Efesios 6:1 - Kaqchiquel Bible

¹ Rix alk'ualaxela' pa rubi' ri Dios ninbij chiwe chi tinimaj kitzij ri ite-itata', roma keri' ruk'amon chi niben.

နောက်ထပ်ဗားရှင်းများ

Kaqchikel Santo Domingo (Xenacoj)

¹ Rix alkꞌualaxelaꞌ, ri xe jun ibꞌanun rikꞌin ri Ajaw, tinimaj kitzij ri ite-itataꞌ, porque jariꞌ ri rukꞌulun chi ndibꞌen.

Kaqchikel Santa Maria de Jesus

¹ Y ixreꞌ acꞌolaꞌ ri iniman chic ri ruchꞌabꞌal ri Ajaf, quixniman chica ri itie-itataꞌ, ruma quireꞌ otz chi ntiꞌan.

Kaqchikel Central Guatemala

¹ Y rix ac'uala', tinimaj c'a quitzij ri ite-itata', roma queri' ruc'amon chi niben. Y queri', ninimaj chuka' rutzij ri Ajaf.

Re C'ac'a Testamento pa Kach'abal

¹ Y yex ac'ola', tinimaj quitzij re ite-irta', roma quire' otz che niban. Y vo xa quire' niban, can ninimaj chuka' rutzij re Ajaf.

Kaqchikel Western Solola

¹ Y riyix ac'ala', tinimaj c'a quitzij ri ite' itata', riche (rixin) chi queri', ninimaj chuka' rutzij ri Ajaf. Ruma queri' utz chi niben.

Efesios 6:1 ပူးပေါင်းရင်းမြစ်များ

Wuj Richin ri Rutikeribel 28:7

Y ri Jacob kan xunimaj kitzij ri rute-rutata', roma ri' xbe k'a pa Padán-aram.

Wuj Richin ri Rutikeribel 37:13

Xeri' ri Israel xubij chire ri José, ri ruk'ajol: Ri awach'alal yeyuq'un k'a pa Siquem. Ninwajo' chi ye'abetz'eta' kan, xcha'. Y rija' xubij: Utz, k'ari' táta yibe, xcha'.

Wuj Richin ri Rutikeribel 48:12

K'ari' ri José xerelesaj-pe chi e ka'i' ruk'ajol, ri ek'o-apo rik'in ri rutata', y xuqasaj-qa-ri' k'a pan ulew chuwech.

Wuj Richin ri Rutikeribel 50:12

Ri ralk'ual ri Jacob kan xkiben k'a achi'el ri rubin kan ri kitata' chike,

Wuj Richin ri Nehemías 9:13

Y k'ari' rat xaqaqa-pe pa ruwi' ri juyu' Sinaí richin xach'on kik'in rije' richin xaya' ronojel pixa' y ruchojmilal ri kan e choj.

Ester 2:20

Y ri Ester kan man ruq'alajirisan ta k'a ri ruruwach'ulew, ni ri ruwinaq, roma rija' kan rutaqen-pe ronojel ri xbix chire roma ri Mardoqueo.

Wuj Richin ri Achin Job 33:27

K'ari' rija' xtapon kik'in ri ch'aqa' chik winaqi' y xtubij chike: Yin kan man pa ruchojmilal ta xinben, xa xinyoj rubanik ri choj, jak'a ri Dios man xuya' ta ruk'ayewal pa nuwi', achi'el ri ruk'amon.

Wuj Richin Bix Chire ri Dios 119:128

Roma ri' kan ja ri apixa' ri nutzeqeliben pa ruwi' ronojel; kan ninwetzelaj k'a ronojel ri man qitzij ta.

Wuj Richin Bix Chire ri Dios 119:75

Jehová, yin wetaman chi ri chojmilal ri naben rat kan pa rubeyal-wi, chi toq yinaya' pa tijoj-poqonal, xa kan roma ri awajowabal pa nuwi'.

Wuj Richin Bix Chire ri Dios 19:8

Ri pixa' ri nuya' ri Jehová kan e choj; kan nuben chi nikikot ri ránima ri wineq. Ri ruch'abel ri Jehová, kan e ch'ajch'oj, y kan nusaqirisaj ri runaq'-ruwech ri wineq.

Wuj Richin Etamabel-Tzij 1:8

Kan jebel k'a tiya' ixikin rix alk'ualaxela', chire ri tijonik richin ri itata', y man tiwixowaj ri nuk'ut chiwech ri ite'.

Wuj Richin Etamabel-Tzij 23:22

Rat, kan tabana' k'a ri nubij chawe ri atata', ri xalk'ualan awichin; kan man k'a taben chi man jun chik rejqalen ri ate', toq rija' xtapon pa rurijixinen.

Wuj Richin Etamabel-Tzij 30:11

Ek'o sol winaqi' ri nikiben itzel oyonik pa ruwi' ri kitata', y chuqa' kan man nikiya' ta ruq'ij ri kite',

Wuj Richin Etamabel-Tzij 30:17

Ri wineq ri kan nuk'ut rik'in ri runaq' taq ruwech, chi xa nretzelaj ri rutata' y xa man niqa' ta chuwech nunimaj rutzij ri rute'; xa tuk'uex ri pa taq siwan, ri kojol juyu'; ke'elesex ri runaq' taq ruwech koma ri qo'ch y titij ri ruch'akul koma ri alaji' taq kot.

Wuj Richin Etamabel-Tzij 6:20

Rix walk'ual alaboni', kan tibana' k'a iwichin chire ri pixa' richin ri itata' y chuqa' man tiwixowaj ri tijonik richin ri ite'.

Wuj Richin ri Jeremías 35:14

Ri rubin kan ri Jonadab ruk'ajol ri Recab, chike ri e rijatzul chi man tikiqum vino, rije' kan kitaqen y roma ri' kan man kiqumun ta vino k'a re wakami, roma kan kiniman ri pixa' richin ri kimama'. Jak'a yin kan beneq k'a ruwech nubin-pe chiwe rix y man rik'in ri', man in iwak'axan ta.

Wuj Richin ri Jeremías 35:18

Jari' toq yin xinbij chike ri aj-Recab: Ri Jehová k'iytisanel richin ronojel, ri qa-Dios, nubij chi roma kan itaqen-pe ri rupixa' ri imama' y kan ibanon ronojel ri achi'el rubin rija' chiwe;

Wuj Richin ri Jeremías 35:8

Roj kan qaniman k'a rutzij ri Jonadab rik'in ronojel ri rubin chiqe, chi man tiqaqum vino chijun qak'aslen, ni roj ni ri qixjayilal ni ri qami'al-qak'ajol.

Os 14:9

Ri e aj-na'oj kan xtiq'ax k'a chikiwech ronojel re'. Ri kan nowineq kan xtretamaj k'a, chi ri bey ri nibe rik'in ri Jehová kan choj-choj. Ri choj kik'aslen kan chupan k'a re bey re' yebiyin-wi. Jak'a ri kik'uan ri itzel k'aslen xa kan nikipajk'ij k'a ri kaqen chupan re bey re'.

Wuj Richin ri Chojmirisabelri'il 19:3

Tiya' kiq'ij ri ite-itata'; kan tiya' rejqalen ri q'ij richin uxlanen. Yin Jehová ri i-Dios ri yibin.

San Lucas 2:51

K'ari' ri ak'ual junan k'a xtzolin kik'in rije' pa kitinamit Nazaret, y kan janila k'a nunimaj kitzij. Y ronojel ri xbanatej rik'in ri ak'ual, ri María xeruyek k'a pa ránima.

Romanos 12:2

Man titzeqelibej ri kik'aslen ri winaqi' ri k'a kikuquban na kik'u'x rik'in re ruwach'ulew. Xa kan tiya' q'ij chire ri Dios richin nujel ri ich'obonik, richin keri' kan tijalatej k'a chuqa' rubanik ri ik'aslen. Y keri' xtiwetamaj ri achike nrajo' ri Dios chi niqaben. Ri nrajo' rija': Ja ri utz, ri jebel y ri choj.

Romanos 16:2

Roma ri' tik'ulu' jebel y kan keri' ruk'amon chi niben rix qach'alal chike ri jun chuqa' kibanon rik'in ri Dios, ninwajo' k'a chi xtito' ta ri qach'alal Febe rik'in ri nik'atzin chire; roma rija' e ruto'on e k'iy y keri' chuqa' rubanon wik'in yin.

Romanos 7:12

Ri pixa' kan loq'olej, kan utz y choj ri nubij.

1 Corintios 15:58

Y roma ri', wach'alal ri janila yixinwajo', ninbij k'a chiwe chi kan kow kixk'oje', y man tiya' kan. Kan beneq k'a ruwech tibana' ri rusamaj ri ajaw, y jebel tibana' chire, roma ronojel ri niben roma rija', kan k'o-wi utz ri nuk'en-pe chiwe.

Deut 21:18

Wi k'o ta jun chike ri iwalk'ual ri man nunimaj ta tzij y man niniman ta chike ri rute-rutata'; stape' nich'ay man niniman ta tzij,

1 Timoteo 5:4

Jak'a ri malkani' ri ek'o kal o ek'o kiy, ja rije' ri ke'ilin kichin, richin niketamaj yekilij nabey ri e aj pa kachoch, y yekito' ri kite-kitata' achi'el ri ruk'amon chi nikiben ri nimanela', roma jari' ri niqa' chuwech ri Dios.

1 Pedro 2:13

Chi'iwonojel tinimaj kitzij konojel ri q'atoy taq tzij, roma ri Dios keri' nrajo'. Tinimaj rutzij ri rey, roma ja rija' ri más uchuq'a' k'o pa ruq'a'.

Wuj Richin ri Rut 3:5

Y ri Rut xubij chi kan xtuben ronojel ri xbix-el chire.

1 Sam 17:20

Ri ruka'n q'ij, ri David nimaq'a' yan xyakatej y xeruya' kan ri rukarne'l pa ruq'a' jun chik achin. Xbe rik'in ri taqikil achi'el xubij-el ri rutata' chire. Xapon k'a akuchi ek'o-wi-qa ri aj-labal, y jari' toq ri achi'a' nikinuk'-ki' richin yebe pan oyowal, y janila k'a yesik'in.