Efesios 4:30 - Kaqchiquel Bible

³⁰ Man tiqaya' pa bis ri Loq'olej Espíritu, roma rija' kan k'o pa taq qánima, y roma k'o qik'in nel chi tzij chi kan xqojkolotej-wi-el, chupan ri q'ij toq ri Jesucristo xtipe chiqak'amik.

နောက်ထပ်ဗားရှင်းများ

Kaqchikel Santo Domingo (Xenacoj)

³⁰ Y ma tibꞌen chare ri Espíritu Santo chin ri Dios chi ndibꞌison qa, porque ja ri Espíritu riꞌ, ri etal ruyoꞌon ri Dios pa iwánima chi atoq nduqaqa chik ri Cristo, kin xkixkolotej wi e.

Kaqchikel Santa Maria de Jesus

³⁰ Man tiyaꞌ bꞌis cha ri Espíritu Santo richin ri Dios. Jajaꞌ cꞌo riqꞌuin ivánima, y jajaꞌ ri sello chi xquixcolotaj choch ri pecado xa jun tiempo chupan ri kꞌij antok ri Jesucristo xtipa chi nquixalruma-ka.

Kaqchikel Central Guatemala

³⁰ Man tiya' pa bis ri Lok'olej Espíritu richin ri Dios. Rija' c'o pa tak kánima, y ja rija' ri retal chi can xkojcolotej-vi-el chuvech ri mac chupan ri k'ij tok ri Jesucristo xtipe chikac'amic.

Re C'ac'a Testamento pa Kach'abal

³⁰ Man tiya' pa bis re Espíritu Santo chin re Dios roma reja' c'o pa tak kánma. Ja reja' re seña che can xkojcolotaj-va jumul chach re mac chupan re k'ij tak xtipa re Jesucristo chakac'amic.

Kaqchikel Western Solola

³⁰ Y ma tiya' ta pa bis ri Lok'olaj Espíritu riche (rixin) ri Dios. Riya' c'o chic pa tak kánima, y yari' retal chi can xkojcolotej wi el chuwech ri mac tek xtapon ri ruk'ijul.

Efesios 4:30 ပူးပေါင်းရင်းမြစ်များ

Wuj Richin ri Rutikeribel 6:3

Y ri Jehová xubij: Man richin ta jantape' xtik'oje' ri k'aslen rik'in ri wineq ri xinya' chire pa nabey, roma ja ri rurayibel ri ch'akulaj ri uk'uayon kichin. Xaxe chik 120 juna' xke'apon-wi chuwech re ruwach'ulew, xcha'.

Wuj Richin ri Rutikeribel 6:6

y ri Jehová janila xbison y xq'axon ránima chi xeruk'iytisaj ri winaqi' chuwech re ruwach'ulew.

Wuj Richin Bix Chire ri Dios 78:40

¡Kan janipe' na k'a mul xeyakatej chirij chiri' pa tz'iran ruwach'ulew! Kan xkiya' k'a q'axo'n rik'in chupan ri ruwach'ulew ri'.

Wuj Richin Bix Chire ri Dios 95:10

Kawineq k'a juna' xq'axon ri wánima kik'in ri winaqi' ri'. Roma ri' yin kan xinbij k'a chi rije' chi chaq kaka' kik'u'x. Y xa man kitaqen ta k'a ri nupixa'.

Wuj Richin ri Isaías 43:24

Man xik'en ta pe chuwe ri jubulej aj, ni man xisuj ta ri q'en chuwe. Jak'a xa kan janila q'axo'n xiya' chuwe roma ri imak; y kan janila xik'o nuk'u'x iwik'in, rik'in ri itzel taq ibanobal.

Wuj Richin ri Isaías 63:10

Jak'a rije' xa xkipaba-ki' chuwech, y xa xkiya' pa bis ri Loq'olej Espíritu richin rija'. Roma ri' xok kik'ulel, y kan ja rija' ri xbanon labal kik'in rije'.

Wuj Richin ri Isaías 7:13

K'ari' ri Isaías xubij: Tiwak'axaj k'a rix ri ix rijatzul kan ri rey David: ¿Kan achi'el niben chike ri winaqi' toq niyek koyowal y kan keri' chuqa' niwajo' niben chire ri qa-Dios?

Ez 16:43

Xtibek'uluwachitej re' roma rat kan man noqaqa ta chi'ak'u'x achike rubanik toq yin xatinyek-q'anej y xa xaben achi'el jun ixoq itzel ruk'aslen, y roma ri' yin xyakatej janila woyowal. Y jak'a re wakami xtinben chawe chi xtiqaqa ri rutojbalil-mak pan awi',

Os 13:14

Yin kan man xkenkol ta k'a chuwech ri jul muqbel kamineq, xa kan xkenjech k'a pa kamik. Rat kamik, ¿akuchi k'a k'o-wi ri awuchuq'a' ri kan nuk'is ronojel? Rat jul muqbel kamineq, ¿akuchi k'o-wi ri ruk'ayewal ri naya'? Roma yin xa kan man xtinjoyowaj ta chik kiwech re winaqi' re'.

Marcos 3:5

Ri Jesús xerutzu' k'a rik'in royowal y chuqa' xbison-qa roma xerutz'et chi xa kowirineq ri kánima y man nikajo' ta nikinimaj. K'ari' rija' xubij chire ri achin ruwonon-ri' ri ruq'a': Tayuqu' la aq'a', xcha' chire. Y ri achin kan xuyuq ri ruq'a', y jari' toq xchojmir.

San Lucas 21:28

Toq xtitz'et chi ronojel re' yek'uluwachitej chik, kixkikot y tik'oje-el iwuchuq'a', roma kan napon yan ri q'ij richin yixkolotej-el, xcha' ri Jesús.

San Juan 3:33

Ri wineq k'a ri niniman ri nuq'alajirisaj ri jun ri peteneq chila' chikaj, kan nuq'alajirisaj k'a chi ri Dios kan qitzij wi.

Hechos 7:51

Rix kowirineq ri iwánima chupan ri etzelal. Rix ix achi'el ri man e qawinaq ta ri man nikitzeqelibej ta ri qa-Dios, y man jun bey niwajo' chi ja ta ri Loq'olej Espíritu ri nuk'uan iwichin. Kan achi'el xkibanala' ri qati't-qamama', kan keri' k'a chuqa' niben rix re wakami.

Romanos 8:11

Ri Dios xuben chire ri Cristo Jesús chi xk'astej-pe chikikojol ri kaminaqi', y keri' chuqa' xtuben chiqe roj ri k'o ri Loq'olej Espíritu pa taq qánima chi xqojruk'asoj chuqa' el chikikojol ri kaminaqi'.

Romanos 8:23

Y kan keri' chuqa' roj. Ri qánima niq'axo, nijilo k'a re q'ij chuqa' re'. Kan janila k'a niqajo' chi napon yan ta ri q'ij toq xtiq'alajin chi xojok ralk'ual ri Dios, y xtijalatej ri qach'akul. Qetaman chi keri' xtiban chiqe, roma ya'on chik ri Loq'olej Espíritu pa taq qánima.

1 Corintios 1:30

Jak'a xuben chiqe roj chi jun qabanon rik'in ri Cristo Jesús. Ri na'oj richin ri Dios xpe qik'in roj roma ri Cristo. Chuqa' xuben chi roma rija' man jun qamak yojk'ulun chuwech, oj ch'aron chik richin rija' y oj kolotajineq chik.

1 Corintios 15:54

Y jak'a toq ri qach'akul xtijalatej, y man xtiq'ey ta chik, y chuqa' man xtiken ta chik, jari' toq xtibanatej ri tz'ibatel kan chupan ri ruch'abel ri Dios, toq nubij:*f18* Ri kamik xch'akatej yan y man jun chik ruq'a' chiqe, nicha'.

1 Tesalonicenses 5:19

Man tiq'et ri rusamaj ri Loq'olej Espíritu.

Hebreos 10:29

Y wi keri', ¿man nich'ob ta kami rix chi xa más ruk'ayewal niqaqa pa ruwi' ri wineq ri nuxolq'otij ri rubi' ri Ruk'ajol ri Dios, y nuben chi man jun rejqalen ri rukik'el ri xya'on rejqalen ri jikibel-tzij?, roma ja kik' ri' ri xch'ajch'ojirisan ri ruk'aslen. Chuqa' ri wineq ri nixolq'otin richin, kan nretzelaj chuqa' ri Loq'olej Espíritu ri niya'on utzil pa qawi'.

Hebreos 3:10

Roma ri' xpe woyowal chike ri jun sol winaqi' ri' ri xebanon keri'. Y yin xinbij: Rije' xa chaq kaka' kik'u'x. Y xa man kitaqen ta k'a ri nupixa'.

Hebreos 3:17

¿Achike ta k'a winaqi' ri kan kawineq juna' xpe royowal ri Dios chike? Konojel ri xemakun, ri xekamiyaj kan ri pa tz'iran ruwach'ulew.

Wuj Kichin ri To'onela' 10:16

Y rije' kan man xekisamajij ta chik ri dios ri ek'o chikikojol, y xkiya' ruq'ij ri Jehová. Y rija' xq'axon ránima roma ri ruk'ayewal ri nikiq'axaj ri rutinamit.