Efesios 5:29 - Kaqchiquel Bible

²⁹ Roma man jun ri nretzelaj ta qa ri'. Qonojel jebel niqatzuq y niqach'ajch'ojirisaj ri qach'akul, achi'el nuben ri Cristo rik'in ri tzobaj nimanela'.

နောက်ထပ်ဗားရှင်းများ

Kaqchikel Santo Domingo (Xenacoj)

²⁹ Porque nixta jun wineq itzel ndutzꞌet ri ru-cuerpo, xa kin jabꞌel ndirilij y ndubꞌen cuenta. Keriꞌ chuqaꞌ ndubꞌen ri Cristo chaqe roj, ri roj rutinamit ri Dios.

Kaqchikel Santa Maria de Jesus

²⁹ Ruma man jun itziel nutzꞌat-ka-riꞌ ruyuon. Konojiel nakaꞌan cuenta-kiꞌ y otz nikilij-kiꞌ. Y quireꞌ cꞌa tibꞌanaꞌ quiqꞌuin ri ivaxjayil. Incheꞌl nuꞌon ri Cristo kiqꞌuin ojreꞌ ri oj ru-iglesia,

Kaqchikel Central Guatemala

²⁹ Roma man jun ri nretzelaj ta ka ri' rija'. Man jun nibanon cueri'. Konojel jebel nikatzuk y nikilij ri kach'acul. Y queri' c'a tibana' quiq'uin ri ivixjaylal. Achi'el nuben ri Cristo kiq'uin roj ri kanna' quiq'uin ri ivixjaylal. Achi'el nuben ri Cristo kiq'uin roj ri kaniman y oj ru-iglesia chic.

Re C'ac'a Testamento pa Kach'abal

²⁹ Roma man jun nibano che nutzelaj-ta-ka-ri' reja' mismo. Man jun quire' nibano. Konojel jabal nakatzuk y nakavilij re ka-cuerpo. Y quire' c'a tibana' quiq'uin re ivxiylal. Ancha'l nuban re Jesucristo kaq'uin yoj re nibex iglesia chaka.

Kaqchikel Western Solola

²⁹ Ruma majun winek ri nretzelaj ta ka ri'. Konojel xa jabel nikatzuk y nikilij ri kach'acul. Y queri' c'a tibana' quiq'ui ri iwixjaylal. Achi'el nuben ri Cristo kiq'ui riyoj ri kaniman Riya' ri nibix iglesia chake.

Efesios 5:29 ပူးပေါင်းရင်းမြစ်များ

Efesios 5:31

Y keri' k'a ri achin rik'in ri rixjayil. Roma ri' nubij chupan ri ruch'abel ri Dios ri tz'ibatel kan: Ri achin nuch'er-pe-ri' kik'in ri rute-rutata', y rik'in chik ri rixjayil xtuk'uaj-wi-ri', richin chi kan xtikich'akulaj-ki' chi e ka'i', nicha'.*f5*

Wuj Richin ri Molojri'il 4:5

Ri maneq runa'oj xa nuq'etej ruq'a', y roma ri' xa ruyon rija' nuk'is-qa-ri'.

Wuj Richin Etamabel-Tzij 11:17

Jun wineq ri kan janila jebel runa'oj, kan k'o chuqa' utzil ri nuk'ul chike ri winaqi'; jak'a ri wineq ri kan janila itzel runa'oj, kan chuwech yan re ruwach'ulew nuk'ul-el etzelal.

Wuj Richin ri Isaías 40:11

Rija' kan xqojruchajij roj ri oj rutinamit, achi'el jun yuq'unel ri kan yeruchajij ri rawej. Xqojruq'etej pa ruq'a', achi'el jun yuq'unel nuq'etej ri ti karne'l. Xqojruch'elej-el chuwa-ruk'u'x, achi'el nuben jun yuq'unel kik'in ri chikopi'. Y kan eqal xqojruk'uaj, achi'el nuben jun yuq'unel kik'in ri karne'l ri k'a juba' ke'alex taq kal.

San Mateo 23:37

K'ari' ri Jesús xch'on pa ruwi' ri Jerusalem y xubij: Aj-Jerusalem, aj-Jerusalem, ¿achike k'a roma toq ye'ikamisala' ri e q'alajirisey ruch'abel ri Dios? ¿Achike k'a roma toq ye'ikamisala' chi abej ri yeruteq-pe ri Dios chi'ikojol? Yin, kan janila k'a bey ri xinwajo' chi xixinmol ta wik'in, achi'el nuben ri kite-ek' kik'in ri taq ral, yerumol chuxe' ri ruxik'. Jak'a rix xa man xiwajo' ta.

Romanos 1:31

Man niq'axon ta kánima nikiben itzel. Nikiq'ej ri kitzij, man jun joyowanik k'o kik'in.

Ez 34:27

Ri che' ri ek'o pa taq juyu' kan xkewachin y chuqa' ri ulew kan xkewachin y ri nuwinaq kan xkek'ase' rik'in uxlanenri'il. Xtinkol ri nutinamit pa kiq'a' ri e ximiyon pa samaj y k'ari' xketotej-el. Jari' toq xtiketamaj chi ja yin Jehová.

Wuj Richin ri Rutikeribel 2:23

Y jari' toq ri Adán rik'in kikoten xubij: Re' kan junan rubanikil wik'in yin. Kan nubaqil-nuboch'il wi yin, rija' xtubini'aj k'a Ixoq,*f2* roma rik'in ri achin xelesex-wi, xcha' ri Adán.

San Mateo 6:26

Ke'itz'eta' ri aj-xik' taq chikopi'; rije' man yetikonej ta, y chuqa' maneq kitiko'n nikelesaj jun juna', ni maneq chuqa' kik'ujay richin kiyakon ta kijal. Man rik'in ri' rije' yewa', roma ja ri aj-chikajil qatata' ri niya'on kiway. ¿Man más ta k'a iwejqalen rix ke chikiwech ri aj-xik' taq chikopi' ri'?

Efesios 5:28

Y kan achi'el k'a ri Cristo ri más xojrajo' roj, ke chuwech xrajo-qa ri ruch'akul rija', keri' chuqa' nik'atzin chi niben rix achi'a' kik'in ri iwixjayilal. Roma ri' ri nrajo' ri rixjayil, nel chi tzij chi nrajo-qa-ri' rija'.

Efesios 5:30

Roj jun k'a qabanon rik'in rija', roma ri' ja roj ri oj achi'el ruch'akul.