Efesios 5:4 - Kaqchiquel Bible

⁴ Man tibila' k'a ch'abel xaxe roma ri nirayij yixtzijon y xa man e ruk'amon ta. Man tibila' ch'abel ri xa man ich'obon ta, wi utz nibij o xa man utz ta. Man tibanala' tzij ri man jun nik'atzin-wi. Pa ruk'exel ri', ri tzij ri ruk'amon chi niben rix, ja ri nuk'en-pe matioxinik chire ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

⁴ Ma tibꞌilaꞌ chuqaꞌ mal teq tzij, ma tibꞌilaꞌ tzij ri ma jun rubꞌeyal y chuqaꞌ ma tibꞌilaꞌ etzꞌanin teq tzij ri ma eꞌutz ta, porque tzij achel riꞌ ma rukꞌulun ta chi ngeꞌibꞌilaꞌ. Pa rukꞌexel riꞌ, ja ri tzij ndukꞌen pe matioxinik chare ri Dios tibꞌilaꞌ.

Kaqchikel Santa Maria de Jesus

⁴ Man tibꞌilaꞌ tzij man otz ta, ruma xa nucꞌam-pa qꞌuix. Man tibꞌilaꞌ tzij ri man ibꞌanun ta pensar otz. Man tibꞌilaꞌ tzij ri man jun ncaꞌcꞌatzin-ve. Nojiel reꞌ man otz ta. Ri más otz ntiꞌan ja chi tiyaꞌ tiox bꞌaꞌ cha ri Dios.

Kaqchikel Central Guatemala

⁴ Man tibila' c'a ch'abel xaxe roma ri nirayij yixtzijon y xa man e ruc'amon ta. Man tibila' ch'abel ri xa man ich'obon ta, vi utz nibij o xa man utz ta. Man tibanala' tzij ri man jun yec'atzin-vi. Man tiben queri' roma man ruc'amon ta. Ri tzij ri ruc'amon chi niben rix ja ri nuq'uen-pe matioxinic chire ri Dios.

Re C'ac'a Testamento pa Kach'abal

⁴ Man tibila' tzij xaxe roma nirayij yixtzijon y xa man je otz-ta che ye'tzijoj. Tak nibij jun tzij can tinojij jabal vo xa otz o xa man otz-ta. Man tibila' tzij re man jun ye'oc-va. Man tiban quire' roma man otz-ta. Re otz che niban ja che quixtioxin cha re Dios.

Kaqchikel Western Solola

⁴ Ma tibila' ta c'a ch'abel ri sibilaj q'uixbel. Ma tibila' ta nacanek tak tzij. Ma tibila' ta tzij ri majun rejkalen. Ma tiben ta queri' ruma ma ruc'amon ta. Ri ruc'amon chi niben riyix ya ri tiya' matioxinic chare ri Dios.

Efesios 5:4 ပူးပေါင်းရင်းမြစ်များ

Wuj Richin Bix Chire ri Dios 33:1

Kixkikot k'a rik'in ri Jehová rix ri choj ik'aslen. Ri kibix ri kan e tz'aqet chuwech ri Dios kan jebel-wi.

Wuj Richin Bix Chire ri Dios 92:1

Nimalej Jehová, kan janila k'a jebel ri niya'ox aq'ij rat. Ri nibixex ri nimalej abi' kan janila jebel.

Wuj Richin Etamabel-Tzij 12:23

Ri wineq ri k'o retamabal kan man nunabej ta k'a chi k'o retamabal; jak'a ri wineq maneq ok retamabal kan ja rija' ri nrajo' nich'on nabey y xa nuk'ut chi maneq ok retamabal

Wuj Richin Etamabel-Tzij 15:2

Ri raq' ri chojmilej wineq, kan jebel k'a rubixik nuben chire ri etamabel; jak'a ri ruchi' ri xa maneq runa'oj, kan nuchololej ch'abel ri xa maneq rejqalen.

Wuj Richin Etamabel-Tzij 26:19

keri' ri wineq ri nuq'ol ri rachibil y nubij chire chi xa netz'an rik'in.

Wuj Richin ri Molojri'il 10:13

Ri ruxe' ri rutzij ri wineq ri' xa ruyon ch'obon man ch'obon, y pa ruk'isibel chire ri rutzij ri nuben, xa man jun rubeyal y nuk'en-pe janila ruk'ayewal.

Dn 6:10

Jak'a ri Daniel, toq xunabej chi xtalux yan rutzijol re jun pixa' re', xjote-q'anej chupan ri ka'i' wiq rachoch, xujeq ri ru-ventana ri k'o pa ruchojmilal ri tinamit Jerusalem y xxuke' richin nich'on y nimatioxin rik'in ri Dios, kan achi'el ri rubanon-pe. Y re' xuben oxi' mul pa jun q'ij.

Marcos 7:22

Chiri' nipe-wi ri jalajoj taq ch'obonik; toq nikirayij chi ronojel k'o ta kik'in, yekibanala' etzelal, yeq'olon, ri winaqi' nikibanala' mak ri janila yek'ixbisan, itzel nikina' chire jun wineq ri utz k'o, yekibila' itzel taq ch'abel chikij ch'aqa' chik, nikina' chi janila kiq'ij y xa e nakaneq.

San Juan 6:23

ek'o k'a barco ri e peteneq pa tinamit Tiberias, y xe'apon chunaqaj ri akuchi xkitej-wi kiway ri winaqi' ri jun q'ij kan, ri wey ri xuya' ri ajaw Jesús chike toq rumatioxin chik chire ri Dios.

Romanos 1:28

Rije' nikich'ob chi man jun nik'atzin-wi niketamaj ruwech ri Dios. Roma ri' rija' xerumalij kan richin nikich'ob ri itzel taq ch'obonik, y tikibanala' ri man ruk'amon ta.

2 Corintios 1:11

Tibana' utzil, kixch'on rik'in ri Dios pa qawi'. Richin keri' kan e janila chuqa' ri xkematioxin, toq xtikitz'et ri utzil ri nuben-pe ri Dios chiqe roj roma ri ich'owen rix.

2 Corintios 9:15

Y matiox chire ri Dios roma ri rusipanik ri kan janila nim, ri man nilitej ta achike rubixik rik'in ch'abel.

Efesios 1:16

Roma ri' beneq-ruwech yimatioxin chire ri Dios iwoma rix, toq yich'on rik'in.

Efesios 4:29

Man tibila' itzel taq tzij. Xaxe k'a ri utz y ri nik'atzin tibij, richin keri' re ch'abel re' nukuquba' kik'u'x ri ek'o pa bis, y k'o utzil nuk'en-pe chike.

Filipenses 4:6

Man tisach ik'u'x roma xabachike; xa tiya' pa ruq'a' ri Dios ronojel y tik'utuj chire ri nik'atzin chiwe. Y chuqa' man timestaj yixmatioxin.

Colosenses 3:8

Jak'a re wakami xkanej yan kan ronojel. Man k'a ketike' oyowal pa taq iwánima, man tibuqu iwik'in roma iwoyowal, man ke'ibanala' ri man ruk'amon ta, man tiyoq' rubi' ri Dios, y man tibij itzel taq tzij.

1 Tesalonicenses 3:9

Y roma k'a ri kikoten ri niya' pa qánima rix, niqamatioxij chire ri Dios iwoma rix.

1 Tesalonicenses 5:18

Kixmatioxin chire ri Dios toq utz ixk'o, y toq ixk'o pa jun ruk'ayewal, roma keri' nrajo' ri Dios chi niben rix ri ix richin chik ri Cristo Jesús.

Filemón 1:8

Roma ri', stape' kan k'o uchuq'a' ya'on pa nuq'a' roma ri Cristo, richin ta ninbij chawe ri ruk'amon chi naben,

Hebreos 13:15

Roma ri' jantape' k'a tiqaya' ruq'ij ri Dios pa rubi' ri Jesucristo. Kan tiqaq'alajirisaj rik'in ri qachi' chi ja rija' ri qaniman.

2 Pedro 2:18

Kan nikibananej chi k'o k'iy etamabel kik'in, jak'a xa ch'abel ri man jun kejqalen ri yekibila'. Y rik'in itzel taq rayinik yekiq'ol ri xa k'a juba' kekolotej-pe chikikojol ri e uk'uayon itzel k'aslen.

2 Pedro 2:7

Chuqa' xukol-pe ri Lot, ri kan choj ruk'aslen. Rija' kan xq'axon ránima roma xerutz'et ri ch'aqa' chik winaqi' chi xkik'uaj jun itzel k'aslen.

Judas 1:10

Jak'a ri winaqi' ri nikiya' ri man qitzij ta tijonik, xa itzel yech'on chirij ri man q'axineq ta chikiwech. Ri ti juba' ri ketaman rije', ketaman achi'el ri chikopi' ri man yech'obon ta. Y jari' ri nikikusaj richin nikitz'ilobisaj ri kik'aslen.

Judas 1:13

Chuqa' ri winaqi' ri' xa e achi'el jun palou ri janila nisilon. Kan nibolqo't, y ri itzel taq kibanobal xa achi'el ri woqoq. E achi'el chuqa' ch'umila' ri e eleneq chik el chupan ri kibey ri akuchi k'o chi yesaqirisan-wi. Y roma ri' xa kan e oyoben chik roma ri q'equ'm, ri akuchi xkebek'oje-wi pa ruk'ayewal richin q'asen.