Efesios 4:28 - Kaqchiquel Bible

²⁸ Wi k'o jun ri xuben eleq', man chik teleq'. Pa ruk'exel ri' nik'atzin chi nukusaj ri ruq'a' richin nisamej, roma re' kan utz wi, y rik'in re' nitikir chuqa' yeruto' ri k'o nik'atzin chike.

နောက်ထပ်ဗားရှင်းများ

Kaqchikel Santo Domingo (Xenacoj)

²⁸ Si kꞌo jun xeleqꞌan jumbꞌey kan, ma teleqꞌ chik, más utz tisamej rikꞌin ruqꞌaꞌ chuchꞌakik ruméra, chin keriꞌ kꞌo achike ruchajin chin ngerutoꞌ ri ndikꞌatzin kitoꞌik.

Kaqchikel Santa Maria de Jesus

²⁸ Xa cꞌo jun chivach ri xaꞌruꞌon alakꞌ antok majaꞌ tunimaj ri Ajaf, man talakꞌ chic. Vacame tucusaj ri rukꞌaꞌ chi nuꞌon jun samaj otz, chi quireꞌ nitiquir jeꞌ ncaꞌrutoꞌ ri manak-oc cꞌo quiqꞌuin.

Kaqchikel Central Guatemala

²⁸ Vi c'o jun ri kach'alal chic y xelek' tok rubanon can; tuya' c'a can ri banobel ri'. Re vacami nic'atzin chi nucusaj ri ruk'a' richin nisamej, roma re' can utz vi y riq'uin re' nitiquir chuka' yeruto' ri c'o nic'atzin chique.

Re C'ac'a Testamento pa Kach'abal

²⁸ Vo xa c'o jun hermano chic re c'a nilek'an, tuya' can re banabal re'. Vocame nic'atzin che nucusaj ruk'a' chin nisamaj, roma vo xa quire' nuban camas otz, y riq'uin re' nitiquir chuka' ye'ruto' re camas je meba'.

Kaqchikel Western Solola

²⁸ Wi c'o jun ri nibano alek' tek rubanon ca; y wacami kach'alal chic, xa can tisamej y ma tuben ta chic alek'. Xa can querucusaj ri ruk'a' riche (rixin) chi nuben jun samaj utz riche (rixin) chi queri' nicowin chuka' yeruto' ri nic'atzin quito'ic.

Efesios 4:28 ပူးပေါင်းရင်းမြစ်များ

1 Timoteo 6:18

Tabij chike chi kekibanala' k'iy utzil, y e beyoma' ta chubanik ri utzilej taq banobel kik'in ri ch'aqa' chik, y man tikik'ek'ej ri nikiya' chike ri beyomel ri k'o kik'in.

Gálatas 6:10

Y toq niqatz'et xabachike wineq ri k'o nik'atzin chire, kan tiqato' k'a. Jak'a kan nik'atzin chi yeqato' más ri e qach'alal chik.

Ex 20:15

Man kixeleq'.

Wuj Richin ri Zacarías 5:3

K'ari' xubij chuwe: Chuwech la wuj k'o jun itzel oyonik ri xtibiyin chuwech chijun ri ruwach'ulew. Ri jun ruwech ri wuj tz'ibatel chi ri eleq'oma' xkeken. Y ri jun chik ruwech tz'ibatel chi ri nujikiba' ta rutzij ri xa man qitzij ta ri nubij, rija' kan man xtikolotej ta kan.

San Juan 12:6

Toq rija' keri' xubij, man roma ta k'a chi kan janila yerajo' ri winaqi' ri man jun k'o kik'in. Xa kan roma k'a eleq'om y chi ja rija' ri yakol-méro kichin ri tijoxela' y k'o k'a nrelesala-el.

San Lucas 19:8

Y ri chiri', ri Zaqueo pa'el k'a toq xch'on rik'in ri Jesús y xubij: Wajaw, wakami nik'aj chire ri nubeyomel nintaluj chike ri winaqi' ri man jun k'o kik'in. Wi k'o ta weleq'an chire jun wineq, kan xtintzolij kaji' mul más chuwech ri xinwelesaj kan chire, xcha'.

Os 4:2

Ri Dios nubij: Xa kan ruyon k'a tz'ukuj taq tzij k'o chikikojol, xaxe yekamisan, ye'eleq', nikibanala' ixoqinik y ch'aqa' chik itzel taq banobel. Kan jantape' k'a chi kamik nibanatej chupan ri ruwach'ulew Israel.

Wuj Richin ri Jeremías 7:9

Yixeleq', yixkamisan, ri e k'ulan taq winaqi' yekikanoj kachibil richin yemakun kik'in, niya' itzij y xa man qitzij ta yixch'on, niporoj pom chuwech ri Baal, ye'iya' kiq'ij dios ri xa man e iwetaman ta kiwech,

Ex 20:17

Man tirayij chi iwik'in ta rix k'o-wi ri k'o kik'in ri iwachpochel: Man tirayij kiwech ri kixjayilal, ni ri kisamajela', ni ri kaj-ik'a', ni ri kibóyix, ni ri kibur; ni man jun chike ri e kichin ri iwachpochel tirayij, xcha' ri Jehová.

2 Corintios 8:12

Roma wi xa kan ja ri pan iwánima xalex-wi-pe ri rayibel ri', ri Dios kan nuk'ul-wi chiwech ri xa janipe' ok ri yixtikir niya', roma rija' man nroyobej ta chi k'iy niya', y xa man k'iy ta ri k'o iwik'in.

2 Corintios 8:2

Roma rije' stape' nikik'owisaj tijoj-poqonal, kan xekito-el ri qach'alal ri ek'o pa Jerusalem. Stape' man k'iy ta ok k'o kik'in, kan xekito-el rik'in ri janipe' xetikir xkiya'. Y re' kan xkiya' k'a rik'in kikoten pa taq kánima.

Romanos 12:13

Toq ek'o ch'aqa' qach'alal ri k'o nik'atzin chike, kan ke'ito'. Y wi ek'o qach'alal ri e aj juk'an chik, man kixkos richin nisuj chike richin ye'uxlan kan pan iwachoch y niya' ri nik'atzin chike.

San Juan 13:29

Ek'o xech'obo chi xtaq-el roma ri Jesús chuloq'ik ronojel ri nik'atzin chike chupan ri nimaq'ij ri'. Y ek'o chik ch'aqa' xech'obo chi xtaq-el richin k'o tiberuyala' kan chike ri winaqi' ri man jun k'o kik'in, roma rije' kan ketaman-wi chi ja ri Judas ri yakol méro.

San Lucas 3:8

Wi kan qitzij chi rix nitzolej-pe ik'u'x rik'in ri Dios, kan tiq'alajin k'a chupan ri ik'aslen. Man k'a tich'ob-qa rix chi kan xaxe roma ri ix riy-rumam kan ri Abraham, xkixkolotej. Roma, kan ta ri Dios nrajo', rija' yeruben ta riy-rumam ri Abraham chike re abej re yeqatz'et wawe'.

Wuj Richin Etamabel-Tzij 30:9

Roma wi xa naya' nubeyomel, rik'in juba' yatinjech'ej kan y ninbenbij-pe chi man yak'atzin ta chuwe, o wi yinaya' pa meba'il, yibeneleq'-pe, roma k'iy ri nibek'atzin-pe chuwe; y ninya' ak'ix.

Wuj Richin Etamabel-Tzij 28:13

Ri man yeruq'alajirisaj ta ri itzel taq rubanobal ri yeruben, xa ronojel itzel ye'el chuwech; jak'a ri yeruq'alajirisaj y nuya' kan rubanik, kan xtril kuyubel rumak.

Wuj Richin Etamabel-Tzij 14:23

Ronojel tijoj ruq'ijul ri nuben ri wineq, kan k'o-wi ri nuk'en-pe; jak'a ri wineq ri xaxe tzij ri nuben, xa pa meba'il nuk'uaj-wi.

Wuj Richin Etamabel-Tzij 13:11

Ri man utzilej beyomel ta ri nuben jun wineq, xa nik'is; jak'a ri beyomel ri nuben ri wineq rik'in ruchuq'a' ri ruq'a' rija', ninimer chuwech.

Wuj Richin ri Achin Job 34:32

Kan taq'alajirisaj k'a chinuwech ri numak, ri xa man ninna' ta chi nubanon, y wi k'o itzel taq banobel ri e nubanon, kan man xtinben ta chik, at chayineq.

Ex 21:16

Chuqa' wi k'o jun wineq nreleq'aj-el jun chik wineq y ruk'ayin chik el o k'a k'o na rik'in toq nichap, kan tikamisex k'a.

Wuj Richin Etamabel-Tzij 21:26

Ek'o winaqi' ri kan niq'ax ri q'ij pa kiwi' y ronojel yekirayila' chi k'o ta pe kik'in, jak'a ri wineq ri choj ruk'aslen, roma kan k'o ri nukusaj, kan rik'in kikoten nuya'.

Wuj Richin Etamabel-Tzij 31:20

Kan man nuchapapej ta ri ruméro pa ruq'a', xa kan nujeq richin yeruto' ri man jun k'o kik'in; y kan ja ri' nuyuq ri ruq'a' richin yeruto' ri nik'atzin kiway.

1 Corintios 4:12

Kan janila yojsamej richin niqach'ek qaway. Y toq k'o ye'oyon etzelanik pa qawi', roj niqak'utuj urtisanik pa kiwi' rije'. Y toq k'o itzel nikiben ri winaqi' chiqe roma ri Cristo, roj niqakoch'.

Tito 3:8

Ronojel re xinbij yan, kan qitzij wi. Roma ri' ninwajo' chi man tatanaba' kitijoxik ri qach'alal chire ronojel re', richin keri' kan beneq ruwech tikitija' kiq'ij nikiben ri utzilej taq banobel. Ronojel re' kan utz wi y kan k'o utz nuk'en-pe chiqe qonojel.

Tito 3:14

Ri qach'alal k'o chi niketamaj nikiben ri utz, y yekito' k'a konojel ri k'o nik'atzin chike, richin ri qach'alal ri' jebel ta niwachin ri kik'aslen.