Efesios 4:21 - Kaqchiquel Bible

²¹ roma ix tijon rik'in ri tijonik ri richin rija'. Kan ik'ulun-wi k'a ri tijonik ri ya'on roma rija', ri kan qitzij wi.

နောက်ထပ်ဗားရှင်းများ

Kaqchikel Santo Domingo (Xenacoj)

²¹ Porque rix kin xiwakꞌaxaj ri tijonik pa ruwiꞌ ri Jesús, y xiwetamaj achike ruchojmil ri kꞌaslen ndirajoꞌ rijaꞌ chi ndikꞌuaj, kꞌaslen ri kin rukꞌuan riꞌ rikꞌin ri qetzij rukꞌutun kan,

Kaqchikel Santa Maria de Jesus

²¹ vi xa ketzij chi xivaxaj ri ruchꞌabꞌal jajaꞌ y vi xa ketzij chi xixtijox riqꞌuin ri ketzij ri cꞌo riqꞌuin.

Kaqchikel Central Guatemala

²¹ roma ix tijon riq'uin ri tijonic ri richin rija'. Can ic'ulun-vi c'a ri tijonic ri yo'on roma rija'; ri can kitzij vi.

Re C'ac'a Testamento pa Kach'abal

²¹ roma yixtijon riq'uin re enseñanza chin reja'. Can ic'ulun-va re ru-enseñanza, re can katzij-va.

Kaqchikel Western Solola

²¹ wi kas kitzij chi xiwac'axaj ri ruch'abel Riya', y wi kas kitzij chi xixtijox riq'ui ri kitzij ri c'o riq'ui ri Cristo.

Efesios 4:21 ပူးပေါင်းရင်းမြစ်များ

Wuj Richin Bix Chire ri Dios 45:4

Kan ta k'a xkabe pa jotol rik'in ri ak'ojlemal, kak'oje' pa ruwi' ri qitzij, ri qasanri'il y ri ruchojmilal. Y rik'in ri awijkiq'a' xtabanala' nima'q taq banobel.

San Mateo 17:5

Rokik k'a nich'on na ri Pedro, jari' toq xkitz'et jun sutz' richin saqil xqaqa-pe pa kiwi'. Y chupan k'a ri sutz' ri' k'o jun ri xch'on-pe y xubij: Jare' ri nuk'ajol yin ri kan janila ninwajo' y yikikot rik'in, kan tiwak'axaj k'a ri nubij, xcha' ri ch'abel ri'.

San Lucas 10:16

Jak'a rix nutijoxela', achike k'a wineq ri xkixruk'ul jebel richin nrak'axaj ri ich'abel, kan ja chuqa' yin ri yiruk'ul. Y ri achike k'a chuqa' ri xkixetzelan kan, ja chuqa' yin ri yiretzelaj. Y ri netzelan wichin yin, kan ja chuqa' ri Dios ri taqayon-pe wichin ri nretzelaj, xcha' el ri Jesús.

San Juan 1:17

Ri pixa' xya'ox roma ri Moisés, jak'a ri utzil ri' y ri qitzij, xya'ox roma ri Jesús ri Cristo ri nibix chuqa' ch'abel chire.

San Juan 10:27

Ri nukarne'l yin kan ketaman y nikak'axaj ri nuch'abel, y kan yinkitzeqelibej. Chuqa' yin wetaman kiwech rije'.

San Juan 14:17

Ri' kan ja ri Loq'olej Espíritu, ri nitijon iwichin chire ri qitzij. Y rija' man tikirel ta richin nik'ul-apo, koma ri winaqi' ri k'a kikuquban na kik'u'x rik'in re ruwach'ulew. Roma ri Loq'olej Espíritu xa man tz'etel ta ni man ketaman ta chuqa' ruwech. Jak'a rix kan iwetaman chik ruwech, roma kan xtik'oje-wi chi'ikojol. Y rija' kan jantape' xtik'oje' iwik'in.

San Juan 14:6

Y ri Jesús xubij: Ja yin ri bey, yin ri qitzij y ja yin chuqa' ri k'aslen. Xaxe k'a ri xtiniman wichin xtapon rik'in ri nata'.

Romanos 10:14

Jak'a ¿nitikir kami jun wineq nuk'utuj kolotajik chire ri Dios wi xa man rukuquban ta ruk'u'x rik'in? ¿O nitikir kami chuqa' nukuquba' ruk'u'x rik'in ri Dios wi xa man rak'axan ta ri utzilej rutzijol? ¿Y nitikir kami nrak'axaj, wi xa man jun biyon ta chire?

2 Corintios 1:20

Roma kan ronojel k'a ri rusujun ri Dios, kan rik'in k'a ri Cristo nibanatej-wi. Roma ri' kan pa rubi' k'a ri Jesucristo niqabij chi kan keri' wi toq niqaya' ruq'ij-ruk'ojlen ri Dios.

2 Corintios 11:10

Y roma ri ruch'abel ri Cristo ri k'o wik'in, ninbij k'a chiwe rix ri ixk'o pan Acaya, chi kan man jun ri xtibanon ta chuwe chi man ta chik yich'on pa ruwi' re'.

Efesios 1:13

Y chuqa' xiwak'axaj ri ruch'abel ri Dios, ri kan qitzij. Chuqa' xikuquba' ik'u'x rik'in ri utzilej ch'abel ri' ri xk'amon-pe kolotajik chiwe. Y roma ri' ri Dios xuya' chiwe ri Loq'olej Espíritu retal chi ix richin chik rija'.

Efesios 2:17

Toq xpe ri Cristo, xoruya' ri utzilej rutzijol ri uxlanibel-k'u'x chike ri winaqi'.*f2* Xubij re' chiwe rix ri k'a nej ixk'o-wi chire ri Dios, y xubij chuqa' chiqe roj ri kan naqaj ojk'o chire rija'.

Colosenses 1:5

Keri' niben, roma ri oyobenri'il ri yakon chiwe chila' chikaj. Ri' xiwetamaj toq xiwak'axaj ri qitzij ch'abel ri nich'on chirij ri utzilej ch'abel richin kolotajik.

Colosenses 1:6

Ri ch'abel ri' ruchapon nutaluj-ri' chuwech chijun ruwach'ulew, y e k'iy k'a winaqi' ri nikikuquba' kik'u'x rik'in ri Cristo, achi'el banatajineq-pe iwik'in rix kan ja toq iwak'axan-pe ri ch'abel ri' y xq'ax chiwech.

Colosenses 2:7

Rix kan ix tikil k'a rik'in ri Cristo, y chiri' ix paban-wi-pe achi'el nipabex jun jay pa ruwi' ri ruxe'. Kan ta kuqurineq ik'u'x rik'in, achi'el ri xiwetamaj toq xik'ul ri tijonik. Y beneq ta ruwech nik'oje' matioxinik pa taq iwánima.

1 Juan 5:20

Y qetaman chuqa' chi xok'ulun yan qa ri Ruk'ajol ri Dios chuwech re ruwach'ulew. Rija' xuya' etamabel chiqe, richin xqetamaj ruwech ri qitzij Dios, roma ri' jun qabanon rik'in ri Dios y ri Jesucristo ri Ruk'ajol. Rija' kan qitzij Dios wi, y rik'in rija' peteneq-wi ri k'aslen ri man k'isel ta.