Efesios 5:17 - Kaqchiquel Bible

¹⁷ Roma ri' man tiben achi'el ri nakaneq taq winaqi'. Xa kan nik'atzin chi niq'ax ta chiwech ri rurayibel ri qajaw pan iwi'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁷ Romariꞌ, ma tibꞌen achel ndikibꞌen wineq ri xetal ngetajiyaj, xa kin titijaꞌ iqꞌij tiwetamaj achike ndirajoꞌ ri Ajaw chi ndibꞌen.

Kaqchikel Santa Maria de Jesus

¹⁷ Rumareꞌ man tiꞌan incheꞌl niquiꞌan ri vinak ri man jun otz niquiꞌan pensar. Xa nicꞌatzin chi ntivatamaj ri chica nrajoꞌ ri Ajaf.

Kaqchikel Central Guatemala

¹⁷ Romari' man tiben achi'el ri niquiben ri nacanek tak vinek. Xa can nic'atzin chi nik'ax ta chivech ri rurayibel ri Ajaf.

Re C'ac'a Testamento pa Kach'abal

¹⁷ Mare' man tiban ancha'l niquiban re je nacanak tak vinak. Xa can nic'atzin che nak'ax-ta pan ive' re nurayij re Ajaf.

Kaqchikel Western Solola

¹⁷ Rumari' ma tiben ta achi'el ri niquiben ri nacanek tak winek. Xa can nic'atzin chi tik'ax chiwech achique ri ruraybel ri Ajaf.

Efesios 5:17 ပူးပေါင်းရင်းမြစ်များ

Romanos 12:2

Man titzeqelibej ri kik'aslen ri winaqi' ri k'a kikuquban na kik'u'x rik'in re ruwach'ulew. Xa kan tiya' q'ij chire ri Dios richin nujel ri ich'obonik, richin keri' kan tijalatej k'a chuqa' rubanik ri ik'aslen. Y keri' xtiwetamaj ri achike nrajo' ri Dios chi niqaben. Ri nrajo' rija': Ja ri utz, ri jebel y ri choj.

1 Tesalonicenses 5:18

Kixmatioxin chire ri Dios toq utz ixk'o, y toq ixk'o pa jun ruk'ayewal, roma keri' nrajo' ri Dios chi niben rix ri ix richin chik ri Cristo Jesús.

Colosenses 1:9

Y roma ri xqak'axaj chupan ri q'ij toq xoqaqa ri qach'alal, beneq k'a ruwech oj ch'owineq-pe rik'in ri Dios iwoma rix, chi xtuben chiwe chi kan ta jebel xtiwetamaj ri rurayibel, y ri Loq'olej Espíritu xtuya' ta chiwe ronojel na'oj y etamabel.

Efesios 5:15

Tichajij k'a ri ik'aslen. Man k'a tiben achi'el nikiben ri winaqi' ri xa e nakaneq rik'in ri kich'obonik. Jak'a kan tikusaj ri etamabel ri k'o iwik'in.

Wuj Richin ri Jeremías 4:22

Ri nuwinaq kan maneq kina'oj, man ketaman ta nuwech. Kan e alk'ualaxela' ri maneq ketamabal y kan man jun niq'ax chikiwech. Kan janila e nowineq richin nikiben etzelal, jak'a man ketaman ta nikiben ri utz.

1 Pedro 4:2

richin keri' janipe' chik q'ij ri xkixk'ase-el, ja ta ri rurayibel ri Dios ri niben-el y man ja ta ri nirayij rix.

Colosenses 4:5

Y rix tiwetamaj k'a yixbiyin chikikojol winaqi' ri man kiniman ta ri Cristo. Man tiya' q'ij chi choj nik'o ri q'ij pan iwi'.

San Juan 7:17

Ri wineq ri kan k'o rayibel rik'in richin nuben ri nrajo' ri Dios, ri wineq ri' kan xtretamaj k'a wi ri tijonik ri ninya' yin, kan rik'in ri Dios peteneq-wi o xa nuyon nutz'ukun-el.

Wuj Richin Bix Chire ri Dios 111:10

Wi k'o ta jun nrajo' nok aj-na'oj, k'atzinel chi tik'oje' rukiy ri Jehová chuwech. Roma ri' konojel ri nikitaqej ri rupixa', kan e aj-na'oj. Kan jantape' k'a tiya'ox ruq'ij ri Jehová.

Wuj Richin ri Achin Job 28:28

Roma ri' ri Ajaw kan rubin wi k'a chike ri winaqi': Jun wineq ri kan k'o rukiy ri Dios chuwech, kan q'alaj k'a chi k'o na'oj rik'in, y jun wineq ri kan nuch'er-pe ri' chike ri itzel taq banobel, kan q'alaj k'a chi k'o etamabel rik'in.

Wuj Richin Etamabel-Tzij 14:8

Kan q'alaj wi k'a toq ri wineq k'o runa'oj, roma kan jebel nuchajij-ri' chire ri rubanobal; jak'a ri maneq runa'oj y roma ri' ch'obon man ch'obon nuben, xa ruyon k'a nuq'ol ri'.

Wuj Richin Etamabel-Tzij 2:5

wi keri' kan xtiq'ax k'a chiwech y xtiwetamaj ri achike rubanik ri k'o rukiy ri Dios chuwech jun wineq.

Deut 4:6

Kan tik'oje' chi'ik'u'x y kan tibana', rik'in re' kan xtik'ut chikiwech konojel ri winaqi' chi k'o ina'oj y k'o iwetamabal. Rije' xtikak'axaj k'a ronojel re pixa' re' y xtikibij: Kan qitzij chi re winaqi' re' kan k'o-wi kina'oj y kan jebel niq'ax chikiwech ronojel, kan e jun nimalej ruwach'ulew, xkecha'.

Wuj Richin Etamabel-Tzij 23:23

Rat, kan tatija' k'a aq'ij richin ye'awil ri k'o kejqalen; y man ke'awisq'opej-el ri qitzij, ri na'oj, ri tijonik y ri etamabel.

Wuj Richin Bix Chire ri Dios 119:27

Tabana' chuwe chi niq'ax chinuwech ri apixa', roma yin kan ninwajo' yich'obon pa ruwi' ri meyel taq abanobal.