Efesios 5:6 - Kaqchiquel Bible

⁶ Man kixq'olotej pa kiq'a' ri winaqi' ri nikibij ch'abel ri man jun rejqalen, roma man nikinimaj ta rutzij ri Dios. Kan qitzij wi chi xtiqaqa ruk'ayewal pa kiwi'

နောက်ထပ်ဗားရှင်းများ

Kaqchikel Santo Domingo (Xenacoj)

⁶ Ma jun tiqasan ijolon rikꞌin teq tzij ri ma jun utz ndukꞌen pe, ri ndubꞌij chi ma jun ndubꞌen maske ndabꞌen mak achel ri xinbꞌij yan pe chiwa, porque roma mak achel riꞌ, ndiqaqa royowal ri Dios pa kiwiꞌ ri ma ngeniman ta.

Kaqchikel Santa Maria de Jesus

⁶ Pero ixreꞌ man quixꞌan engañar cuma ri ncaꞌeꞌn ri tzij ri man jun rakalien. Ruma ri niquiꞌan ri pecado reꞌ, xtika pa quiveꞌ ri castigo ri xtuyaꞌ ri Dios ruma man niquinimaj ta.

Kaqchikel Central Guatemala

⁶ Y ec'o ri yebin chi man jun itzel nuq'uen-pe banobel que tak ri'. Pero rix man c'a quixk'olotej pa quik'a' riq'uin ri niquibij. Roma ri yebanon ri itzel tak banobel y man niquinimaj ta rutzij ri Dios, can kitzij vi chi xtika' ri royoval ri Dios pa quivi'.

Re C'ac'a Testamento pa Kach'abal

⁶ Y jec'o ye'bin che re banabal qui tak re' man xajan-ta che ye'ban. Pero yex man quixk'olotaj pa quik'a' re ye'bin quire'. Roma re ye'bano re itzel tak banabal y man niquinimaj-ta rutzij re Dios, can katzij-va che xtika re ruyoval re Dios pa quive'.

Kaqchikel Western Solola

⁶ Man c'a quixk'olotej ta pa quik'a' ri winek ri niquibij tzij ri xa majun rejkalen. Ruma quinojel ri yebano ri mac re xenbij ka, can kitzij na wi chi xtika ri royowal ri Dios pa quiwi' ruma ma niquinimaj ta rutzij ri Dios.

Efesios 5:6 ပူးပေါင်းရင်းမြစ်များ

2 Rey 18:20

Rat xa e maneq e k'iy aj-labal awik'in. ¿Nach'ob rat chi xaxe rik'in ri ach'abel yojach'ek? ¿Achoq ik'in k'a akuquban ak'u'x roma xayakatej chuwij yin?

Wuj Richin Bix Chire ri Dios 78:31

jari' toq xqaqa k'a pa kiwi' ri royowal ri Dios. Xuben chi xeken k'a ri más jebel kuchuq'a' chikikojol rije'. Kan xeruk'is k'a ri e cha'on chikikojol ri israelita.

Wuj Richin ri Jeremías 27:9

Roma ri' rix man tinimaj kitzij ri nikibananej chi e q'alajirisey ri ruch'abel ri Dios, ni ri nikiq'alajirisaj achik', ni ri aj-itza' ri nikibij chi man tisamajij ri rey richin Babilonia.

Wuj Richin ri Jeremías 29:31

Tataqa' rubixik chike konojel ri awinaq ri ek'o chiri' pa Babilonia, chi yin Jehová ninbij: Roma ri Semaías ri aj-Nehelam xuq'alajirisaj ri man nubin ta yin chire y rix xikuquba' ik'u'x rik'in ri tz'ukun-tzij ri xubij,

Wuj Richin ri Jeremías 37:9

Yin Jehová ninbij chiwe rix chi man tikuquba' ik'u'x chi ri aj-Babilonia man xketzolin ta chik pe chiwij, roma rije' xa kan xkepe chik chiwij.

Wuj Richin ri Miqueas 3:5

Ri nikibananej chi e q'alajirisey ruch'abel ri Dios xa e q'olonel. Toq k'o jun wineq nusuj kiway, nikoyoj urtisanik pa ruwi'. Jak'a ri wineq ri man nusuj ta kiway, xa nikoyoj etzelanik pa ruwi'. Roma ri' ri Jehová xtuya' ruk'ayewal pa kiwi'.

San Mateo 24:24

Roma kan ek'o k'a ri xkebek'ulun-pe y xtikibila' k'a chi ja rija' ri Cristo, o ja rija' jun q'alajirisey ruch'abel ri Dios. Jak'a man ke'inimaj; roma xa e q'olonela'. Y xkekibanala' k'a nima'q taq retal y nima'q meyel taq banobel, y rik'in ri' yekiq'ol ri winaqi'. Y rik'in juba' xkekiq'ol ri e cha'on chik roma ri Dios.

San Mateo 24:4

Y ri Jesús xubij chike ri rutijoxela': Kan jebel k'a tichajij-iwi' richin man jun xkixq'olo.

Marcos 13:22

Roma kan ek'o k'a ri xkebek'ulun-pe y xtikibila' chi ja rija' ri Cristo, o ja rija' jun q'alajirisey ruch'abel ri Dios. Jak'a man ke'inimaj; roma xa e q'olonela'. Y xkekibanala' k'a nima'q taq retal y nima'q meyel taq banobel, y rik'in ri' yekiq'ol ri winaqi'. Y rik'in juba' xkekiq'ol ri e cha'on chik roma ri Dios.

Marcos 13:5

Ri Jesús xubij: Kan jebel k'a tichajij-iwi' richin man jun xkixq'olo.

Romanos 1:18

Ri Dios yakatajineq royowal chikij ri winaqi' ri itzel taq kibanobal. Roma rik'in ri itzel kibanobal kiq'aton ri qitzij tijonik.

Colosenses 2:18

Ek'o winaqi' nikibananej chi janila kiqasan-ki' y nikiya' kiq'ij ri ángel. Man tiya' q'ij chi rije' yixkiq'ol, y nikelesaj ri sipanik ri k'o chi nik'ul chila' chikaj. Re winaqi' re' nikibij chi k'iy kitz'eton ri xa man e tz'etel ta, y xa yesipoj rik'in ri itzel taq kich'obonik roma kik'uan ri ch'obonik richin re ruwach'ulew.

Colosenses 2:4

Y ronojel re' ninbij chiwe roma yin ninwajo' chi man yixq'olotej pa kiq'a' ri ye'ukusan jebel taq ch'abel xaxe richin yixkitzeq.

Colosenses 2:8

Kan tichajij k'a iwi' richin chi man yixq'olotej pa kiq'a' winaqi' ri xa jun wi chik tijonik kik'uan, stape' jebel ok yeq'alajin. Xa kik'in winaqi' peteneq-wi; xa richin re ruwach'ulew y man rik'in ta ri Cristo peteneq-wi.

Colosenses 3:6

Y xa roma k'a ri banobel ke taq ri' ri yekibanala' ri winaqi', toq ri Dios nuya' ruk'ayewal pa kiwi'.

2 Tesalonicenses 2:3

Man k'a kixq'olotej, roma nabey chuwech richin nipe ri Jesucristo, janila e k'iy ri xkeya'on kan richin ri Dios, chuqa' xtipe ri itzel achin. Ri kan rubin chik ri Dios chi kan richin chik ri tojbel-mak.

Hebreos 13:9

Man tiya' q'ij chi ja ri tijonik man e qitzij ta ri ye'uk'uan iwichin. Más ta utz chi rix nikuquba' ik'u'x rik'in ri tijonik ri nich'on chirij ri rutzil ri Dios, y man rik'in ta ri tijonik ri nich'on chirij ri yetij y xa man jun utz ruk'amon-pe chike.

Hebreos 3:19

Y rik'in ri', roj niqetamaj chi rije' man xetikir ta xe'ok akuchi k'o uxlanen, roma man xkikuquba' ta kik'u'x rik'in ri Dios.

1 Pedro 2:8

Chike ri winaqi' ri man nikinimaj ta, rija' xa xtok jun achi'el abej ri nikipajk'ij kaqen chirij y xketzaq. Xtikik'uluwachij keri' roma man xkinimaj ta ri rubin ri Dios y rik'in ri' nitz'aqet ri ruch'obonik ri Dios.*f4*

1 Juan 4:1

Wach'alal ri yalan yixinwajo', man tinimaj ri nubij jun wineq xaxe roma ri nubij chi rik'in ri Loq'olej Espíritu peteneq-wi. Rix xa kan nik'atzin chi nich'ob rij jebel richin niwetamaj, roma e k'iy winaqi' chuwech re ruwach'ulew ri yebin chi ja ri ruch'abel ri Dios ri nikitzijoj, y xa man qitzij ta.