Efesios 3:20 - Kaqchiquel Bible

²⁰ Tiqaya' k'a ruq'ij ri Dios, roma rija' kan k'o-wi ronojel uchuq'a' rik'in y nisamej pa taq qánima. Roj kan k'iy wi k'a utzil niqak'utuj chire, jak'a rija' man xaxe ta ri' nitikir nuben. Roj kan man yojtikir ta k'a niqach'ob ronojel ri nitikir nuben rija'.

နောက်ထပ်ဗားရှင်းများ

Kaqchikel Santo Domingo (Xenacoj)

²⁰ Tiqayaꞌ ruqꞌij ri Dios ri nditiker ndubꞌen más chuwech ri achike ndiqakꞌutuj o ndiqanojij, rikꞌin ri nimalej ruchuqꞌaꞌ ri ndisamej pa qánima.

Kaqchikel Santa Maria de Jesus

²⁰ Kayaꞌ rukꞌij ri Dios, jajaꞌ cꞌo nojiel poder riqꞌuin y nisamaj riqꞌuin kánima. Ojreꞌ qꞌuiy favor ri nakacꞌutuj cha, pero jajaꞌ man joꞌc ta reꞌ ri nitiquir nuꞌon, xa cꞌo más ri nitiquir nuꞌon. Man nkojtiquir ta nakaꞌan pensar nojiel ri nitiquir nuꞌon jajaꞌ.

Kaqchikel Central Guatemala

²⁰ Tikaya' c'a ruk'ij ri Dios, roma rija' can c'o-vi ronojel uchuk'a' riq'uin y nisamej pa tak kánima. Roj can q'uiy vi c'a utzil ri nikac'utuj chire, pero rija' man xe ta ri' nitiquir nuben, xa can c'o c'a más ri nitiquir nuben. Can man yojtiquir ta c'a nikach'ob ronojel ri nitiquir nuben rija'.

Re C'ac'a Testamento pa Kach'abal

²⁰ Takaya' ruk'ij re Dios, roma reja' can c'o ronojel poder riq'uin y nisamaj pa tak kánma. Yoj can q'uiy utzil nakac'utuj cha, pero reja' man xe-ta re' nitiquir nuban, xa can c'o más re nitiquir nuban. Can man yojtiquir-ta nakanojij ronojel re nitiquir nuban reja'.

Kaqchikel Western Solola

²⁰ Tikaya' c'a ruk'ij ri Dios. Riya' can c'o ronojel uchuk'a' riq'ui, uchuk'a' ri can nisamej pa tak kánima. Yac'a Riya' ma xu (xe) ta wi ri nikac'utuj chare ri nicowin nuben, xa can c'o c'a más ri nicowin nuben. Can ma yojcowin ta c'a nikach'ob ronojel ri nicowin nuben Riya'.

Efesios 3:20 ပူးပေါင်းရင်းမြစ်များ

Wuj Richin ri Rutikeribel 17:1

Ri Abram k'o jumuch' belejlajuj rujuna' toq xuk'ut chik ri' jun bey ri Jehová chuwech, y xubij chire: Ja yin ri in Dios ri k'o Ronojel Uchuq'a' Pa Nuq'a'.*f14* Tak'uaj ri nubey y tabana' ri utz.

Wuj Richin ri Rutikeribel 18:4

wi rix niwajo' yin ninteq ruk'amik ya' richin nich'ej ri iwaqen y yixuxlan na el juba' chuxe' re jun che' re'.

2 Sam 7:19

Y re' xa kan ti juba' ok chawech rat Nimalej Jehová, roma stape' yin xa in jun asamajel, man rik'in ri' rat kan xach'on yan apo chirij ri wijatzul ri chinuwech-apo. ¿Kan kere' kami naben kik'in konojel winaqi', rat nimalej Jehová?

1 Rey 3:13

Y chuqa' xtinya' chawe ri man xak'utuj ta chuwe: Ri beyomel y ri ak'ojlemal. Kan man jun chik xtiq'aton-tzij achi'el ri xtaben rat.

2 Crón 25:9

K'ari' ri Amasías xuk'utuj chire ri q'alajirisey ruch'abel ri Dios y xubij: ¿Y achike k'a xtiban rik'in ri jubama oxk'al wolajuj quintal saqipueq ri xinya' yan chike ri aj-labal aj-Israel?, xcha'. K'ari' ri q'alajirisey ruch'abel ri Dios xubij chi ri Dios k'o janila chi beyomel rik'in richin nutzolij chik chire más k'iy chuwech ri xuya-el ri Amasías.

2 Crón 9:12

Y ri rey Salomón xuya' chire ri reina ri achike xrajo' y ri achike xuk'utuj chire. Y ri xuya-el chire kan xik'o k'a ruwi' chire ri ruk'amon-pe ri reina. Chirij ronojel re' ri reina xtzolin pa rutinamit e rachibilan-el ri rusamajela'.

Ex 34:6

Y jari' toq ri Jehová xq'ax k'a el chuwech ri Moisés y xubij: ¡Ja yin Jehová! ¡Jehová jari' ri nubi'! Ri kan in joyowanel y koch'onel y man chi'anin ta k'a nipe woyowal y kan janila nim ri nujoyowanik y kan ninben ri ninbij.

Wuj Richin ri Nimalej Bix 5:1

Wajowanel yin, xkinapon k'a awik'in, richin yinach'uch'urisaj rat, ri at achi'el nuqejoj; richin xtinseq ri mirra y ri jubulej taq awaq'om ri niwachin chiri'; richin xtintej ri kab, y richin xtinqum k'a ri vino y ri leche ri ek'o chiri'. ¡Rix qachibil, qojwa-qojuk'ya', qojqumun janipe' ri niqajo'!

Wuj Richin ri Isaías 35:2

Kan chi'anin xtikotz'ijan achi'el nuben ri lirio. Kan xtikikot k'a y chiri' xtak'axatej-wi bix richin kikoten. Ri Dios kan xtuben janila jebel ok chire achi'el ri juyu' Líbano. Kan janila k'a xtiwachin achi'el ri juyu' Carmelo y ri taq'aj richin Sarón. Konojel xtikitz'et ri ruk'ojlen ri Jehová, y ri runimirinen ri qa-Dios.

Wuj Richin ri Isaías 55:7

Ri winaqi' ri janila e itzel kan tikiya' kan ri itzel taq kibanobal; chuqa' ri kamisanela' kan tikiya' kan ri itzel kich'obonik. Kan titzolej k'a pe kik'u'x wik'in yin Jehová, y yin kan xtinjoyowaj kiwech y ninkuy ri kimak.

Wuj Richin ri Jeremías 32:17

¡Wajaw Jehová!, rik'in ri nimalej awuchuq'a' xaben ri kaj y ri ruwach'ulew y kan man jun k'ayew chawech rat.

Wuj Richin ri Jeremías 32:27

Ja yin Jehová, Dios kichin konojel ri k'o kik'aslen ri ek'o chuwech re ruwach'ulew. Chinuwech yin kan man jun k'ayew.

Dn 3:17

roma kan qetaman k'a chi ri Dios ri niqasamajij roj, kan nitikir yojrukol chuwech ri q'aq' ri', y chuqa' nitikir yojrukol pan aq'a' rat rey.

Dn 6:20

Xjel k'a apo chuchi' ri jul y rik'in bis xroyoj-qa ri Daniel. Y xubij-qa: Daniel, ri at rusamajel ri k'aslik Dios, ri Dios ri jantape' nasamajij, ¿kan xtikir kami xaruto' chikiwech ri koj?, xcha-qa.

San Mateo 3:9

Man k'a tich'ob-qa rix chi kan xaxe roma ix riy-rumam kan ri Abraham, xkixkolotej. Roma kan ta ri Dios nrajo' xa kan nuben ta chuqa' chike re abej re' chi ye'ok rijatzul ri Abraham.

San Juan 10:10

Jun eleq'om, toq napon, kan xaxe k'a richin niberubana-pe eleq', nikamisan kan y nuwulaj kan ronojel. Jak'a yin xipe richin nonya' jun utzilej k'aslen richin q'asen chike ri winaqi' ri yinkak'axaj.

Romanos 16:25

Tiya' k'a ruq'ij ri Dios, roma xaxe rija' ri nitikir nibanon chiwe chi más nikuquba' ik'u'x rik'in. Keri' nubij ri utzilej ch'abel richin kolotajik, ri ruch'abel ri Jesucristo ri nintzijoj yin. Re ch'abel re' man kan ta q'alajirisan-pe roma ri Dios, xa k'a ja re q'ij re' ri xuq'alajirisaj jebel.

Romanos 4:21

Rija' kan jebel wi chik retaman chi ri Dios ri janila uchuq'a' rik'in, kan xtuben-wi ri rubin.

1 Corintios 2:9

Kan achi'el ri tz'ibatel kan toq nubij:*f5* Man jun k'a tz'eteyon, ni ak'axayon ri xtibanatej. Man jun ch'oboyon ta juba' pa ruwi' ri xtuya' ri Dios chike ri ye'ajowan richin, nicha'.

2 Corintios 9:8

Wi keri', kan janila k'a k'iy ri utzil ri xtik'ul pa ruq'a' ri Dios ri janila uchuq'a' k'o rik'in, richin nuya' k'iy chiwe. Keri' kan jantape' k'o ri nikusaj y k'o chuqa' richin ye'itobej ri ch'aqa' chik, richin ye'ibanala' utzilej taq banobel.

Efesios 1:19

Yich'on rik'in pan iwi' roma ninwajo' chi rix chuqa' xtiq'ax ta chiwech chi kan janila nim ri ruchuq'a' ri Dios ri k'o qik'in roj ri qakuquban qak'u'x rik'in. Y ri uchuq'a' ri' junan rik'in ri uchuq'a' ri xukusaj,

Efesios 3:7

Y roma ri rutzil ri Dios toq yin nintzijoj ri utzilej ch'abel richin kolotajik. Y rija' kan rik'in ruchuq'a' xsamej pa wánima toq xiruya' chupan re samaj re'.

Colosenses 1:29

Roma ri' yisamej janila y ninkusaj ri nimalej uchuq'a' ri ruya'on ri Cristo chuwe.

1 Timoteo 1:14

Jak'a ri Dios janila nim rutzil xuya' pa nuwi'. Roma xuben chuwe chi xinkuquba' nuk'u'x rik'in ri Jesucristo y xuya' chuqa' ajowabel pa wánima.

Hebreos 11:19

Ri Abraham kan retaman k'a chi ri Dios k'o uchuq'a' rik'in richin nuk'asoj-pe ri ruk'ajol stape' chikikojol chik ri kaminaqi'. Roma ri' kan xuk'ul chik ri ruk'ajol y keri' ri banobel ri' k'o ri xuk'exewachuj.

Hebreos 7:25

Y roma ri' rija' kan jantape' k'a nitikir yerukol ri yejel-apo rik'in ri Dios pa rubi' rija'. Roma rija' kan man kamel ta, y roma ri' beneq-ruwech nuk'utuj rutzil ri Dios pa kiwi'.

Santiago 4:12

Xaxe ri Dios ri niya'on ri pixa', y xaxe rija' ri niq'aton-tzij pa ruwi'. Y xaxe rija' nitikir yojkolon, y xaxe chuqa' rija' ri nitikir yojtaqon pa q'aq'. Y rat, ¿achike roma toq nabij chi ri jun chik man utz ta rubanon ri ruk'aslen chuwech ri Dios?

2 Pedro 1:11

Wi keri' niben, kan xkixk'ul k'a chila' chikaj, ri akuchi ri kan ja ri qajaw y qakolonel Jesucristo ri q'atoy-tzij, y ri rajawaren rija' kan man k'isel ta.

Judas 1:24

Kan xaxe chire ri Dios ri qakolonel, ri nitikir yojruchajij richin man yojtzaq ta pa mak y nitikir nuben chiqe chi yojapon chila' chikaj rik'in ch'ajch'ojil y man jun qamak chuwech ri nimalej rajawaren,