri xkaq'aton-tzij chupan re jay richin re nuq'atbel-tzij y konojel nutinamit xtikinimaj atzij. Xaxe yin más k'a nuq'ij chawech rat, roma ja yin ri in rey, xcha'.

Dn 5:16

Yin kan xinwak'axaj k'a chi rat kan yatikir naq'alajirisaj achik' y ronojel ri kan e k'ayew. Wakami k'a, wi xkatikir xtatz'et ri tz'ibanik ri xban kan chuwech ri jay y wi xkatikir xtaq'alajirisaj chinuwech ri achike nel chi tzij, kan xkatinwiq k'a rik'in tzieq q'eqq'oj-keq nitzu'un y xtinya' jun ichinaj chi'aqul ri banon rik'in q'anapueq. Y ja rat k'a xkatok q'atoy-tzij chuwij qa yin, xcha'.

Ester 3:2

Ri Asuero kan xubij k'a chi konojel k'o chi nikiqasaj-ki' chuwech ri Amán. Roma ri' konojel ri rusamajela' ri rey yexuke' y nikiqasaj-ki' chuwech. Jak'a ri Mardoqueo man nixuke' ta, ni man nuqasaj ta ri' chuwech ri Amán.

1 Sam 23:17

Y kere' xubij kan chire: Man taxibij-awi', ri nata' man xtitikir ta xkarukamisaj. Jak'a rat xkaq'aton kan tzij pa ruwi' ri qaruwach'ulew Israel, y yin ri ruka'n chawij rat. Ri Saúl ri nata' chuqa' kan keri' retaman, xcha' ri Jonatán.

Dn 6:3

Jak'a ri Daniel kan más k'a ruq'ij chikiwech rije', roma rija' kan k'o jun nimalej etamabel rik'in. Y roma ri' ri Darío xuya' pa kiwi' ri q'atoy taq tzij y ri aj-raqen.

Wuj Richin ri Rutikeribel 45:10

Y xkak'oje' chupan ri ulew Gosen, richin naqaj yak'oje-wi chuwe yin, rat y konojel ri awalk'ual y ri awiy-amam, ri awawej y konojel ri ek'o awik'in.

Wuj Richin ri Rutikeribel 45:11

Richin man xkixwayjan ta, xkixintzuq re wawe' y kan man jun ri achike ta xtik'atzin chiwe, roma k'a k'o na wo'o' juna' wayjal; keri' tibij chire ri nata' y keri' chuqa' tibij chike ri ek'o pan iwachoch, xcha'.

1 Sam 18:16

Ri David kan janila k'a xajowex koma ri achi'a' aj-Israel y koma ri aj-Judá; y ja rija' ri nuk'uan kibey toq yebe pa labal.

Ester 2:5

Chiri' pa Susa akuchi k'o-wi ri jay richin ri rey akuchi niq'aton-wi-tzij, k'o k'a jun achin judío rubini'an Mardoqueo, y rija' ruk'ajol ri Jaír, y ri Jaír rijatzul ri Simí, y ri Simí rijatzul ri Cis; y konojel re' e rijatzul kan ri Benjamín.