Efesios 2:13 - Kaqchiquel Bible

¹³ Ri ojer kan rix nej ixk'o-wi chire. Jak'a re wakami rix ri ikuquban ik'u'x rik'in ri Cristo Jesús, xixya'ox naqaj rik'in. Y re' xbanatej roma xken iwoma rix.

နောက်ထပ်ဗားရှင်းများ

Kaqchikel Santo Domingo (Xenacoj)

¹³ Nej rixkꞌo chuwech ri Dios, pero wokami xe jun ibꞌanun rikꞌin ri Cristo Jesús y romariꞌ naqaj rixkꞌo rikꞌin ri Dios porque xbꞌiyin rukikꞌel ri Cristo cho cruz.

Kaqchikel Santa Maria de Jesus

¹³ Ri rubꞌanun-pa, naj ixcꞌo-ve choch ri Dios. Pero vacame iniman chic ri Cristo Jesús, rumareꞌ cierca chic ixcꞌo-ve-pa riqꞌuin ri Dios. Cierca chic ixcꞌo-ve-pa riqꞌuin, ruma ri Cristo kuma konojiel ojreꞌ xcon y xꞌin ruquiqꞌuiel.

Kaqchikel Central Guatemala

¹³ Tok rubanon can, nej c'a ixc'o-vi chire ri Dios. Jac'a re vacami iniman chic ri Cristo Jesús, y romari' xixjel yan apo riq'uin ri Dios. Xixtiquir xixjel-apo riq'uin, roma ri Cristo koma konojel tok xquen (xcom) y xbiyin ruquiq'uel.

Re C'ac'a Testamento pa Kach'abal

¹³ Tak rubanon can, c'ac'anaj c'a yixc'o-va cha re Dios. Jac'a vocame iniman chic re Jesucristo, y mare' xixjelon-yan-apo riq'uin re Dios. Xixtiquir xixjelon-apo riq'uin, roma re Jesucristo koma konojel tak xcom y xbiyin ruq'uiq'uel cho cruz.

Kaqchikel Western Solola

¹³ Tek rubanon ca, nej c'a yixc'o wi chare ri Dios. Yac'a re wacami xa jun chic ibanon riq'ui ri Cristo Jesús, y rumari' xixjel yan apo riq'ui ri Dios. Xixcowin xixjel apo riq'ui ruma ri ruquiq'uel ri Cristo ri xbiyin kuma konojel tek xcamisex.

Efesios 2:13 ပူးပေါင်းရင်းမြစ်များ

Hechos 2:39

Roma jare' ri rusujun ri Dios, man xaxe ta chiwe rix, ni chike ri iwalk'ual, xa kan chike k'a konojel winaqi' ri ek'o nej-naqaj; roma konojel k'a re' e oyon roma ri qajaw Dios, xcha' ri Pedro.

Wuj Richin ri Isaías 57:19

Kan xtinben chike chi xketze'en. Kan xtinya' uxlanen kik'in ri ek'o nej; chuqa' kan xtinya' uxlanen kik'in ri ek'o naqaj. Y kan xtinwaq'omaj ri nutinamit. Yin Jehová ri yibin.

1 Corintios 6:11

Y ri rubanon kan, keri' ri ik'aslen rix. Jak'a re wakami ch'ajch'oj chik ri iwánima, ix ch'aron chik richin ri Dios, y man jun chik imak yixk'ulun chuwech rija' roma ri samaj ri xuben ri ajaw Jesús y ri Loq'olej Espíritu.

Wuj Richin ri Isaías 43:6

Y chike ri winaqi' ri ek'o pa xaman xtinbij chi kekijacha-pe konojel ri nuwinaq, y chike ri ek'o pa xokon xtinbij chi man kekiq'et-qa. Jak'a kan kebekik'ama-pe ri nuk'ajol, y ri numi'al ri ek'o k'a janila nej chire ri ruwach'ulew.

Apocalipsis 5:9

Y ri achi'a' ri' k'o jun k'ak'a' bix nikibixaj chire ri Karne'l. Y ri bix ri' nubij: Rat kan ruk'amon-wi richin xabek'ama-pe ri wuj, kan ruk'amon-wi chi ja rat yatelesan ri e tz'apeben-wi kan; roma rat kan xakamisex, kan rik'in ri akik'el xojakol qonojel richin xojok richin ri Dios. Xojakol stape' oj richin jalajoj ijatzul, ch'abel, tinamit y ri ruwach'ulew.

Hechos 26:18

Yatinteq k'a el kik'in, richin chi rije' nijaqatej ri runaq' taq kiwech, y ye'el-pe chupan ri q'equ'm y yek'oje' chupan ri saqil, ye'el k'a chuqa-pe chuxe' ri rutzij ri Satanás y ye'ok chuxe' rutzij ri Dios, y roma xkikuquba' kik'u'x wik'in, nikik'ul ri kuyubel kimak, y ri Dios k'o xtuya' chike richin nikichinaj, e kachibilan ri ch'aqa' ri ch'ajch'oj chik ri kik'aslen y e richin ri Dios, xcha' ri Jesús chuwe.

Efesios 2:12

Toqaqa chi'ik'u'x chi chupan ri ruq'ijul ri' rix ich'aron-iwi' rik'in ri Cristo. Man ix qawinaq ta y maneq iq'a' chike ri jikibel-tzij ri epeteneq rik'in ri rusujun-pe ri Dios. Man jun oyonbenri'il iwik'in y maneq Dios chiwech ri ixk'es chuwech re ruwach'ulew.

Efesios 1:7

Ri ruk'ajol xken qoma roj y xbiyin rukik'el richin xojrukol roj chuwech ri mak. Y roma ri' xukuy ri qamak. ¡Jebel k'a niq'alajin ri nimalej rutzil ri Dios

Gálatas 3:28

Junan k'a rubanik richin xa jun xqaben rik'in ri Cristo, stape' judío, o man judío ta, stape' ximil pa samaj, o totajineq, stape' achin o ixoq.

2 Corintios 5:17

Kan xabachike k'a wineq ri rukuquban chik ruk'u'x rik'in ri Cristo, kan xok yan jun k'ak'a' wineq. Ronojel ri richin ojer xa xekanej yan kan, y wakami ronojel chik k'ak'a'.

Wuj Richin ri Isaías 66:19

Y re' jun retal chike rije'. Y k'ari' kan xkenteq jujun chike ri man xeken ta kik'in ri ch'aqa' chik winaqi' richin ri ruwach'ulew. Kan xkenteq k'a el pa ruwach'ulew Tarsis, Fut, Libia, Lidia, ri akuchi yetikir nikikusaj ri ch'ab; chiri' pa Tubal, Grecia y ri ch'aqa' chik ruwach'ulew ri ek'o nej chuchi' ri palou, ri man jun bey kak'axan ri nubi' yin, ni man jun bey kitz'eton ri nuk'ojlemal richin chi nikiq'alajirisaj ri ruwaq'ijaj ri k'o wik'in. Y ri taqonela' ri' xkebe richin xtikiq'alajirisaj ronojel re'.

Wuj Richin Bix Chire ri Dios 22:7

Konojel k'a ri yetz'eton wichin, kan yetze'en chuwij; Nikiyumumula' kichi', nikisilola' ri kijolon y nikibij:

1 Pedro 3:18

Roma ri Cristo xutej chuqa' poqon xaxe jun bey roma ri mak.stape' ri ruk'aslen rija' kan choj wi, jak'a kan xken pa ruk'exel ri itzel ruk'aslen. Y rik'in ri' yojruk'uaj chuwech ri Dios. Stape' rija' xken rik'in ri ruch'akul richin wineq, jak'a kan xk'astej rik'in ri espíritu.

Hebreos 9:18

Y keri' chuqa' xban rik'in ri nabey jikibel-tzij; kan k'o chi xeken na ri chikopi' y xbiyin na kikik'el.

1 Corintios 1:30

Jak'a xuben chiqe roj chi jun qabanon rik'in ri Cristo Jesús. Ri na'oj richin ri Dios xpe qik'in roj roma ri Cristo. Chuqa' xuben chi roma rija' man jun qamak yojk'ulun chuwech, oj ch'aron chik richin rija' y oj kolotajineq chik.

Wuj Richin ri Jeremías 16:19

Xinbij chire ri Jehová: Ja rat ri yaya'on wuchuq'a' jantape' y at to'oy wichin. Ja rat ri at nutobal toq k'o ruk'ayewal. Kan awik'in k'a rat xkepe-wi konojel tzobaj taq winaqi' richin re ruwach'ulew y xtikibij chawe: Ri qati't-qamama' xekisamajij ri dios ri man e qitzij ta ri man jun yetikir nikiben.

Romanos 8:1

Wakami k'a kan man xtiqaqa ta ri nimalej ruk'ayewal pa qawi', roj ri jun chik qabanon rik'in ri Cristo Jesús.

Hechos 22:21

Jak'a ri ajaw Jesucristo xubij chuwe: Kabiyin k'a, roma kan yatinteq k'a el pa taq tinamit ri nej ek'o-wi, richin nabetzijoj ri nuch'abel chike ri winaqi' ri xa man e judío ta, xcha' chuwe, xubij ri Pablo chike ri ruwinaq.

Hechos 15:14

Ri Simón Pedro k'ari' nutzijoj-qa chiqe chi ri Dios kan xuya' yan rutzil pa kiwi' ri winaqi' ri xa man e judío ta. Kan xerucha' k'a jujun richin chi xe'ok rutinamit ri kan yeya'o-wi ruq'ij.

Wuj Richin ri Isaías 60:9

Ja ri barco ri e peteneq roma ja yin xinoyon kichin. Pa nabey e peteneq ri barco richin Tarsis, y e ruk'amon-pe ri iwinaq ri yepe nej. Kik'amon-pe q'anapueq y saqipueq richin nokiya' chuwe yin Jehová ri i-Dios, roma yin ri in loq'olej ri ink'o pan iwi' ri xtinimirisan iq'ij.

Wuj Richin ri Isaías 60:4

K'ulan k'a xkixtzu'un y xke'itz'et konojel ri xtibekimolo-ki' iwik'in. Xkepe k'a ri iwinaq stape' janila nej ek'o-wi, y kan xkech'elex k'a pe koma ri man e iwinaq ta.

Wuj Richin ri Isaías 49:12

Konojel k'a rije' xkepe nej. Jujun chike rije' xkepe pa xaman, y ch'aqa' chik xkepe pa xokon. Chuqa' ch'aqa' chik xkepe k'a pa qajbel-q'ij, y ch'aqa' chik xkepe pa ruwach'ulew Sinim.

Wuj Richin ri Isaías 11:10

Toq ri rijatzul kan ri Isaí xtipe, re' jare' jun retal kichin ri tinamit richin xtitzolin-pe kik'u'x rik'in. Y ri akuchi xtik'oje-wi, kan janila nim ruq'ij-ruk'ojlen.

Wuj Richin Bix Chire ri Dios 73:27

Ri at kimalin kan xa kan xkeken k'a; rat xtaben chi xkek'is-el konojel ri nikich'er kan ki' awik'in.

San Juan 10:16

Y yin man xaxe ta k'a q'ataj nukarne'l re' ri ek'o, xa kan ek'o k'a chuqa' ch'aqa' chik ri man jani ek'o ta wawe' chupan re jun qejoj re'. Kan xkenk'en k'a pe richin xtikak'axaj chuqa' ri nuch'abel. Chupan ri q'ij ri' xaxe yin ri xkinok kiyuq'unel, y xtik'oje' xaxe jun q'ataj nukarne'l.

1 Corintios 12:13

Roma toq xqasex ya' pa qawi', xojok ruch'akul rija'. Chuqa' kan qonojel xok ri Loq'olej Espíritu pa taq qak'aslen. Jun k'a xuben chiqe. Keri' xqaben qonojel, chi judío y chi man judío ta; ri man e totajineq ta y ri e totajineq chik.

Efesios 1:1

Yin Pablo, in jun taqon roma ri Jesucristo roma jari' ri rurayibel ri Dios. Y ninben k'a el re wuj re' chiwe rix wach'alal, ri ixk'o pa tinamit Éfeso; rix ri kan kuqul-wi-ik'u'x rik'in ri Cristo Jesús.

Efesios 2:2

ri xixk'oje' chupan toq xisamajij ri rajaw ri ajawaren ri k'o pa kaq'iq'. Re' ja re' ri espíritu ri k'o pa kánima ri kan man nikinimaj ta rutzij ri Dios.

Efesios 2:6

Y roma ri Dios xuk'asoj ri Cristo chikikojol ri kaminaqi', keri' chuqa' xuben qik'in roj; xojruk'asoj y xuben chiqe chi xojtz'uye' chila' chikaj rik'in ri Cristo Jesús richin niqaq'et-tzij.

Efesios 2:10

Ja ri Dios xbanon qichin roj, y xuben chiqe chi junan qawech rik'in ri Cristo, richin niqaben banobel ri kan e utz, roma jari' ri runaban-pe chiqe ojer yan ri' richin niqaben.