18 Ri ixjayilonela' kichin ri e tata'al richin ri ruwach'ulew Medo-Persia kan xtikinatala' k'a re banobel re' chike ri kachijilal. Y jari' k'a toq xtipe oyowalen chikikojol rije'.
roma ri rubanobal re reina re' xtikak'axaj ri ch'aqa' chik ixoqi', y rije' xtikiqasaj ruq'ij ri kachijilal y xa xtikinataj chi rat rey Asuero xateq royoxik ri reina Vasti y rija' man xpe ta chawech.
Roma ri', wi rat rey niqa' chawech, tatz'ibaj k'a jun wuj ri akuchi nubij-wi chi ri Vasti man reina ta chik. Y tikanox chik k'a jun ruk'exel ri más nimey-tzij chuwech rija'. Y re wuj re' kan xtik'oje' jantape' chukojol ri pixa' qichin roj ri oj richin ri ruwach'ulew Medo-Persia.