Efesios 2:12 - Kaqchiquel Bible

¹² Toqaqa chi'ik'u'x chi chupan ri ruq'ijul ri' rix ich'aron-iwi' rik'in ri Cristo. Man ix qawinaq ta y maneq iq'a' chike ri jikibel-tzij ri epeteneq rik'in ri rusujun-pe ri Dios. Man jun oyonbenri'il iwik'in y maneq Dios chiwech ri ixk'es chuwech re ruwach'ulew.

နောက်ထပ်ဗားရှင်းများ

Kaqchikel Santo Domingo (Xenacoj)

¹² Rubꞌanun kan chuqaꞌ, rix maneq ri Cristo pa iwánima, ma rix richin ta ri tinamit Israel, ma jun iqꞌaꞌ chare ri rusujun ri Dios chupan ri pactos erubꞌanun kikꞌin ri israelitas. Xetal rixkꞌo chochꞌulew, y maneq ri Dios pa ikꞌaslen, y ma jun iwoyobꞌen chi nduyaꞌ chiwa.

Kaqchikel Santa Maria de Jesus

¹² Ruma chupan ri tiempo reꞌ majaꞌ cꞌo ri Cristo iviqꞌuin. Cꞌa naj ixcꞌo-ve chi nquixuoc rutanamit ri Dios. Can man ivichin ta ixreꞌ ri ranun prometer ri Dios chupan ri ru-pacto chi nuyaꞌ. Man jun esperanza ivichin vaveꞌ ri choch-ulief, ni manak jeꞌ ri Dios iviqꞌuin.

Kaqchikel Central Guatemala

¹² Man timestaj chi chupan ri tiempo ri' man jani c'o ta ri Cristo iviq'uin. C'a nej na ixc'o-vi richin chi yixoc ta rutinamit ri Dios. Man jani ivichin ta rix ri utzil ri rusujun ri Dios chupan ri trato ri xuben. Man jun utzil ivoyoben ri ixc'o chuvech re ruvach'ulef, ni manek chuka' Dios iviq'uin.

Re C'ac'a Testamento pa Kach'abal

¹² Man timistaj che chupan re tiempo can re' tak c'amaje-na tinimaj re Jesucristo, yex man itaman-ta anchique re' re Cristo, xa c'ac'anaj c'a yixc'o-va chin che yixoc-ta rutenemit re Dios. C'amaje-na toc ivichin yex re utzil re rusujun re Dios chupan re trato re xuban quiq'uin re kavinak yoj re yoj israelitas re xe'c'ue' ajuer can. Man jun utzil iyaben re yixc'o chach re ruch'ulef, y manak chuka' Dios iviq'uin.

Kaqchikel Western Solola

¹² Toka chi'ic'u'x chi chupan ri tiempo ri' ma jane c'o ta ri Cristo iwuq'ui. C'a nej na yixc'o wi riche (rixin) chi yixoc rutinamit ri Dios. Ma jane iwuche (iwixin) ta riyix ri utzil ri rutzujun (rusujun) pe ri Dios chupan ri trato ri xuben. Majun utzil iwoyoben ta ri yixc'o chuwech re ruwach'ulef, ni majun chuka' Dios iwuq'ui.

Efesios 2:12 ပူးပေါင်းရင်းမြစ်များ

Wuj Richin ri Rutikeribel 15:18

Chupan ri q'ij ri', ri Jehová xuben jun jikibel-tzij rik'in ri Abram y xubij chire: Chike ri awijatzul xtinya-wi kan re ruwach'ulew re', nitiker-el rik'in ri raqen-ya' richin Egipto y napon k'a rik'in ri nimalej raqen-ya' rubini'an Éufrates.

2 Crón 15:3

Ri ojer kan, chupan ri ruwach'ulew Israel, ri winaqi' man xkikanoj ta ri k'aslik Dios, e maneq sacerdote richin yetijon y maneq chik kik'in ri pixa' ri ya'on kan chike.

Wuj Richin ri Esdras 4:3

Jak'a ri Zorobabel, ri Josué y ri ch'aqa' chik aj-raqen xkibij chike: Man ruk'amon ta richin niqapaba-q'anej ri rachoch ri Dios junan iwik'in rix. Kan qayon roj xtiqapaba-q'anej ri rachoch ri Jehová, ri qa-Dios, roma kan keri' xubij chiqe ri Ciro rey richin Persia, xecha'.

Ex 12:45

Y ri wineq ri xa richin jun ka'i-oxi' q'ij nik'oje-el chi'ikojol o ri wineq ri xa roma samaj k'o qa chi'ikojol, man utz ta nuben ri wa'in ri' iwik'in.

Wuj Richin ri Isaías 14:1

Jak'a ri Jehová xtujoyowaj chik kiwech ri qawinaq, y xkerucha' chik jun bey richin xtuya' urtisanik pa kiwi'. Chuqa' kan xkeruya' chik jun bey pa qaruwach'ulew. Ri winaqi' ri man e qawinaq ta kan xkek'oje' kik'in, y xa jun k'a xtikiben.

Wuj Richin ri Isaías 44:6

Yin Jehová, ri in rey richin Israel, ri nikolon richin. Ja yin Jehová k'iytisanel richin ronojel. Ja yin ri xik'oje-pe nabey, y ja yin ri xkik'oje' pa ruk'isibel. Man jun chik Dios k'o achi'el yin, y xaxe yin ri in i-Dios.

Wuj Richin ri Isaías 45:20

Ri Dios nubij chike ri winaqi' kichin ri ch'aqa' chik ruwach'ulew: ¡Timolo-pe-iwi' y kixanpe! Kixjel-pe iwonojel rix ri xixkolotej kan. Kan maneq kina'oj ri yetelen wachibel ri xa rik'in che' banon-wi, y kan yech'on rik'in jun dios ri xa man nitikir ta nikolon.

Wuj Richin ri Isaías 61:5

Winaqi' ri e aj juk'an chik xtikiben utzil richin xkekiyuq'uj ri kikarne'l ri aj-Sión. Chuqa' xtikiben utzil richin xtikisamajij ri kulew y ri kitiko'n richin uva.

Wuj Richin ri Jeremías 14:8

Kan ja rat ri at oyobenri'il qichin roj. Kan at kolonel qichin chupan ri ruk'ayewal. ¿Achike roma yojato' xaxe jun q'ij y ri jun chik q'ij xa yabe?

Wuj Richin ri Jeremías 17:13

Jehová, ja rat ri at oyobenri'il richin ri qatinamit Israel, achi'el jun alaxibel-ya' ri nuya' k'aslen. Jak'a konojel ri winaqi' ri xkatkimalij, kan xkek'ixbitej y konojel ri xtikich'er kan ki' awik'in kan xkek'is achi'el jun bi'aj tz'ibatel kan pa poqolaj.

Ez 13:9

Kan xtinya' rutojbalil-mak pa kiwi' rije'. Re winaqi' k'a re' kan man xtikixol ta k'a ki' kik'in ri awinaq, stape' junan kijatzul. Chuqa' man xtitz'ibex ta kibi' chupan ri wuj ri akuchi tz'ibatel kan kibi' ri e aj pa rachoch kan ri Israel y kan man xketzolej ta chik pa kiruwach'ulew. K'ari' rije' xtiketamaj k'a chi ja yin Jehová.

Ez 37:26

Kan xtinben k'a kik'in rije' jun tununri'il richin uxlanibel-k'u'x richin jantape'. Chuqa' xtinben k'a chi xkejike' richin q'asen y xkewinaqir. Ri wachoch kan xtik'oje' k'a chikikojol rije',

Ez 47:22

Jari' ri ulew ri xtiwichinaj kan rix y chuqa' ri nikichinaj kan ri winaqi' ri man e rijatzul ta kan ri Israel, rije' xkek'oje' chi'ikojol y chuqa' ri kalk'ual. Xtiben chike chi kan achi'el e iwinaq israelita y toq xtich'ar ri ruwach'ulew, rije' k'o chi xke'ichinan iwik'in.

Os 3:4

Keri' chuqa' ri tinamit Israel, kan k'iy k'a q'ij xkek'oje' chi maneq ki-rey. Man xkek'oje' ta chik k'a tata'al chikikojol, Man xtikisuj ta chik kamelabel q'ij-q'ij, ni ri paban taq abej, ni ri efod, ni ri ch'aqa' chik ki-dios man xkek'oje' ta chik kik'in.

Wuj Richin ri Q'axanri'il 18:19

Kan ronojel k'a ri sipanik ri nisilox chinuwech, ri nikiya' ri awinaq, re' kan awichin k'a rat y kichin chuqa' ri awalk'ual, ri kan k'a ek'o na awik'in y re' kan kere' k'a xtuben-apo richin jantape'. Re' kan xtok k'a jun jikibel-tzij chinuwech yin, awichin rat y kichin chuqa' ri awijatzul, y man jun k'a xtijalo richin, xcha'.

San Lucas 1:72

Xubij chi xtujoyowaj kiwech ri qati't-qamama' ri xek'oje' ojer kan, y kan nuben-wi ri xubij toq xuben ri loq'olej jikibel-tzij.

San Juan 10:16

Y yin man xaxe ta k'a q'ataj nukarne'l re' ri ek'o, xa kan ek'o k'a chuqa' ch'aqa' chik ri man jani ek'o ta wawe' chupan re jun qejoj re'. Kan xkenk'en k'a pe richin xtikak'axaj chuqa' ri nuch'abel. Chupan ri q'ij ri' xaxe yin ri xkinok kiyuq'unel, y xtik'oje' xaxe jun q'ataj nukarne'l.

San Juan 15:5

Ja yin k'a ri juwi-uva, y rix ri ruq'a'. Wi kan jantape' itunun-iwi' wik'in y yin iwik'in rix, ri ik'aslen kan xtiwachin-wi. Jak'a wi man itunun ta iwi' wik'in, man jun k'a ri xkixtikir xtiben.

San Juan 4:22

Rix aj-Samaria xa ja ri man iwetaman ta ruwech ri niya' ruq'ij. Jak'a roj judío kan qetaman-wi ri achike ri niqaya' ruq'ij, roma kan ja ri qik'in roj peteneq-wi ri kolotajik kichin ri winaqi' chupan ri kimak.

Hechos 2:39

Roma jare' ri rusujun ri Dios, man xaxe ta chiwe rix, ni chike ri iwalk'ual, xa kan chike k'a konojel winaqi' ri ek'o nej-naqaj; roma konojel k'a re' e oyon roma ri qajaw Dios, xcha' ri Pedro.

Hechos 28:20

Xa roma ri' xinteq iwoyoxik richin chi kan yixintz'et y richin chuqa' chi rix kan wik'in yin niwetamaj-el achike k'a roma kere' nuk'uluwachin. Roma qonojel roj judío kuqul qak'u'x chi ri Cristo nipe yan. Y roma ri' toq in ximil rik'in cadena wakami, xcha' ri Pablo.

Hechos 3:25

Qichin k'a roj judío ri xusuj kan ri Dios koma ri e q'alajirisey ri xbix chike roma rija'. Y kan qichin chuqa' roj ri xusuj toq xuben ri jun jikibel-tzij kik'in ri qati't-qamama'. Roma xubij chire ri Abraham chi ri winaqi' ri ek'o chuwech re ruwach'ulew xtikik'ul k'a utzil roma ri riy-rumam rija', ri xtibe'alex.*f12*

Romanos 9:8

Y keri', niqatz'et chi man konojel ta ri e rijatzul kan ri Abraham e ralk'ual ri Dios. E ralk'ual ri Dios xaxe ri winaqi' ri ye'alex achi'el ri rusujun rija'; jak'a man e ralk'ual ta ri xaxe ye'alex achi'el konojel winaqi'.

Gálatas 4:8

Y toq rubanon kan, toq k'a man jani tiwetamaj ruwech ri Dios, rix xa ja ri ch'aqa' chik dios ri xe'isamajij, ri xa man e qitzij dios ta.

Efesios 2:19

Roma ri' rix man ix achi'el ta ri ch'aqa' chik winaqi'. Xa kan ix junan chik qik'in roj ri oj rutinamit ri Dios y chuqa' oj ralk'ual chik.

Efesios 4:18

Rije' xa q'equmatajineq ri kich'obonik. Kan q'alaj-wi chi man jun ketaman y kowirineq ri kánima pa mak. Roma ri' man nikik'ul ta ri k'aslen ri nipe rik'in ri Dios.

Colosenses 1:21

Ri rubanon kan, rix kan nej k'a ikojol ibanon rik'in ri Dios, roma rik'in ri itzel taq ch'obonik y ri itzel taq banobel ri xek'oje' iwik'in, xq'alajin chi kan niwetzelaj-wi ri Dios.

Colosenses 1:27

Rija' kan xrajo' k'a xuq'alajirisaj ri jun nimalej qitzijri'il ri kan ewatel-pe, y ri qitzijri'il ri' nubij chi ri Dios xuteq-pe ri Cristo richin nok'oje' chuqa' pa taq iwánima rix y richin chi kan iwoyoben ri q'ij toq yixbek'oje' rik'in rija', rik'in chik iq'ij-ik'ojlen.

Colosenses 1:5

Keri' niben, roma ri oyobenri'il ri yakon chiwe chila' chikaj. Ri' xiwetamaj toq xiwak'axaj ri qitzij ch'abel ri nich'on chirij ri utzilej ch'abel richin kolotajik.

1 Tesalonicenses 4:13

Roj niqajo' chi rix niwetamaj ri achike xtiban chike ri qach'alal ri e kaminaqi' chik el, richin man yixbison, achi'el nikiben ri winaqi' ri man koyoben ta ri utzil ri k'o rik'in ri Jesucristo.

1 Tesalonicenses 4:5

Man k'a tiben achi'el nikiben ri winaqi' ri man ketaman ta ruwech ri Dios, roma rije' xaxe ri itzel rurayibel ri ch'akulaj ri nikiben.

2 Tesalonicenses 2:16

Ri qakolonel Jesucristo y ri tata'ixel ri janila xojrajo' y xuya' kuqubabel-k'u'x chiqe richin qoyoben ri q'ij toq xqojbe chila' chikaj roma ri rutzil,

1 Timoteo 1:1

Yin Pablo, jun chike ri e taqon roma ri Cristo Jesús roma keri' xubij ri Dios ri qakolonel y ri Cristo Jesús, ri qoyoben chi nipe chiqak'amik.

Hebreos 11:34

man xek'at ta toq xek'aq pa nimalej taq q'aq', xekolotej chuwech ri espada. Toq maneq chik kuchuq'a', ri Dios xuya' kuchuq'a'. Xech'akon chikij ch'aqa' chik tinamit ri xebanon labal kik'in.

Hebreos 6:18

Ri Dios, kan qitzij wi ri nubij y man nitikir ta nutz'uk-tzij chirij ri rusujun y ri ya'on-tzij ri rubanon. Roma ri' k'o oyobenri'il qik'in roj pa ruwi' ri peteneq chiqawech.

Hebreos 8:6

Y rik'in ronojel re' kan niqatz'et k'a chi ri rusamaj ri Jesús más nim ruq'ij; roma ja rija' ri pa'el chuwech ri k'ak'a' jikibel-tzij ri nuk'en-pe más k'iy utzil chiqe.

1 Pedro 1:21

Roma ikuquban ik'u'x rik'in ri Cristo chuqa' ikuquban ik'u'x rik'in ri Dios, ja ri Dios ri xbanon chire ri Cristo chi xk'astej-pe y xk'oje' ruq'ij-ruk'ojlen, richin tik'oje' oyobenri'il iwik'in y tikuquba' ik'u'x rik'in ri Dios.

1 Pedro 1:3

Tiqaya' k'a ruq'ij ri ru-Dios y rutata' ri qajaw Jesucristo. Rija' kan janila xujoyowaj qawech, roma ri' xuben chiqe chi xojalex chik jun bey rik'in ri ruk'astajibal ri Jesucristo. Y re' kan nuben k'a chiqe chi k'o jun oyobenri'il qik'in ri man k'isel ta.

1 Pedro 3:15

Pa ruk'exel ri' kan tiya' ruq'ij ri Cristo ri iwajaw pa taq iwánima. Y wi k'o ta jun ri nuk'utuj chiwe ri achike roma iwoyoben ri rutzil rija', kan jantape' k'a tiq'alajirisaj chuwech rik'in ch'uch'ujil y ajowabel.

1 Juan 3:3

Y ri kan kuqul ruk'u'x rik'in, ruchapon ruch'ajch'ojirisaxik ri ruk'aslen, achi'el ri Jesucristo ri kan ch'ajch'oj-wi.