Efesios 6:4 - Kaqchiquel Bible

⁴ Y rix te'ej-tata'aj, man tiyek koyowal ri iwalk'ual. Xa kan ke'ik'iytisaj k'a rik'in ri nubij ri ruch'abel ri Dios y kan pa rubeyal.

နောက်ထပ်ဗားရှင်းများ

Kaqchikel Santo Domingo (Xenacoj)

⁴ Rix teꞌej-tataꞌatz, ma tiyek koyowal ri iwalkꞌuaꞌl, xa kin keꞌikꞌiytisaj y keꞌipixabꞌaj pa ruchojmil chin ndikinimaj rutzij ri Ajaw.

Kaqchikel Santa Maria de Jesus

⁴ Y ixreꞌ tataꞌj, man takꞌax ruveꞌ ri castigo ri ntiyaꞌ chica ri ivalcꞌual, ruma xa xtipa quiyoval chiva. Xa quiꞌiqꞌuiytisaj cꞌa riqꞌuin ri nuꞌej ri ruchꞌabꞌal ri Ajaf, y antok nicꞌatzin, quiꞌbꞌanaꞌ castigar.

Kaqchikel Central Guatemala

⁴ Y rix te'ej-tata'aj, mantic'o ruvi' ri niben chique ri ivalc'ual. Man utz ta c'a ri niben vi nic'o ruvi' niben chique y romari' ri ivalc'ual nipe coyoval chive. Xa can que'iq'uiytisaj c'a riq'uin ri nubij ri ruch'abel ri Ajaf, y tok nic'atzin tiya' xic'a'y chique.

Re C'ac'a Testamento pa Kach'abal

⁴ Y yex te'ej-tata'aj, man tak'ax rue' re niban chique re ivajc'ual. Man otz-ta vo xa can nak'ax rue' niban chique, y mare' re ivajc'ual nipa quiyoval chiva. Xa can que'iq'uiytisaj riq'uin re nubij re ruch'abal re Ajaf, y tak nic'atzin che ye'ban corregir, que'ibana' corregir.

Kaqchikel Western Solola

⁴ Y riyix te'ej tata'aj, ma tik'ax ta ruwi' ri niben chique ri iwalc'ual. Ma utz ta c'a ri niben wi nik'ax ruwi' niben chique y rumari' ri iwalc'ual nipe coyowal chiwe. Xa can que'iq'uiytisaj c'a riq'ui ri nubij ri ruch'abel ri Ajaf, y tek nic'atzin tiya' jun ti quixc'a'y.

Efesios 6:4 ပူးပေါင်းရင်းမြစ်များ

Wuj Richin ri Rutikeribel 18:19

Kan q'alaj chik chinuwech chi rija' kan xtuk'ut kan chikiwech konojel ri ralk'ual y ri rijatzul chi k'o chi nikitaqej ri niqa' chinuwech yin, roma rije' k'o chi pa ruchojmilal xtikiben ronojel y jebel chuqa' ruchojmirisaxik xtikiben chike ri yebanatej, richin keri' yin Jehová xtinya' ronojel ri nusujun chire ri Abraham, xcha-qa.

1 Crón 28:20

Kan tatija' k'a aq'ij y kof kak'oje', man tamalij ak'u'x y man taxibij-awi' richin naben re samaj re', roma ri Jehová ri qa-Dios kan xtik'oje' awik'in. Rija' man xkaruya' ta kan, y man xkarumalij ta kan.

1 Crón 29:19

Y keri' chuqa' tabana' chire ri nuk'ajol Salomón chi rik'in ta ronojel ránima xtutaqej ronojel ri pixa', richin xtupaba-q'anej ri awachoch, ri xinben yan kan ruchojmil, xcha'

Wuj Richin Etamabel-Tzij 19:18

Kan tatija' aq'ij chi napixabaj ri ak'ajol rokik nik'iy-q'anej, roma xaxe keri' k'o utz ri nawoyobej-apo; xaxe k'a man tik'o-ruwi' ri naben chire richin natijoj, man xa tiken-el pan aq'a'.

Wuj Richin Etamabel-Tzij 22:15

Ri ruch'ujilal jun ala', kan ch'ikil ri chiri' pa ránima, jak'a wi nukusex ri xik'a'y toq nitijox richin chi man nuben ta chik ri banobel ri', kan nel-wi-el.

Wuj Richin Etamabel-Tzij 22:6

Kan tanaq'tisaj k'a pe ri ak'ual k'a pa ruch'utinal-pe, rik'in ri achike rubeyal ruk'aslen ri utz chi nuk'uaj, richin keri' toq xtapon-q'anej pa rurijixinen, kan man xtujech'ej ta kan ri' chire ri rubeyal k'aslen ri'.

Wuj Richin Etamabel-Tzij 29:15

Toq nukusex xik'a'y y nukusex ch'olinik chirij jun ak'ual, nuben chire chi nik'oje-q'anej runa'oj; jak'a ri alk'ualaxel ri janila niloq'oq'ex, xa xtuya' ruk'ix ri rute'.

Wuj Richin Etamabel-Tzij 29:17

Toq ri awalk'ual ala' man nuben ta ri utz, tach'eya', richin chi ri chawech-apo rik'in uxlanen xkak'ase'; y re' kan xtuk'en k'a pe kikoten chawe chupan ri ak'aslen.

Wuj Richin ri Isaías 38:19

Xaxe k'a ri k'o kik'aslen yetikir nikiya' aq'ij, achi'el ninben yin re wakami. Y jun sol winaqi' nikitzijoj chike jun sol chik winaqi' ri awajowabal ri man nik'is ta.

Efesios 6:3

Y wi niben keri', ri Dios nuya' k'iy juna' ik'aslen chuwech re ruwach'ulew, y janila k'iy urtisanik ri xtik'ul.

Deut 4:9

Roma ri' tichajij k'a iwi', y tik'oje' k'a chi'ik'u'x, richin man nimestaj ta ri xe'itz'et rik'in ri runaq' taq iwech, chuqa' man tel pan iwánima ronojel q'ij chire ri ik'aslen; kan xtik'ut k'a chikiwech ri iwalk'ual y ri kalk'ual rije'.

Deut 6:7

y kan tikamuluj chike ri iwalk'ual y kan ke'itijoj k'a jantape', pa taq iwachoch, pa taq bey, toq yixkotz'e-qa y toq yixyakatej-el.

Colosenses 3:21

Y rix te'ej-tata'aj, man tiyek koyowal ri iwalk'ual, richin man nikimalij kik'u'x.

2 Timoteo 1:5

Chuqa' noqaqa chinuk'u'x chi kan qitzij akuquban-ak'u'x rik'in ri Dios, achi'el xkiben ri Loida ri awati't, y ri Eunice ri ate'. Y yin wetaman chi rat chuqa' kan junan ri akuqubabel-k'u'x kik'in rije'.

2 Timoteo 3:15

Roma kan k'a at ko'ol toq xawetamaj-pe ri tz'ibatel kan chupan ri loq'olej ruch'abel ri Dios. Y ri ch'abel ri' xuya' ana'oj y xuk'ut chawech chi k'o chi xakuquba' ak'u'x rik'in ri Cristo Jesús richin xakolotej chupan ri amak.

Wuj Richin ri Josúe 24:15

Wi man niqa' ta chiwech nisamajij ri Jehová, kan ticha' k'a wakami ri achike ri nisamajij; wi ja ri dios ri xkisamajij ri qate-qatata' toq xek'oje' ri juk'an chik chire ri raqen-ya' Éufrates, o ja ri ki-dios ri amorreo ri akuchi ixk'o-wi wakami. Jak'a yin y ri e aj pa wachoch kan ja k'a ri Jehová ri xtiqasamajij, xcha'.

Wuj Kichin ri To'onela' 13:12

Jari' toq ri Manoa xubij: Toq xtibanatej ri xabij, ¿achike rubanik richin nik'ase' ri ak'ual, y achike k'atzinel niqaben roj rik'in?, xcha'.