Efesios 3:2 - Kaqchiquel Bible

² Yin ninbij chi rix iwak'axan, chi ri Dios, ruya'on re samaj re' chuwe richin xinok taqon roma ri Cristo richin yixinto' rix.

နောက်ထပ်ဗားရှင်းများ

Kaqchikel Santo Domingo (Xenacoj)

² Y riyin ninaꞌ pa wánima chi rix iwakꞌaxan chi ri Dios pa nuqꞌaꞌ ruyoꞌon chi nitzijoj ri utzulej rutzij chiwa, chin ndiwil ri favor nduyaꞌ.

Kaqchikel Santa Maria de Jesus

² Y inreꞌ niꞌej chi ixreꞌ ivaxan chi ri Dios ruyoꞌn ri samaj reꞌ chuva, chi nitzijuoj chiva ri favor ri ruyoꞌn chiva ixreꞌ.

Kaqchikel Central Guatemala

² Y yin ninbij chi rix ivac'axan chi ri Dios ruyo'on re samaj re' chuve, richin chi nink'alajirisaj ri rutzil chive.

Re C'ac'a Testamento pa Kach'abal

² Y yen nimbij che yex ic'axan che ja re Dios ya'yon re samaj re' chua, chin che nintzijoj chiva re utzil re pitinak riq'uin reja'.

Kaqchikel Western Solola

² Y riyin nbij chi riyix iwac'axan chi ri Dios ruya'on re samaj re' chuwe, riche (rixin) chi nk'alajsaj ri utzil ri ruya'on chiwe riyix.

Efesios 3:2 ပူးပေါင်းရင်းမြစ်များ

1 Timoteo 1:11

y ri utzilej ch'abel richin kolotajik ri ruya'on ri Loq'olej Dios ri k'o ruq'ij-ruk'ojlen ri rubin chuwe yin richin nintzijoj.

2 Timoteo 1:11

Ri Dios xirucha' yin richin ninch'abalij re rutzijol re', xinok taqon roma ri Cristo y jun tijonel richin ri utzilej ch'abel ri'.

Romanos 1:5

Ri Jesucristo xuya' rutzil pa nuwi', richin chi xinok taqon roma rija', chi pa rubi' nintzijoj ri ruch'abel pa taq ronojel ruwach'ulew, richin ri winaqi' xtikikuquba' ta kik'u'x rik'in y xtikinimaj ta chuqa' rutzij.

Efesios 4:7

Roma chiqe chiqajujunal k'o k'a jun sipanik ri ya'on-pe roma ri Cristo achi'el ri xrajo' rija'.

1 Corintios 4:1

Roma ri' rix nik'atzin k'a chi yojitzu' chi kan oj rusamajela-wi ri Cristo. Y ruya'on pa qaq'a' chi jebel ruq'alajirisaxik niqaben chire ri ruch'obonik ri Dios ri k'a juba' tuq'alajirisaj.

Efesios 1:10

Rija' ruch'obon-pe chi chupan re ruk'isibel taq q'ij xtuya' ronojel pa ruq'a' ri Cristo: Ronojel ri k'o chila' chikaj y ronojel ri k'o wawe' chuwech re ruwach'ulew xa jun xtikiben pa ruq'a'.

Gálatas 1:13

Y rix iwak'axan ri achike xenbanala' ri ojer kan, toq k'a nutzeqeliben na ri Dios rik'in ri nubij ri pixa'. Kan rik'in k'a ronojel wetzelal xinchop kikanoxik ri molaj qach'alal, y xinwajo' k'a chi xek'is ta.

Hechos 22:21

Jak'a ri ajaw Jesucristo xubij chuwe: Kabiyin k'a, roma kan yatinteq k'a el pa taq tinamit ri nej ek'o-wi, richin nabetzijoj ri nuch'abel chike ri winaqi' ri xa man e judío ta, xcha' chuwe, xubij ri Pablo chike ri ruwinaq.

Hechos 13:46

Ri Pablo y ri Bernabé man k'a xkixibij ta ki' chikiwech richin xech'on kik'in y xkibij: Kan nik'atzin k'a chi nabey na chiwech rix ri qawinaq noqabij-wi ri ruch'abel ri Dios, jak'a rix xa man niqa' ta chiwech. Rik'in ri' kan niq'alajin k'a chi man ruk'amon ta chiwe rix ri k'aslen ri man k'isel ta. Roma ri' kik'in ri winaqi' ri man e judío ta ri yojbe-wi.

Hechos 13:2

Jun q'ij, rokik nikiya' ruq'ij ri Dios y yemewayin, ri Loq'olej Espíritu xubij k'a chike: Ri Bernabé y ri Saulo kan k'o jun kisamaj nuchojmirisan chik yin. Roma ri' ke'ich'ara' kan richin ri samaj ri', xcha'.

Hechos 9:15

Y ri ajaw xubij chire: Tabekanoj k'a ri Saulo, roma ja yin ri xicha'on richin, richin nibe chuq'alajirisaxik ri nubi' chikiwech ri winaqi' ri xa man e judío ta, chuwech ri ki-rey, y chuqa' ri winaqi' judío.

1 Timoteo 2:7

Y yin xirucha' ri Dios richin xinok jun taqon roma ri Cristo y richin xinchop rutzijoxik ri qitzij ruch'abel rija' chike ri winaqi' ri man e judío ta y richin chi yentijoj chire ri kuqubabel-k'u'x rik'in ri Cristo. Ri ninbij kan qitzij, y man nintz'uk ta.

1 Timoteo 1:4

Chuqa' man tikiya' rejqalen ri tzij ri xa choj e tz'ukun-pe. Ni man tikinimirisaj-ki' roma ri rucholajen ri kibi' ri kati't-kimama', roma ronojel re' xa nuk'en-pe oyowal. Y man nuto' ta ri rubin kan ri Dios, ri rik'in kuqubabel-k'u'x niqanimaj.

Colosenses 1:6

Ri ch'abel ri' ruchapon nutaluj-ri' chuwech chijun ruwach'ulew, y e k'iy k'a winaqi' ri nikikuquba' kik'u'x rik'in ri Cristo, achi'el banatajineq-pe iwik'in rix kan ja toq iwak'axan-pe ri ch'abel ri' y xq'ax chiwech.

Colosenses 1:4

Niqamatioxij roma qak'axan chi kan kuqul-wi-ik'u'x rik'in ri Cristo Jesús y ye'iwajo' konojel qach'alal.

Efesios 4:21

roma ix tijon rik'in ri tijonik ri richin rija'. Kan ik'ulun-wi k'a ri tijonik ri ya'on roma rija', ri kan qitzij wi.

Efesios 3:8

Xa ja yin ri man kan ta más wejqalen chikiwech konojel qach'alal. Man rik'in ri' ri Dios xuya' ri rutzil chuwe richin nintzijoj ri rutzil ri Cristo chiwe rix ri man ix judío ta. Y ri utzil ri' kan janila nim, y man tikirel ta niq'ax chiqawech.

Romanos 12:3

Ri Dios xuya' re jun samaj re' chuwe. Roma ri' ninbij chiwe chi'iwonojel: Man tiqana-qi' chi más yojtikir roj chuwech ri ruchilaben ri Dios chiqe. Kan nik'atzin chi niqaya' qejqalen chiqajujunal, achi'el ri jalajoj ruwech sipanik ri ruya'on chiqe, junan rik'in ri qakuqubabel-k'u'x rik'in rija'.

Romanos 11:13

Y k'o k'a chuqa' ri ninwajo' ninbij chiwe rix ri man ix judío ta: Yin in jun taqon-pe roma ri Cristo chiwe rix, y kan ninya-wi k'a ruq'ij ri nusamaj.

Efesios 3:7

Y roma ri rutzil ri Dios toq yin nintzijoj ri utzilej ch'abel richin kolotajik. Y rija' kan rik'in ruchuq'a' xsamej pa wánima toq xiruya' chupan re samaj re'.

Efesios 3:9

Kan xiruya' k'a chupan ri rusamaj richin ninq'alajirisaj chiwech rix ri ruch'obon-pe ri Dios chi nuben. Toq ri Dios man jani tuben re ruwach'ulew y ronojel ri ek'o, kan ja yan ri' toq xuch'ob ri achike nuben. Janila k'a k'iy q'ij ewatel-pe rik'in rija', jak'a xa k'a juba' tuq'alajirisaj.