Efesios 4:26 - Kaqchiquel Bible

²⁶ Toq k'o nibanon chiwe chi yixoyower, man kixmakun. Y man tiya' q'ij chi k'a k'o na iwoyowal toq nitzaq-qa ri q'ij.

နောက်ထပ်ဗားရှင်းများ

Kaqchikel Santo Domingo (Xenacoj)

²⁶ Atoq kꞌo jun roma ndiyakatej iwoyowal, ma tiyaꞌ qꞌij chi ngixtzaq pa mak, y ma tiyaꞌ qꞌij chi ri oyowal ndikꞌojeꞌ jun qꞌij entéra pa iwánima.

Kaqchikel Santa Maria de Jesus

²⁶ Antok nipa ivoyoval, man tiꞌan pecar-iviꞌ. Y man tiyaꞌ lugar chi cꞌa cꞌo ri ivoyoval antok nika-ka ri kꞌij.

Kaqchikel Central Guatemala

²⁶ Tok c'o nibanon chive chi yixoyover, man quixmacun. Y man tiya' k'ij chi c'a c'o na ivoyoval tok nitzak-ka ri k'ij. Nic'atzin chi nichojmirisaj chanin.

Re C'ac'a Testamento pa Kach'abal

²⁶ Tak c'o nibano chiva che nipa iyoval, man quixmacun. Y man tiya' k'ij cha re ayoval re' che can jun k'ij nic'ue' iviq'uin. Xa nic'atzin che cha'nin niban rubiyal.

Kaqchikel Western Solola

²⁶ Tek c'o jun ruma nipe iwoyowal, man c'a quixtzak ta pa mac. Y ma tiya' ta k'ij chi c'a c'o na ri iwoyowal tek nika ka ri k'ij. Rajawaxic chi can chanin nichojmirisaj ri oyowal ri'.

Efesios 4:26 ပူးပေါင်းရင်းမြစ်များ

Wuj Richin Bix Chire ri Dios 37:8

Taya' kan ri oyowal, y man taya' q'ij chi nich'akon chawij. Man katoyower, roma re' xa más nuyek-q'anej ruwi' ri oyowal.

Wuj Richin Bix Chire ri Dios 4:4

Tik'oje' k'a rukiy ri Dios chiwech y man chaq yixmakun. Toq ix kotz'ol y silan-silan chik, tiquqa' pa taq iwánima ri ibanobal chuwech rija'.

Ex 11:8

Chuqa' ri Moisés xubij: K'ari' xkepe k'a chinuwech re aj-raqen re', y xkexuke' k'a chinuwech y xtikibij chuwe: Tabana' utzil kabiyin rat y konojel ri awinaq, xkecha' chuwe. Y toq xtikiben keri', k'ari' xqojbe, xcha'. Y ri Moisés kan q'aq'arineq k'a toq xel-pe rik'in ri rey.

Wuj Richin Etamabel-Tzij 14:29

Jun wineq ri man chi'anin ta nipe royowal, kan k'o-wi nim etamabel rik'in; jak'a ri xa chi'anin nijalajo' chuwech, xa niq'alajin chi maneq runa'oj.

Wuj Richin Etamabel-Tzij 19:11

Ri wineq ri nuch'ob jebel ri achike nuben, nuben chire chi nok ch'uch'uj; y ja ri ruk'ojlen ri' ri nibanon chire chi toq k'o mak niban chuwech, rija' nuben chi achi'el man jun banatajineq.

Wuj Richin Etamabel-Tzij 25:23

Ri kaq'iq' ri nipe kere' pa xaman, kan jantape' k'o job nuk'en-pe; keri' ri wineq, ronojel ri royowal ri man nubij ta rik'in ch'abel, xa ja ri nitzu'un jari' ri niq'alajirisan chi royowal.

Wuj Richin ri Molojri'il 7:9

Man kan chi'anin tipe awoyowal, roma ri yebanon keri' xa ja ri winaqi' maneq kina'oj y kan k'o chik rusok ri oyowal pa kánima.

Wuj Richin ri Q'axanri'il 20:24

Rat Aarón yabeken yan, y man xkatok ta chupan ri ruwach'ulew ri nusujun chike ri awinaq israelita, roma rix ix ka'i' xiq'ej ruwi' ri nuch'abel, ri chiri' akuchi xk'oje-wi kan ri ralaxbel-ya' Meribá.

San Mateo 5:22

Jak'a yin ninbij chi wi k'o ta jun ri, stape' ta xaxe royowal ri nipe chire jun wineq, kan nimakun-wi y kan k'o chi tiq'at-tzij pa ruwi'. Chuqa' ri nibin chire jun chik wineq chi maneq runa'oj; ri nibin keri', kan aj-mak chuqa', roma ri' kan ruk'amon chi nuk'uex chikiwech ri achi'a' ri pa komon yeq'aton-tzij richin chi niq'at-tzij pa ruwi'. Y xabachike k'a ri nibin nakanik chire jun chik wineq, ri' xa kan oyoben chik roma ri q'aq'.

Marcos 10:14

Y toq ri Jesús xutz'et ri nikiben ri tijoxela', xpe royowal, y xubij chike: Tiya' q'ij richin chi ri ak'uala' yepe wik'in yin. Roma ri xke'ok pa rajawaren ri Dios, xaxe ri e achi'el ri ak'uala'.

Marcos 3:5

Ri Jesús xerutzu' k'a rik'in royowal y chuqa' xbison-qa roma xerutz'et chi xa kowirineq ri kánima y man nikajo' ta nikinimaj. K'ari' rija' xubij chire ri achin ruwonon-ri' ri ruq'a': Tayuqu' la aq'a', xcha' chire. Y ri achin kan xuyuq ri ruq'a', y jari' toq xchojmir.

Deut 24:15

Toq nuk'is ri q'ij, kan jari' titojo-el chire, y man tiben chi nik'is-qa ri q'ij y man niya' ta chire ri xuch'ek, roma rija' xa man jun k'o rik'in y xaxe rik'in ri' nuq'axibej-wi-ri'. Richin keri' man nisujun ta chuwech ri Jehová ri qa-Dios chiwij y man yixqaqa ta pa mak rix.

Santiago 1:19

Wach'alal ri yalan yixinwajo', kan tiwak'axaj k'a nabey ri ruch'abel jun wineq y man chi'anin tik'uluba' ri ruch'abel. Chuqa' kan man k'a kixoyower chi'anin.

Santiago 1:20

Roma toq rix iwoyowal man yixtikir ta niben ri nrajo' ri Dios chi niben.

1 Sam 20:34

K'ari' ri Jonatán xyakatej k'a el chuchi' ri mesa yakatajineq janila royowal, y man jun xutej-el chupan ri q'ij ri'; roma janila niq'axon ri ránima roma ri rutata' xuqasaj ruq'ij ri David.