Efesios 5:3 - Kaqchiquel Bible

³ Roma rix kan ix loq'olej, man niben ri nirayij. Chi achin chi ixoq man tikanola-iwi' richin yixmakun, ni man tiben ch'aqa' chik etzelal ke taq ri'. Man ruk'amon ta richin nirayij-apo ri utz ri k'o rik'in jun chik.

နောက်ထပ်ဗားရှင်းများ

Kaqchikel Santo Domingo (Xenacoj)

³ Pero ri mak ri ngekibꞌanalaꞌ ri wineq ri ndikikꞌamalaꞌ qa kiꞌ xa achoq na ikꞌin, o ndikichꞌabꞌaqrisaj kikꞌaslen, o ngejamem chirij méra, nojel mak achel reꞌ ma utz ta nixta ndibꞌan rutzijol chiꞌikajal rix ri loqꞌolej rutinamit ri Dios.

Kaqchikel Santa Maria de Jesus

³ Ixreꞌ can ix richin chic ri Cristo, rumareꞌ ixreꞌ chi achiꞌaꞌ chi ixokiꞌ man ticanuj-iviꞌ chi ntiꞌan pecado. Ni man tiꞌan nicꞌaj chic itziel tak kax. Man tirayij-apa ri cꞌo riqꞌuin jun chic, ruma nojiel reꞌ man otz ta ni xa ta ntiꞌej ixreꞌ, ruma ix ralcꞌual chic ri Dios.

Kaqchikel Central Guatemala

³ Rix can tibana' c'a achi'el xuben ri Cristo, quixajovan y mani niben ri nirayij rix. Chi achin chi ixok man ticanola-ivi' richin yixmacun. Ni man tiben ch'aka' chic etzelal quere'. Man tirayij-apo ri utz ri c'o riq'uin jun chic, roma can ix lok'olej tak ralc'ual chic ri Dios. Can man ruc'amon ta ni richin ye'itzijoj.

Re C'ac'a Testamento pa Kach'abal

³ Yex can tibana' ancha'l xuban re Jesucristo, quixjovan y man tiban re nirayij yex. Che achi'a' y che ixoki' man ticanola-ivi' chin yixmacun. Y man tiban nic'aj chic etzelal quire'. Man tirayij che ronojel-ta cosas iviq'uin-ta yex c'o-va, roma can yix rajc'ual chic re Dios. Y can ni xe-ta ruc'amon che ye'tzijoj re tzij qui tak re'.

Kaqchikel Western Solola

³ Y riyix can yix riche (rixin) chic ri Cristo, rumari' ma tiben ta ri xa iraybel ka riyix. Ri winek ri xa ma quic'ulaj ta qui' ma tiquicanoj ta qui' riche (rixin) chi yemacun. Ni ma tic'uaj ta jun c'aslen tz'il. Ma tirayij ta apo ri c'o riq'ui jun chic, ruma ronojel re' ma ruc'amon ta ni xa ta riche (rixin) chi ye'itzijoj riyix, ruma can yix lok'olaj tak ralc'ual chic ri Dios.

Efesios 5:3 ပူးပေါင်းရင်းမြစ်များ

Wuj Richin Bix Chire ri Dios 10:3

Kan nikikot k'a rik'in ri rurayibel ri ránima, nikikot chuqa' kik'in ri yebanon etzelal y kan yaretzelaj rat.

Wuj Richin Bix Chire ri Dios 119:36

Tabana' chire ri wánima chi nrajo' ta nuben ri nubij ri apixa', y man ta ja ri itzel taq ch'akoj ri xtinrayij ruwech.

Ex 18:21

Chuqa' rat ke'acha' chikikojol ri winaqi' richin ri tinamit, achi'a' ri kan k'o samaj ri yetikir nikiben, achi'a' ri kan k'o rukiy ri Dios chikiwech, achi'a' ri kan nakuquba' ak'u'x kik'in y kan niketzelaj richin yepuaqix. Y jeri' ri ke'aya' richin ye'ok aj-raqen pa kiwi' tzobaj richin 1,000 winaqi', pa kiwi' e wok'al, pa kiwi' e kawineq lajuj y pa kiwi' lajujteq winaqi'.

Ex 20:17

Man tirayij chi iwik'in ta rix k'o-wi ri k'o kik'in ri iwachpochel: Man tirayij kiwech ri kixjayilal, ni ri kisamajela', ni ri kaj-ik'a', ni ri kibóyix, ni ri kibur; ni man jun chike ri e kichin ri iwachpochel tirayij, xcha' ri Jehová.

Ex 23:13

Kan titaqej k'a ronojel re xinbij chiwe yin. Kan man jun bey k'a tik'utuj to'onik chike ch'aqa' chik dios, ni man tinataj ri kibi'.

Wuj Richin Etamabel-Tzij 28:16

Jun q'atoy-tzij ri xa man utz ta runojibal, kan k'iy k'a ri nutz'oq chuwi-kiq'a' ri winaqi'; jak'a ri q'atoy-tzij ri kan nretzelaj ri itzel taq ch'akoj, kan k'iy k'a q'ij ri xtiq'aton-tzij.

Wuj Richin ri Jeremías 22:17

Jak'a rat xaxe nawajo' richin nik'oje' ta más améro ri man ach'akon ta pa ruchojmilal. Kan xe'akamisaj ri winaqi' ri xa maneq kimak y kan janila xe'aya' pa tijoj-poqonal.

Wuj Richin ri Jeremías 6:13

Chi ch'uti'q chi nima'q xaxe nikich'ob ri kichin-qa rije'. Ri nikibananej chi e q'alajirisey nuch'abel y ri e sacerdote xaxe q'oloj ri yekiben.

Wuj Richin ri Jeremías 8:10

Roma ri' ri iwixjayilal xkenbenya' k'a chike ch'aqa' chik achi'a'. Chuqa' ri iwulew xtinya' chike ch'aqa' chik winaqi', roma chi ch'uti'q chi nima'q, chi'iwonojel rix xaxe ch'akonik ri man pa ruchojmilal ta ri nich'ob. Y ri nikibananej chi e q'alajirisey nuch'abel y ri e sacerdote, konojel rije' yesamej xaxe rik'in q'olonik.

Ez 33:31

Keri' ri nutinamit yepe y yetz'uye-apo chawech, achi'el ri kibanon-pe richin nokak'axaj ri nuch'abel. Jak'a xa man nikak'axaj ta, ni man nikiben ta. Rije' nikibij chi yinkitzeqelibej, jak'a xa beneq kik'u'x chirij ri méro.

Wuj Richin ri Chojmirisabelri'il 15:18

Toq jun achin xk'oje' yan rik'in ri rixjayil, k'o chi ye'atin chi e ka'i'. Y chi e ka'i' xke'ok man ch'ajch'oj ta chijun ri q'ij ri' k'a toq nok-pe ri aq'a'.

Wuj Richin ri Miqueas 2:2

Nikirayila' k'a rulew ri jun chik y nikiben kan kichin chire. Nikirayila' ruwech jay kichin ch'aqa' chik y nikimej kan. Rik'in tz'ukun-tzij nikeleq'aj kan ri rachoch ri jun chik wineq. Ronojel ri kichinan kan ri kiwinaq nikelesaj kan chike.

Wuj Richin ri Q'axanri'il 25:1

Y rokik ri tinamit Israel k'o-qa ri chiri' pa ruwach'ulew Sitim, ri achi'a' xkichop k'a yemakun kik'in ri ixoqi' aj-Moab,

San Mateo 15:19

Roma xa pa kánima k'a ri winaqi' yepe-wi ri itzel taq ch'obonik. Chiri' nipe-wi ri ch'obonik toq yekamisan. Chiri' chuqa' nipe-wi ri ch'obonik toq ri winaqi' ri e k'ulan y ri man e k'ulan ta nikikanola-ki' richin yemakun; chuqa' chiri' nipe-wi toq ye'eleq', toq yetz'uku tzij, y chuqa' toq yeyoq'on.

San Lucas 12:15

Jari' toq ri Jesús xch'on chike ri winaqi' ri kimolon-apo-ki' y xubij: Kan titzu' k'a qa iwi' jebel, richin chi man tipe rayinik iwik'in. Roma stape' janila k'iy rubeyomel jun wineq, man ja ta ri' ri xtiya'on ruk'aslen, xcha'.

San Lucas 16:14

Toq ri fariseo xkak'axaj k'a ri xubij ri Jesús, xa xkiyojobej, roma rije' kan beneq kánima chirij ri beyomel.

Hechos 15:20

Ri ruk'amon k'a niqaben, ja ri tiqataqa-el rubixikil chike chupan jun wuj, chi man yekitej ri xa man utz ta richin nitij roma ya'on chik chikiwech ch'aqa' chik dios. Chuqa' ri winaqi' e k'ulan man tikikanola-ki' richin yemakun, y man chuqa' tikitej ti'ij kichin ri chikopi' ri xejiq', ni man k'a chuqa' tikitej kik', qojcha-el chupan ri wuj.

Hechos 20:33

Yin man roma ta k'a xinwajo' ri iméro, ni man roma ta chuqa' xinrayij ri itziaq, roma ta ri' xintzijoj ri ruch'abel ri Dios chiwe.

Romanos 1:29

Kan konojel yekibanala' ri man pa ruchojmilal ta, nikibanala' etzelal chike ri ch'aqa' chik, nikirayij ri k'o rik'in jun chik, k'iy etzelal nikirayij nikiben chike ri ch'aqa'. Janila ch'upun-k'u'x ri k'o kik'in, yekamisan, nikiben oyowal, yeq'olon, yekamulun-tzij,

Romanos 16:2

Roma ri' tik'ulu' jebel y kan keri' ruk'amon chi niben rix qach'alal chike ri jun chuqa' kibanon rik'in ri Dios, ninwajo' k'a chi xtito' ta ri qach'alal Febe rik'in ri nik'atzin chire; roma rija' e ruto'on e k'iy y keri' chuqa' rubanon wik'in yin.

Romanos 6:13

Toq rubanon kan oj kamineq chupan ri mak, jak'a re wakami qak'uan chik jun k'ak'a' k'aslen. Roma ri' tiqajacha-qi' pa ruq'a' ri Dios richin niqaben ri choj ri nrajo' rija'. Man tiqaya' q'ij richin nok ri mak qik'in y yeqaben ri man e choj ta.

1 Corintios 10:8

Chuqa' man tiben chi ri achi'a' y ri ixoqi' nikikanola-ki' richin yemakun achi'el xkiben rije', y roma ri' pa jun q'ij xeken e 23,000 winaqi'.

1 Corintios 5:1

Kan xetamex k'a ri mak ri banatajineq chi'ikojol rix, ¡roma k'o jun qach'alal ri xkik'en-qa-ki' rik'in ri ruyijte' ri pa jay! re banobel re', ni ri winaqi' ri man ketaman ta ruwech ri Dios man jun bey nikiben.

1 Corintios 6:13

Y ek'o ch'aqa' chik nikibij chi ri Dios xuben ri wey richin ri qapan y ri qapan richin chi nuk'ul ri wey; ri' qitzij wi. Jak'a xtapon ri q'ij chi ronojel ri' xa xtik'is. Jak'a roj man keri' ta. Ri ajaw Dios kan xojruben richin chi xojok richin rija' y rija' qichin roj. Man nrajo' ta chi ri achi'a' y ri ixoqi' nikikanola-ki' richin yemakun.

1 Corintios 6:18

Y rija' kan nrajo' chi rix achi'a' y rix ixoqi' kixanimej chuwech ri mak, y man tikanola-iwi' richin ye'ibanala' ri itzel taq banobel ri'. Ronojel ruwech mak man jun nuben chire ri ruch'akul ri wineq ri nibanon, jak'a re mak re' kan nuya' pa k'ayew ri ruch'akul ri wineq ri nibanon keri'.

2 Corintios 12:21

Ri ninpoqonaj k'a yin chupan re jun chik bey re yinapon iwik'in, ja wi rik'in juba' ri Dios nuqasaj nuq'ij chiwech rix y nuben chuwe chi yinoq' roma ri ibanobal rix; roma rik'in juba' xtinbenwila' chi k'a e k'iy qach'alal ri k'a ek'o na pa mak y man tzolejineq ta pe kik'u'x. Ri achi'a' y ri ixoqi' xa k'a nikikanola' na ki' richin yemakun.

Efesios 5:12

roma ri banobel ri', yekibanala' pa taq ewel, y kan xaxe ninatex nik'ixbisan.

Efesios 5:5

Y rix iwetaman chik chi ri achi'a' y ri ixoqi' ri nikikanola-ki' richin yemakun, ri yebanon ri ch'aqa' chik etzelal y ri yerayin-apo ri k'o rik'in jun chik, kan junan rik'in ri nikiya' ta kiq'ij dios ri xa man e qitzij ta; konojel rije' kan man xke'apon ta pa rajawaren ri Cristo y ri Dios.

Filipenses 1:27

Wakami k'a, ruk'amon chi rix tik'uaj jun k'aslen utz achi'el nubij ri ruch'abel ri Cristo. Wi xkinapon chik iwik'in, kan keri' ta ri ik'aslen xtinbenwila', y wi man xkinapon ta, xtinwak'axaj ta k'a chiwij, chi kan kuqul ik'u'x rik'in ri Cristo, chi xa jun ta iwech ibanon, y kan ta ito'on-iwi' richin itzeqeliben ri utzilej ch'abel richin kolotajik.

Colosenses 3:5

Roma ri', kan tikamisaj ri itzel taq rayinik ri xa richin re ruwach'ulew. Ri achi'a' y ri ixoqi' man tikikanola-ki' richin yemakun. Kan man k'a kixok man ix ch'ajch'oj ta. Man tiya' q'ij chire ri itzel taq irayibel. Man chik tirayij chi iwik'in ta rix k'o-wi ronojel. Roma ri keri' xa kan junan rik'in ri niya' ta kiq'ij ri dios ri xa man e qitzij ta.

1 Tesalonicenses 4:3

Qach'alal, ri Dios nrajo' k'a chi rix nich'er ta iwi' chuwech ronojel ri man utz ta, ri achi'a' y ri ixoqi' man tikikanola-ki' richin yemakun.

1 Tesalonicenses 4:7

Ri Dios man xojroyoj ta richin niqak'uaj jun itzel k'aslen. Rija' xojroyoj richin niqak'uaj jun k'aslen ri kan loq'olej.

1 Timoteo 2:10

Pa ruk'exel ri' xa tikiwiqa-ki' rik'in utzilej taq banobel achi'el ruk'amon chi nikiben ri ixoqi' ri nikiben ri rurayibel ri Dios.

1 Timoteo 3:3

man niq'aber ta, man nuben ta oyowal, man nubanala' ta ri itzel chuch'akik ruméro. Kan nik'atzin k'a chi jun achin ch'uch'uj, y utz runa'oj kik'in konojel winaqi'.

1 Timoteo 6:10

Roma, ri ruxe' ronojel ruwech etzelal ja ri nibe awánima chirij ri méro. Y kan ek'o k'a qach'alal ri xkiya' kan ri Dios roma xbe kan kánima chirij ri méro, y ri' xa k'o q'axo'n xuk'en-pe chike.

2 Timoteo 3:2

Roma chupan ri q'ij ri' e k'iy chike ri winaqi' ri xaxe rije' ri xtikipoqonaj-qa-ki', kan xtibe kánima chirij ri méro, janila xtikinimirisaj-ki' e yoq'onela', man xtikinimaj ta kitzij ri kite-kitata', man xkematioxin ta, man xtikiya' ta ruq'ij ri Dios,

Tito 1:11

Y jari' k'a ri ruk'amon chi nitz'apex kichi' roma e k'iy ri yeq'olotej pa kiq'a' rik'in ri itzel taq tijonik ri yekiya'. Y keri' nikiben xaxe richin nikich'ek kiméro.

Tito 1:7

Roma ri uk'uey kichin ri qach'alal, kan rusamajel ri Dios, y roma ri' kan nik'atzin chi ruk'uan ta jun k'aslen utz, richin man jun nilitej chirij. Nik'atzin chi man nunimirisaj ta ri', man chi'anin ta noyower, man niq'aber ta, man nuben ta oyowal, ni man nuben ta ri man utz ta chuch'akik ruméro.

Tito 2:3

Ke'atijoj chuqa' ri rijita'q taq ixoqi' chi nikik'uaj ta jun utzilej k'aslen ri niqa' chuwech ri Dios. Man ta e yakol-tzij chikij winaqi', man ta yeq'aber, y nikik'ut ta jun utzilej k'aslen chikiwech ri ch'aqa' chik.

Hebreos 12:16

Man jun tujech-ri' chupan ri itzel k'aslen y nuq'ej ruwi' ri ruch'abel ri Dios; achi'el xuben ri Esaú ri xa roma jun q'utun xuk'ayij ri kan k'o chi nuk'ul rija' roma nimalaxel,

Wuj Richin ri Josúe 7:21

Yin xintz'et k'a chukojol ri k'o rejqalen ri xqamej-pe chuwi-kiq'a' ri e etzelanel qichin, jun tzieq banon pa tinamit Babilonia ri janila utz, y wo'o' libra saqipueq y jun ti tz'ajaj q'anapueq ralal juwineq onza; jari' k'a xinrayij ruwech y xinchop-pe y ronojel re' wewan chuxe' ulew pa runik'ajal ri wachoch, nabey nuya'on-qa ri q'anapueq y ri saqipueq y pa ruwi' re' nuya'on-qa ri tzieq, xcha'.

1 Pedro 5:2

Ninbij k'a chiwe chi kan ke'iyuq'uj ri qach'alal, achi'el nuben jun yuq'unel kik'in ri rukarne'l, roma rije' e richin chik ri Dios y e ruya'on pan iq'a' rix. Kan rik'in k'a ronojel iwánima tibana', man xaxe ta roma k'o chi niben, ni man xaxe ta chuqa' roma ch'akoj.

2 Pedro 2:10

Y más niqa' ruk'ayewal pa kiwi' ri winaqi' ri yebanon ri itzel taq rayinik, y ri yeketzelaj ri q'atoy-tzij. Rije' man yek'ix ta, y janila kinimirisan-ki'. Roma ri' ni man nikixibij ta ki' richin nikibij tzij chikij ri itzel taq espíritu.

2 Pedro 2:14

Xabachike ixoq ri nikitz'et, kan jari' nikajo' yek'oje' rik'in. Kan man yekos ta chubanik ri etzelal. Nikiben k'a chike ri kan k'a man jani jebel kuqul kik'u'x rik'in ri Dios chi yemakun. Jebel ketaman ronojel ruwech q'oloj, richin nikimol k'iy méro. Rije' kan xtiqaqa na wi ri ruk'ayewal pa kiwi'.

2 Pedro 2:3

Ri tijonela' ri' roma ri rayinik chirij méro, xtikibij k'a chi kan richin ri Dios ri tijonik ri nikiya'. Y ri yebanon kere', kan ek'o chik k'a chi yek'is, roma kan ojer ri' rubin kan ri Dios chi xtuya' ruk'ayewal pa kiwi'. Rija' man niwer ta richin rumestan ta ri rubin.

Apocalipsis 2:14

Jak'a k'o jujun ibanobal ri man yeqa' ta chinuwech; chi ri chi'ikojol ek'o ri k'a nikitzeqelibej na ri itzel taq tijonik richin ri Balaam ri xubij chire ri Balac, chi tubana' chike ri judío chi yetzaq pa mak y xubij chike chi kekitija' ri sujun chik chikiwech ch'aqa' chik dios, chi ri achi'a' y ri ixoqi' tikikanola-ki' richin yemakun.

Apocalipsis 2:21

Yin kan nuya'on k'iy q'ij chire chi tuya' kan rubanik ri mak ri' y titzolej-pe ruk'u'x wik'in. Jak'a rija' man xrajo', ta xa beneq ránima rik'in ri mak ri nuben.

Apocalipsis 21:8

Jak'a ri man yinkinimaj ta, ri nikixibij-ki' ye'apon pa taq tijoj-poqonal woma yin, ri e itzel taq winaqi', ri kamisanela', ri achi'a' y ri ixoqi' ri nikikanola-ki' richin yemakun, ri aj-itza', ri yeya'on kiq'ij ch'aqa' chik dios y ri e tz'ukuy taq tzij; konojel re' xtikichinaj ri achi'el choy ri k'o q'aq' xolon rik'in chuwilej-abej chupan. Y jari' k'a ri ruka'n kamik, xcha'.

Apocalipsis 22:15

Jak'a ri itzel kik'aslen, man xke'ok ta chupan ri tinamit. Keri' chuqa' ri aj-itza', ri achi'a' y ri ixoqi' ri nikikanola-ki' richin yemakun, ri kamisanela', ri yeya'on kiq'ij ch'aqa' chik dios, y ri kan niqa' chikiwech nikitz'uk-tzij.

Apocalipsis 9:21

Man xtzolej ta k'a pe kik'u'x ri winaqi' ri' rik'in ri Dios, richin xkiyala' ta kan ri kamisanik, ri itz, ri eleq' y ri achi'a' y ri ixoqi' ri nikikanola-ki' richin yemakun.

1 Sam 8:3

Jak'a rije' man xkiben ta achi'el xuben ri kitata'. Rije' xa ja ri méro ri xkirayij ruwech y xekik'ul ri sipanik ri man ruk'amon ta richin nikik'ul y keri' xkiq'ej ri ruchojmilal ri k'aslen.