Efesios 4:29 - Kaqchiquel Bible

²⁹ Man tibila' itzel taq tzij. Xaxe k'a ri utz y ri nik'atzin tibij, richin keri' re ch'abel re' nukuquba' kik'u'x ri ek'o pa bis, y k'o utzil nuk'en-pe chike.

နောက်ထပ်ဗားရှင်းများ

Kaqchikel Santo Domingo (Xenacoj)

²⁹ Ma tibꞌij itzel teq tzij, xa kin xe utzulej teq tzij ri ndukꞌen pe kꞌiyilen chake chꞌaqa chik. Tibꞌij tzij ri kin rukꞌulun chi ndibꞌij ri ndukꞌen pe ru-favor ri Dios pa kikꞌaslen ri ngeꞌakꞌaxan iwichin.

Kaqchikel Santa Maria de Jesus

²⁹ Man tiꞌej itziel tak tzij. Joꞌc ri otz tiꞌej, chi quireꞌ ri tzij reꞌ nuꞌon chica ri ncaꞌcꞌaxan ivichin chi ncaꞌqꞌuiy chupan ri quicꞌaslien, y chi cꞌo bendición nucꞌam-pa chica.

Kaqchikel Central Guatemala

²⁹ Man tibila' itzel tak tzij. Xaxe c'a ri utz y ri nic'atzin tibij richin queri' re ch'abel re' nucukuba' quic'u'x ri ye'ac'axan y c'o utzil nuq'uen-pe chique.

Re C'ac'a Testamento pa Kach'abal

²⁹ Man tibila' itzel tak tzij. Xa can xe c'a re otz tak tzij tibila', chin quire' ronojel re ye'bila', can nic'atzin che nuban chique re ye'c'axan che niq'uiy re quic'aslen y c'o otz nuc'am-pa chique.

Kaqchikel Western Solola

²⁹ Ma tibila' ta itzel tak tzij. Xa can xu (xe) wi c'a ri utz ri tibij, ch'abel ri nic'atzin riche (rixin) chi ri ye'ac'axan iwuche (iwixin) yeq'uiy chupan ri quic'aslen riq'ui ri Dios, riche (rixin) chi queri' can c'o utzil nuc'om pe chique.

Efesios 4:29 ပူးပေါင်းရင်းမြစ်များ

Colosenses 4:6

Kan ta ronojel ri nibij k'o ta utzil nuk'en-pe. Kan ta achi'el toq k'o atz'an rik'in ri iq'utun, keri' ta ri ich'abel richin chi kan xaxe ta k'a ri ruk'amon ri nibij chike konojel ri k'o nikik'utuj chiwe.

1 Tesalonicenses 5:11

Roma ri' tikuqubala' ik'u'x chi'iwachibil-iwi'. Y chuqa' titola-iwi' richin chi yixk'iy rik'in ri ik'aslen, kan achi'el ri ibanon-pe.

Wuj Richin ri Molojri'il 10:12

Ri tzij ri nubij jun wineq aj-na'oj, kan nuk'en-pe utzil, jak'a ri tzij ri nubij jun wineq ri man aj-na'oj ta xa wulunen nuk'en-pe chirij.

Wuj Richin Etamabel-Tzij 15:7

Ri ruchi' ri wineq ri kan k'o runa'oj, kan nutaluj k'a rubixik ri na'oj; jak'a ri winaqi' e itzel, ri nikitaluj rubixik, xa ja ri man choj ta.

Wuj Richin Etamabel-Tzij 12:13

Roma ri mak ri ye'el pa ruchi' ri wineq, nitzaq pa pikbel richin ri wineq itzel; jak'a ri wineq ri kan choj ruk'aslen, rik'in ri ruchi' nikolotej chuwech ri ruk'ayewal.

San Mateo 5:16

Kan keri' ta k'a xtisaqirisan ri ik'aslen rix chikiwech ri winaqi'; Richin keri' toq xtikitz'et k'a ri utzilej taq ibanobal, ri winaqi' kan xtikiya' k'a ruq'ij-ruk'ojlen ri aj-chikajil qatata'.

Wuj Richin Etamabel-Tzij 16:21

Ri winaqi' kan niketamaj k'a ruwech ri kan aj-na'oj-wi, roma kan nuch'ob na jebel ri achike nuben; y ri ruki'il ri ch'abel ri ye'el pa ruchi', kan yeruch'ek más winaqi'.

Wuj Richin ri Isaías 50:4

Ri rusamajel ri Dios nubij chire: Ajaw Jehová, rat aya'on ch'abel wik'in, richin naya' kuqubabel-k'u'x chike ri e kosinaqi'. Ronojel nimaq'a' naben chuwe richin yiyakatej yan, y kan naben chuwe, achi'el ri winaqi' ri k'o na'oj kik'in,

Wuj Richin Bix Chire ri Dios 52:2

Rat kan xaxe k'a ri itzel taq banobel ri nach'obola' chijun q'ij. Ri awaq' kan xaxe k'a q'oloj ri nuben, kan achi'el jun qupibel ri ya-ya' rey.

Wuj Richin Etamabel-Tzij 15:23

Kan nikikot wi k'a ránima ri wineq toq yerubij ri utzilej taq ch'abel chike ri yek'uluben richin; kan yalan wi jebel toq kan chupan ri ramaj toq nik'atzin, jari' toq napon ri na'oj.

1 Pedro 2:12

Roma ri' kan tik'uaj jun k'aslen utz, y choj chikikojol ri winaqi' ri man ketaman ta ruwech ri Dios. Richin chi stape' nikimol-pe tzij chiwij chi man utz ta ri ik'aslen, toq xtapon ri q'ij chi ri Dios nuq'et-tzij ri winaqi' ri' xtikiya' ruq'ij-ruk'ojlen ri Dios roma ri utzilej ibanobal rix.

San Lucas 4:22

Konojel k'a ri winaqi', janila xqa' chikiwech ri Jesús, y kan janila xkimey ri utzilej taq ch'abel ri xerubij.Y ri winaqi' ri' nikibila' chuqa' chikiwech: ¿Man ja ta k'a re' ri ruk'ajol ri José?, yecha'.

Wuj Richin Bix Chire ri Dios 5:9

Rije' man jun bey yech'on ri qitzij; kan e nojineq k'a rik'in etzelal. Kan xaxe k'a ri q'oloj ri k'o pa kichi'. Roma ri' rije' kan e achi'el k'a jun muqbel kamineq.

1 Pedro 3:1

Rix ixoqi' kan tinimaj k'a kitzij ri iwachijlal. Richin keri', wi rije' man kiniman ta ri ruch'abel ri Dios, stape' man jun nitzijon chike, roma ta ri ik'aslen rix xtikinimaj,

Efesios 4:16

Roma ja ri Cristo niyuqen qichin, roma ri' qonojel junan yojsamej, xa kan achi'el nuben ri ruch'akul jun wineq toq ronojel ruq'a' raqen e utz y nikitola-ki'. Toq niqaben rik'in ajowabel ri samaj ri ya'on chiqe chiqajujunal, kan yojk'iy chupan ri qak'aslen rik'in ri Dios.

Efesios 4:12

Keri' xuben richin chi yekitijoj ch'aqa' chik qach'alal richin nikisamajij ri Dios, richin kik'iyirinen ri molaj qach'alal, ri achi'el ruch'akul ri Jesucristo,

Wuj Richin Bix Chire ri Dios 71:24

Yin kan chijun q'ij xaxe k'a ri ruchojmilal ri naben rat, ri xtinbij. Roma ri xkajo' chi xinkiya' ta pa k'ayew xa xek'ixbitej y xsach kik'u'x.

Wuj Richin Bix Chire ri Dios 45:2

Rat rey, ja rat ri más at jebel ok chikikojol ri achi'a'; Kan jebel k'a ri ye'abij; Roma ri' ri Dios at rurtisan richin jantape'.

2 Pedro 2:18

Kan nikibananej chi k'o k'iy etamabel kik'in, jak'a xa ch'abel ri man jun kejqalen ri yekibila'. Y rik'in itzel taq rayinik yekiq'ol ri xa k'a juba' kekolotej-pe chikikojol ri e uk'uayon itzel k'aslen.

1 Corintios 14:19

Jak'a toq yin yinapon chikikojol ri molaj qach'alal, yin ninwajo' más yich'on pa jun ch'abel ri kan niq'ax-wi chikiwech konojel, roma stape' ta xa ka'i-oxi' ch'abel ri ninbij, más utz ke chuwech ninbij ta 10,000 ch'abel chike ri xa man niq'ax ta chikiwech.

Romanos 14:19

Roma ri' tiqatija' k'a qaq'ij chi man jun ta oyowal chiqakojol y niqakuquba' ta qak'u'x chiqachibil-qi'.

Romanos 15:2

Kan nik'atzin k'a chi tiqabana' ri niqa' chikiwech ri qach'alal, ri utz nuk'en-pe chike rije' y nukuquba' más kik'u'x.

San Juan 1:37

Ri e ka'i' rutijoxela' ri Juan toq xkak'axaj k'a ri xubij, rije' xkitzeqelibej-el ri Jesús.