Efesios 2:14 - Kaqchiquel Bible

¹⁴ Ri Cristo xuya' uxlanibel-k'u'x chiqakojol, y xuben chiqe chi xa jun tinamit xqaben iwik'in rix ri man ix judío ta. Toq xken, xuwulaj ri etzelanik ri achi'el jun tz'aq rubanon chiqakojol.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁴ Ja chuqaꞌ rijaꞌ xbꞌanun chi xkꞌojeꞌ uxlanen chiqakajal roj israelitas iwikꞌin rix ma israelitas ta, y xe jun tinamit xubꞌen chaqe porque rikꞌin ri rukamik cho cruz xrelesaj e chiqakajal ri oyowal ri jachayon qawech.

Kaqchikel Santa Maria de Jesus

¹⁴ Ri Cristo xuyaꞌ paz chikacajol iviqꞌuin ixreꞌ ri man ix israelitas ta y xa jun tanamet xuꞌon chika, ruma xuvulij ri cꞌo chikacajol.

Kaqchikel Central Guatemala

¹⁴ Y roj ri kaniman ri Cristo, junan chic kavech riq'uin ri Dios. Rija' xuben chike chi jun xkaben iviq'uin rix ri man ix israelitas ta, roma xrelesaj ri c'o chikacojol.

Re C'ac'a Testamento pa Kach'abal

¹⁴ Y yoj re kaniman re Jesucristo, junan chic kavach riq'uin re Dios. Reja' xuban chaka che xa jun xkaban iviq'uin yex re man yix israelitas-ta, roma xulisaj re etzelal re c'o chakacojol.

Kaqchikel Western Solola

¹⁴ Ri Cristo xuya' uxlanibel c'u'x chkacojol riyoj israelitas iwuq'ui riyix ri ma yix israelitas ta y xa jun tinamit xuben chake, ruma ri Cristo xuwulaj ri c'o chkacojol.

Efesios 2:14 ပူးပေါင်းရင်းမြစ်များ

Gálatas 3:28

Junan k'a rubanik richin xa jun xqaben rik'in ri Cristo, stape' judío, o man judío ta, stape' ximil pa samaj, o totajineq, stape' achin o ixoq.

Colosenses 3:11

Y roma k'o ri k'ak'a' qak'aslen, man jun nuben chiqe wi oj judío o man oj judío ta, wi k'o qetal o maneq, wi k'o juba' qaq'ij o maneq, wi oj ximon pa samaj o oj totajineq chik. Roma xaxe ri Cristo ri k'o rejqalen y k'o pa ruwi' ronojel.

Colosenses 3:15

Ri uxlanen richin ri Cristo ja ta ri' ri nik'oje' pa taq qánima, roma kan oj richin ri chak'ulaj richin rija' y xojoyox richin yojk'ase' rik'in uxlanibel-k'u'x. Nik'atzin k'a chuqa' chi jantape' qojmatioxin.

Efesios 2:15

Rik'in ri rukamik xuyoj ri qapixa', richin chi stape' ka'i' tinamit xa jun xuben chiqe. Y re wakami junan chik qawech y xa jun chik qabanon rik'in ri Cristo.

Colosenses 1:20

chuqa' kan rurayibel wi ri Dios, chi xjunamatej kiwech rik'in rija' ronojel ri ek'o chuwech re ruwach'ulew y ri ek'o chila' chikaj. Y chi xk'oje' uxlanibel-k'u'x chiqakojol roj y rija' roma ri rukamik ri ruk'ajol chuwech ri cruz.

Colosenses 2:20

Rix kan achi'el xixken rik'in ri Cristo toq rija' xken, y roma ri' ix kaminaqi' chik chuwech ri tijonik ri e richin re ruwach'ulew ri xa man e qitzij ta. Wi keri' ibanon, ¿achike roma k'a ninimaj kitzij, achi'el xa ta k'a ix richin na re ruwach'ulew?

Romanos 5:1

Kan man jun wi k'a qamak yojk'ulun chuwech ri Dios roma ri kuqubabel-k'u'x. Y roma ri' toq junan chik qawech rik'in ri Dios roma ri qajaw Jesucristo.

Hechos 10:36

Chiqakojol k'a roj judío xorutzijoj-wi-qa chi nuteq pe ri Jesucristo wawe' chuwech re ruwach'ulew, y rija' ri qajaw qonojel roj winaqi'. Y re ch'abel re' xoruya-qa kolotajik y uxlanen pa taq qánima.

Hechos 10:28

Rija' xubij k'a chike ri winaqi' ri': Rix kan jebel wi iwetaman chi roj judío man k'a ya'on ta q'ij chiqe chi junan qawech iwik'in y yojok ta pa taq iwachoch rix ri xa man ix judío ta. Jak'a ri Dios xuk'ut k'a chinuwech chi man ruk'amon ta chi ninbij chire jun wineq, xa roma man judío ta, chi man ch'ajch'oj ta.

Hebreos 13:20

Ri Dios, ri niya'on uxlanen pa taq qánima, ri xk'ason-pe ri nimalej Yuq'unel ri qajaw Jesús; ri Jesús ri xken y xbiyin ri rukik'el richin xk'achoj ri jikibel-tzij richin jantape',

San Lucas 2:14

¡Nim ruq'ij-ruk'ojlen ri Dios ri k'o chila' chikaj! ¡Re wawe' chuwech re ruwach'ulew k'o ta uxlanen kik'in ri winaqi' ri junan kiwech rik'in ri Dios!, yecha'.

San Juan 10:16

Y yin man xaxe ta k'a q'ataj nukarne'l re' ri ek'o, xa kan ek'o k'a chuqa' ch'aqa' chik ri man jani ek'o ta wawe' chupan re jun qejoj re'. Kan xkenk'en k'a pe richin xtikak'axaj chuqa' ri nuch'abel. Chupan ri q'ij ri' xaxe yin ri xkinok kiyuq'unel, y xtik'oje' xaxe jun q'ataj nukarne'l.

San Lucas 1:79

Rija' nosaqirisaj kik'aslen ri ek'o pa q'equ'm y ri ek'o pa rumujal ri kamik. Xqojruyuqej k'a chupan ri bey richin uxlanen, xcha' ri Zacarías.

Wuj Richin ri Miqueas 5:5

Ja rija' k'a xtik'amo-pe uxlanibel-k'u'x chupan ri q'ij ri'. Toq ri aj-Asiria xke'ok-pe chupan ri qaruwach'ulew richin xkekich'ek ri qawinaq, y xke'ok chupan ri jay richin q'atbel-tzij, jari' toq roj kan xkeqateq k'a chikij ri aj-Asiria e k'iy aj-raqen.

Hebreos 7:2

Y ri Abraham kan xuya' k'a chire ri Melquisedec, ri jun chire ri lajuj chire ronojel ri relesan-pe chuwi-kiq'a' ri rey ri xeruch'ek kan. Ri bi'aj Melquisedec nel chi tzij Rey Richin ri chojmilal. Ri ch'abel Salem nel chi tzij Uxlanibel-k'u'x, romari' rija' rubini'an chuqa' Rey Richin Uxlanibel-k'u'x.

Efesios 4:16

Roma ja ri Cristo niyuqen qichin, roma ri' qonojel junan yojsamej, xa kan achi'el nuben ri ruch'akul jun wineq toq ronojel ruq'a' raqen e utz y nikitola-ki'. Toq niqaben rik'in ajowabel ri samaj ri ya'on chiqe chiqajujunal, kan yojk'iy chupan ri qak'aslen rik'in ri Dios.

Efesios 3:15

Y qonojel roj ri ojk'o chuwech re ruwach'ulew y ri aj-chikajil kan xqak'ul yan ri qitzij k'aslen roma rija'.

San Juan 16:33

Ronojel k'a re', kan ninq'alajirisaj yan kan chiwe, richin chi kan k'o ta k'a ri uxlanen pa taq iwánima roma rix itunun chik iwi' wik'in. Y ninbij k'a chuqa' kan chiwe, chi kan xtiwil-wi tijoj-poqonal. Jak'a yin xich'akon yan chirij ri Itzel-Wineq ri chapayon richin re ruwach'ulew. Roma ri' kan tikuquba' ik'u'x iwik'in, xcha'.

San Juan 11:52

Y ri Jesús kan man xaxe ta k'a pa kik'exel ri winaqi' richin ri ruwach'ulew ri' toq xtiken, xa kan xtiken k'a richin yerumol konojel ri winaqi' ri kan e ralk'ual wi ri Dios ri e talutajineq chuwech re ruwach'ulew.

Wuj Richin ri Zacarías 6:13

Ja rija' ri xtipaban k'a ri wachoch y kan xtik'oje' k'a janila ruk'ojlemal. Kan xtitz'uye' k'a pa ruch'akat richin xtuq'et-tzij pa ruchojmilal. Chuqa' kan xtuben ri rusamaj ri sacerdote, y kan xtik'oje' k'a uxlanibel-k'u'x chikikojol.

Ester 3:8

Xeri' ri Amán xubij chire ri rey Asuero: Chupan ri awajawaren rat, ek'o jun tzobaj winaqi' ri e talutajineq ri man junan ta kich'obonik qik'in. Y ri pixa' ri kitzeqeliben kan jun wi chik, y man nikitaqej ta ri apixa' rat. Yin ninch'ob chi kan man ruk'amon ta chawe rat chi ri winaqi' ri' e k'es.

Efesios 2:17

Toq xpe ri Cristo, xoruya' ri utzilej rutzijol ri uxlanibel-k'u'x chike ri winaqi'.*f2* Xubij re' chiwe rix ri k'a nej ixk'o-wi chire ri Dios, y xubij chuqa' chiqe roj ri kan naqaj ojk'o chire rija'.