Efesios 5:7 - Kaqchiquel Bible

⁷ y roma ri' rix man kixok kachibil.

နောက်ထပ်ဗားရှင်းများ

Kaqchikel Santo Domingo (Xenacoj)

⁷ Rix ma jun titzeq iwiꞌ kikꞌin ri ngebꞌanun keriꞌ.

Kaqchikel Santa Maria de Jesus

⁷ Rumareꞌ ixreꞌ man quixuoc cachꞌil ri ncaꞌbꞌano quireꞌ.

Kaqchikel Central Guatemala

⁷ Romari' rix man quixoc cachibil.

Re C'ac'a Testamento pa Kach'abal

⁷ Mare' yex man quixoc quichibil re ye'bano quire'.

Kaqchikel Western Solola

⁷ Rumari' riyix ma quixoc ta cachibil, ma tiben ta achi'el niquiben riye'.

Efesios 5:7 ပူးပေါင်းရင်းမြစ်များ

Wuj Richin Bix Chire ri Dios 50:18

Wi natz'et jun eleq'om, kan chi'anin nawachibilaj-el. Kan junan k'a awech naben-el kik'in ri nikiben ixoqinik.

Wuj Richin Etamabel-Tzij 13:20

Ri wineq kan nok k'a aj-na'oj, toq kan ja ri aj-na'oj yerachibilaj; y wi xa yerachibilaj ri xa maneq ok kina'oj, nuq'axaj k'a ruk'ayewal.

Wuj Richin Etamabel-Tzij 9:6

Kan tiya' k'a kan ri ik'aslen ri akuchi xa maneq na'oj, y tiwila' ri k'aslen, y kan tichapa-el ri k'aslen ri akuchi kan k'o etamabel.

Wuj Richin ri Q'axanri'il 16:26

K'ari' rija' xuya' chik rutzijol chike ri winaqi', chirij ri xtibanatej y xubij k'a chike: Tijech'ej-el-iwi' chire ri kachoch ri itzel taq winaqi' ri' y man jun tichop ri xa kichin rije', richin keri' man yixken ta chuqa' rix junan kik'in rije', roma ri kimak, xcha'.

2 Corintios 6:14

Rix man tijunamatej-iwech kik'in ri winaqi' ri man kikuquban ta kik'u'x rik'in ri Cristo. Roma xa kan man nuk'uaj ta ri' jun k'aslen choj rik'in jun ri xa man choj ta. Ri nibiyin pa saqil man nitikir ta nibiyin rik'in jun ri nibiyin pa q'equ'm.

Efesios 3:6

K'a ja re wakami xuq'alajirisaj chi rix ri man ix judío ta junan xkixichinan qik'in roj judío. Junan chik k'a qawech iwik'in; roma qichin qonojel ri utzil ri rusujun-pe ri Dios chiqe roma ri Cristo Jesús.

Efesios 5:11

Man k'a kixok kachibil ri yebanon banobel richin q'equ'm roma man jun rejqalen. Pa ruk'exel ri', xa tibij chi ri kibanobal man utz ta,

1 Timoteo 5:22

Man chi'anin taya' q'ij chire jun qach'alal chi nok chupan ri rusamaj ri Dios, wi man awetaman ta achike chi k'aslen ruk'uan, richin man nawejqalej ri rumak rija'. Rat kan tachajij awi' richin keri' jantape' ch'ajch'oj ri ak'aslen.

Apocalipsis 18:4

K'ari' xinwak'axaj k'a chi k'o jun chik ri nich'on-pe chila' chikaj y nubij: Rix ri kan ix wichin chik yin, kixel k'a pe ri pa tinamit Babilonia, man xa kixqaqa chuqa' pa mak y yixilon chuqa' rix rik'in ri ruk'ayewal ri xtiqaqa pa kiwi' ri winaqi' aj chiri'.