Efesios 4:6 - Kaqchiquel Bible

⁶ Xaxe jun Dios k'o. Ja rija' ri itata' chi'iwonojel, ja rija' ri k'o pan iwi' y k'o pa taq iwánima chi'iwonojel.

နောက်ထပ်ဗားရှင်းများ

Kaqchikel Santo Domingo (Xenacoj)

⁶ Xe jun Dios kꞌo y ja rijaꞌ ri Qatataꞌ roj qonojel ri qataqin rijaꞌ, kꞌo pa qawiꞌ roj qonojel, ngojrukusaj qonojel chin ndiqabꞌen ri rusamaj y kꞌo chuqaꞌ pa qánima.

Kaqchikel Santa Maria de Jesus

⁶ Joꞌc jun Dios cꞌo, y jajaꞌ ri Katataꞌ konojiel ojreꞌ y cꞌo pa kaveꞌ konojiel, y nisamaj pa tak kacꞌaslien konojiel y cꞌo jeꞌ pa kánima konojiel.

Kaqchikel Central Guatemala

⁶ Xaxe jun Dios c'o. Y ja rija' ri Katata' konojel roj y can c'o ri pa tak kánima. Y chuka' c'o pa kavi' konojel, y yojrucusaj richin rusamaj.

Re C'ac'a Testamento pa Kach'abal

⁶ Xaxe jun Dios c'o. Y ja reja' re Karta' konojel yoj y can c'o pa tak kánma. Y chuka' c'o pa kave' konojel, y yojrucusaj chin nakaban re rusamaj.

Kaqchikel Western Solola

⁶ Xaxu (xaxe wi) jun Dios c'o. Y ya Riya' ri Tata'aj kiche (kixin) konojel. Riya' can c'o pa kawi' konojel, y nisamej pa tak kac'aslen chikonojel, y can c'o chuka' pa tak kánima.

Efesios 4:6 ပူးပေါင်းရင်းမြစ်များ

Wuj Richin ri Rutikeribel 14:19

Y xrurtisaj ri Abram y xubij chire: Nim aq'ij rubanon ri nimalej Dios chawe rat Abram, ri Dios ri kan man jun chik achi'el rija', ri Dios ri xbanon ri kaj y re ruwach'ulew;

Wuj Richin Bix Chire ri Dios 95:3

Roma ri Jehová jari' ri nimalej Dios. Kan xaxe k'a rija' ri rey pa kiwi' ri ch'aqa' chik dios.

Wuj Richin ri Isaías 63:16

Man rik'in ri', ja rat ri at qatata', stape' ri Abraham y ri Jacob man ek'o ta pe wawe' richin yojkiya-apo chawech. Stape' rik'in ronojel re' kan ja rat ri at qatata', y kan ja rat ri at qakolonel richin tibe-q'ij tibe-seq.

Wuj Richin ri Malaquías 2:10

¿Man xaxe ta kami jun qatata'? ¿Man xaxe ta kami jun qa-Dios ri xbanon qichin? ¿Achike k'a roma rix ye'iq'ol ri iwach'alal, y keri' man niya' ta rejqalen ri rujikibel-tzij ri Dios ri xuben kik'in ri qati't-qamama'?

Wuj Richin ri Q'axanri'il 16:22

Jak'a ri Moisés y ri Aarón, kexukuk xeqaqa pan ulew chuwech ri Jehová richin yech'on rik'in y xkibij chire: Qa-Dios roj, rat ri at rajaw ri qak'aslen qonojel, ¿kan pa kiwi' kami konojel ri awinaq israelita nawelesaj-wi ri awoyowal, toq xa jun ok chike ri achi'a' ri xmakun chawech?, xecha'.

San Mateo 6:13

Man k'a taya' q'ij richin yojtzaq pa mak, xa kan qoj akolo' k'a chuwech. [K'o awuchuq'a', y k'o aq'ij-ak'ojlen richin jantape', kan keri' wi.]*f14* Kere' k'a tibij.

San Mateo 6:9

Roma ri' toq rix yixch'on rik'in ri Dios kere' k'a tibij: Qatata' Dios ri atk'o chila' chikaj, kan jantape' ta k'a xtinimirisex ri loq'olej abi' rat.

San Juan 14:23

Roma ri' ri Jesús xubij: Ri kan yirajo', kan nuben ri nubij ri nuch'abel. Ri jun ri xtibanon keri', kan xtajowex-wi roma ri nata' chuqa'. K'ari' ri nata' y yin kan xqojpe rik'in y xtiqaben k'a qachoch ri pa ránima.

San Juan 17:26

Kan nuq'alajirisan-wi k'a ri abi' chikiwech, y kan k'a xtinq'alajirisaj na k'a más, richin keri' ri ajowabel ri achoq ik'in in awajowan-wi yin, kan ja ta k'a chuqa' ri' xtik'oje' kik'in rije'. Y yin xkik'oje' pa taq kánima rije', xcha'.

San Juan 20:17

K'ari' ri Jesús xubij chire ri María: Man kinaq'etej roma man jani kibe rik'in ri nata' ri chila' chikaj. Xa kabiyin chubixik chike ri e nutijoxela', chi yin kan yibe k'a rik'in ri nata', ri kan itata' chuqa' rix. Kan yibe k'a rik'in ri nu-Dios, ri i-Dios chuqa' rix, xcha'.

Romanos 11:36

Roma ja rija' ri xbanon ronojel. Kan rik'in wi k'a rija' e peteneq-wi, y ronojel re xeruben, richin chi nikiya' ruq'ij-ruk'ojlen. Kan tinimirisex k'a ruq'ij ri Dios richin jantape'. Keri' ta k'a.

1 Corintios 12:6

Jalajoj k'a ruwech ri yojtikir niqaben, jak'a xaxe jun ri niya'on quchuq'a' chiqajujunal; y ri' ja ri Dios.

1 Corintios 8:6

Jak'a roj qetaman chi xaxe jun Dios k'o, y ri' ja ri Tata'ixel. Rik'in k'a rija' peteneq-wi ronojel, y nrajo' chi roj niqaya' ruq'ij. Chuqa' qetaman chi xaxe jun ajaw k'o; y ri' ja ri Jesucristo. Xaxe roma rija' oj k'es, y k'o ronojel.

2 Corintios 6:16

¿Kan yek'oje' ta kami ri wachibel chupan ri rachoch ri Dios? Roma kan ja roj ri oj rachoch ri k'aslik Dios. Roma ri' rija' kan keri' wi k'a rubin:*f4* Jantape' k'a xkik'oje' chi'ikojol y kan ja yin ri i-Dios y rix kan ix nutinamit, nicha'.

Efesios 1:21

Ri Cristo xban k'a chire chi ja rija' ri k'o más rejqalen chikiwech ri ángel. K'o más ruq'ij chikiwech ri e q'atoy taq tzij, y ri ch'aqa' chik ri k'o uchuq'a' pa kiq'a' y ri k'o janila kiq'ij. Rija' más rejqalen chikiwech konojel; man xaxe ta chupan re q'ij re', xa kan keri' chuqa' chupan ri peteneq chiqawech-apo.

Efesios 2:22

Rik'in rija', rix beneq-q'anej ik'iyinen junan kik'in konojel ri ch'aqa' chik ralk'ual ri Dios achi'el jun jay, richin yixok ri akuchi nik'ase' wi ri Espíritu richin ri Dios.

Efesios 3:17

Ja ta ri Cristo xtik'oje' pa taq iwánima roma ri kuqubabel-k'u'x ri k'o iwik'in, y ronojel ri niben y ri nich'ob ja ta ri ajowabel ri ruxe'.

Efesios 6:23

Ja ta k'a ri Dios ri Tata'ixel y ri qajaw Jesucristo, xtuya' chiwe chi'iwonojel rix qach'alal ri uxlanen, ri ajowabel y ri kuqubabel-k'u'x.

Deut 6:4

Tiwak'axaj k'a rix nuwinaq: Ri Jehová ri qa-Dios kan xaxe rija' ri k'o, y man jun chik achi'el rija'.

1 Juan 3:24

Ri yebanon ri nubij ri rupixa' ri Dios, xa kan jun chik kibanon rik'in. Y chuqa' ri Dios kan k'o chik pa kánima. Y roj qetaman chi kan k'o chik rija' pa qánima, roma k'o ri Loq'olej Espíritu ri ruya'on chiqe.