Efesios 1:17 - Kaqchiquel Bible

¹⁷ Nink'utuj chire ri Dios chi ri Espíritu kan ta pa ruk'iyal ri na'oj ri xtuya' chiwe, y chi k'iy ta xtuq'alajirisaj chiwech richin niwetamaj más ruwech ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁷ Nikꞌutuj chare ri Tataꞌaj Dios ri kin nimalej ruqꞌij, ri ru-Dios ri Qajaw Jesucristo, chi tusipaj nojibꞌel pataneq rikꞌin ri Espíritu Santo chiwa y tuqꞌalajrisaj chiwech ri utzulej runoꞌoj chin ndiwetamaj utz-utz achike rijaꞌ.

Kaqchikel Santa Maria de Jesus

¹⁷ Can nicꞌutuj cha ri Dios chi ri Espíritu Santo ri niyoꞌn noꞌj, qꞌuiy ta noꞌj xtuyaꞌ chiva. Qꞌuiy ta ri xtuꞌej ri Espíritu Santo chivach, chi ntivatamaj más roch ri Dios. Jareꞌ ri nicꞌutuj cha ri Katataꞌ Dios ri nem rukꞌij; ri Ru-Dios ri Kajaf Jesucristo.

Kaqchikel Central Guatemala

¹⁷ Ninc'utuj chire ri Dios chi ri Lok'olej Espíritu ri niyo'on ri na'oj, can ta xtuya' pa ruq'uiyal chive. Ri Lok'olej Espíritu q'uiy ta xtuk'alajirisaj chivech roma ivetaman ruvech ri Dios. Jare' ri ninc'utuj chire ri Tata'ixel ri c'o ruk'ij-ruc'ojlen; ri Dios ri richin ri Kajaf Jesucristo.

Re C'ac'a Testamento pa Kach'abal

¹⁷ Ninc'utuj cha re Karta' Dios re camas ruk'ij che re Espíritu Santo can-ta xtuya' q'uiy na'oj chiva. Re Espíritu Santo q'uiy-ta xtusekresaj chivach roma itaman rach re Dios. Jare' re ninc'utuj cha re Dios, re ru-Dios re Kajaf Jesucristo.

Kaqchikel Western Solola

¹⁷ Nc'utuj chare ri Dios chi ri Lok'olaj Espíritu ri niya'o ri na'oj, can ta xtuya' pa ruq'uiyal chiwe. Ri Lok'olaj Espíritu q'uiy ta xtuk'alajsaj chiwech, riche (rixin) chi niwetamaj ruwech ri Dios. Yare' ri nc'utuj chare ri Tata'ixel ri c'o ruk'ij ruc'ojlen; ri Dios ri riche (rixin) ri Kajaf Jesucristo.

Efesios 1:17 ပူးပေါင်းရင်းမြစ်များ

1 Crón 29:11

Kan awichin rat ri nimirinen; kan xaxe wi rat ri k'o aq'ij. Kan xaxe rat ri k'o uchuq'a' awik'in, y nim ri aq'ij-ak'ojlen. Awik'in rat k'o-wi ri ch'akonik, y pan aq'a' rat k'o-wi ronojel ri k'o chuwech re ruwach'ulew y ri ek'o chikaj. Ja rat ri at Ajaw ri más nim k'o pa ruwi' ronojel.

Wuj Richin ri Achin Job 42:5

Re rubanon-pe yin xaxe wetaman awech rik'in ri wak'axan kik'in ri ch'aqa' chik. Jak'a re wakami yin kan xinwetamaj awech kik'in re runaq' taq nuwech.

Wuj Richin Bix Chire ri Dios 24:10

¿Y achike ri' ri rey ri k'o ruq'ij? Ja ri Jehová ri k'o ronojel uchuq'a' pa ruq'a', Ja rija' ri rey ri k'o ronojel ruq'ij.

Wuj Richin Bix Chire ri Dios 24:7

¡Wakami k'a tijaqa' ri okibel richin ri tinamit, chuqa' ri okibel ri kan ek'o-pe ojer, richin nok-apo ri rey ri k'o ronojel ruq'ij!

Wuj Richin Bix Chire ri Dios 29:3

Ri ruch'abel ri Jehová kan niq'ajan pa ruwi' ri palou; kan achi'el k'a ruch'abel ri koqolajay, keri' ri ruch'abel ri Dios. Ri ruch'abel ri Jehová kan niq'ajan pa ruwi' ronojel ri nima'q taq ya'.

Ex 28:3

Kach'on k'a kik'in ri achi'a' ri kan ketaman nikiben re tzieq re', ri kan nuya'on na'oj chike richin nikiben re jun ruwech samaj re', richin chi je rije' ri kebanon ri rutziaq ri Aarón, ri xtukusaj chupan ri q'ij toq xtinch'er richin chi nok nu-sacerdote.

Wuj Richin Etamabel-Tzij 18:15

Ri wineq ri kan nowineq ránima, kan xtuq'i' k'a q'anej ri na'oj; roma ri winaqi' e aj-na'oj, kan niqa-wi chikiwech niketamaj más na'oj.

Wuj Richin Etamabel-Tzij 2:5

wi keri' kan xtiq'ax k'a chiwech y xtiwetamaj ri achike rubanik ri k'o rukiy ri Dios chuwech jun wineq.

Wuj Richin ri Isaías 11:2

Y ri Espíritu richin ri Jehová kan jantape' k'a xtik'oje' rik'in, richin niberuya' na'oj y nojibel, richin niberuya' uchuq'a' y etamabel, richin xtok pixabanel. Y xtik'oje' rukiy ri Jehová chuwech.

Wuj Richin ri Jeremías 2:11

¿K'o kami k'a jun tzobaj winaqi' richin ri ruwach'ulew ri kijalon ta ri ki-dios, stape' ri ki-dios rije' xa man e qitzij ta? Jak'a rix ri nutinamit xa xiniya' kan, yin ri k'o janila wejqalen y xa xinijel rik'in ri xa man jun rejqalen.

Wuj Richin ri Jeremías 24:7

Xtinya' k'a kina'oj richin chi xtiketamaj nuwech yin Jehová. Rije' xke'ok nutinamit y yin xkinok ki-Dios, roma kan xketzolin k'a pe wik'in rik'in ronojel kánima.

Wuj Richin ri Jeremías 31:34

Kan man jun k'a nik'atzin-wi chi nikik'utula' ta chikiwech richin niketamaj nuwech, roma konojel rije' kan ketaman chik nuwech, nitiker-el rik'in ri más ko'ol y napon-q'anej rik'in k'a ri más nim, roma yin kan xtinkuy ri itzel taq kibanobal y man chik xtoqaqa ta chinuk'u'x ri kimak. Yin Jehová ri yibin.

Wuj Richin ri Jeremías 9:24

Jak'a wi k'o ta jun ri nuna' ri' chi runimirisan-ri', kan tunimirisaj k'a ri' roma retaman chi ja yin Jehová y kan ronojel ninben rik'in ajowabel, ruchojmilal y joyowanik, roma kan jari' ri niqa' chinuwech. Yin Jehová ri yibin.

Dn 10:1

Chupan ri rox juna' chire ri q'atbel-tzij richin ri Ciro, rey pa ruwi' ri ruwach'ulew Persia, jari' toq k'o xq'alajirisex chinuwech yin. Y ronojel ri xbix chuwe kan qitzij y kan k'o-wi ruk'ayewal chupan. Y k'ari' xq'ax chinuwech ri xbix chuwe.

Dn 5:11

Roma chupan ri awajawaren kan k'o jun achin ri kan ya'on nojibel chire koma ri e dios. Y chupan ri q'ij toq xk'oje' ri Nabucodonosor, kan xilitej k'a rik'in ri achin ri' ri nojibel y ri etamabel, kan achi'el ri k'o kik'in ri dios. Roma ronojel ri etamabel ri xilitej rik'in, ri Nabucodonosor kan xuben k'a chire chi xok aj-raqen pa kiwi' ri etamanela' aj-Caldea, ri aj-q'ija' y ri aj-itza'.

San Mateo 11:25

Chupan k'a ri q'ij ri' ri Jesús xch'on-q'anej rik'in ri tata'ixel y xubij: Ninya' aq'ij nata', rat ri rajaw ri kaj y re ruwach'ulew, roma man xaq'alajirisaj ta ri utzilej ach'abel chikiwech ri winaqi' ri e aj-na'oj y ri etamanela'. Y xa chikiwech ri winaqi' ri maneq más ketamabal ri xaq'alajirisaj-wi re utzilej ach'abel re'.

San Mateo 11:27

Y k'ari' ri Jesús xubij chike ri winaqi': Ri nata', kan ronojel k'a ruya'on-pe pa nuq'a'. Y man jun chik k'a etamayon in achike yin, xaxe ri nata' etamayon. Y man jun chuqa' etamayon achike ri' ri nata', xaxe yin ri ruk'ajol. Jak'a yin xtink'ut ri nata' ri achoq chuwech ninwajo' nink'ut-wi.

San Mateo 16:17

K'ari' ri Jesús xubij: Utz ruwa-aq'ij rat Simón Pedro ruk'ajol ri Jonás. Ri xabij, man wineq ta k'a ri xq'alajirisan chawech, xa kan jak'a ri nata' Dios ri k'o chila' chikaj.

San Mateo 20:33

Rije' xkibij: Qajaw, roj niqajo' k'a yojtzu'un, xecha'.

San Mateo 6:13

Man k'a taya' q'ij richin yojtzaq pa mak, xa kan qoj akolo' k'a chuwech. [K'o awuchuq'a', y k'o aq'ij-ak'ojlen richin jantape', kan keri' wi.]*f14* Kere' k'a tibij.

San Lucas 12:12

Roma xa kan ja ri Loq'olej Espíritu ri xtibin chiwe ri k'o chi nibij ri ramaj ri', xcha'.

San Lucas 2:14

¡Nim ruq'ij-ruk'ojlen ri Dios ri k'o chila' chikaj! ¡Re wawe' chuwech re ruwach'ulew k'o ta uxlanen kik'in ri winaqi' ri junan kiwech rik'in ri Dios!, yecha'.

San Lucas 21:15

roma kan ja yin ri xkiya'on ch'abel chiwe. Xtinya' chuqa' etamabel chiwe richin keri' man jun xketikir xtikibij chiwe ri ye'etzelan iwichin.

San Juan 14:17

Ri' kan ja ri Loq'olej Espíritu, ri nitijon iwichin chire ri qitzij. Y rija' man tikirel ta richin nik'ul-apo, koma ri winaqi' ri k'a kikuquban na kik'u'x rik'in re ruwach'ulew. Roma ri Loq'olej Espíritu xa man tz'etel ta ni man ketaman ta chuqa' ruwech. Jak'a rix kan iwetaman chik ruwech, roma kan xtik'oje-wi chi'ikojol. Y rija' kan jantape' xtik'oje' iwik'in.

San Juan 14:26

Y toq yin man ink'o ta chik iwik'in, ri nata' xtuteq-pe ri Loq'olej Espíritu richin yixruto'. Y ja rija' ri xtik'oje' iwik'in pa nuk'exel. Y kan jak'a chuqa' rija' xkixtijon y xtunataj ronojel ri ch'abel ri e nubin kan yin chiwe.

San Juan 16:3

Kere' k'a ri xkekibanala' ri winaqi' chiwe rix, roma kan man ketaman ta ruwech ri nata' y man ketaman ta chuqa' nuwech yin.

San Juan 17:3

Ri k'aslen ri man k'isel ta, ja ri niketamaj awech rat nata' Dios, y chuqa' niketamaj nuwech yin Jesús ri Cristo, ri xinateq-pe wawe' chuwech re ruwach'ulew.

San Juan 20:17

K'ari' ri Jesús xubij chire ri María: Man kinaq'etej roma man jani kibe rik'in ri nata' ri chila' chikaj. Xa kabiyin chubixik chike ri e nutijoxela', chi yin kan yibe k'a rik'in ri nata', ri kan itata' chuqa' rix. Kan yibe k'a rik'in ri nu-Dios, ri i-Dios chuqa' rix, xcha'.

Hechos 6:10

Roma ri Esteban kan ja ri Loq'olej Espíritu ri xya'on etamabel chire; roma ri', toq rija' xch'on, ri winaqi' ri' xa man xetikir ta rik'in.

Hechos 7:2

Ri Esteban xubij: Nuwinaq judío y rix aj-raqen pa ruwi' re qatinamit, tiwak'axaj k'a re xtinbij chiwe re wakami. Ri Dios ri k'o ruq'ij-ruk'ojlen xuq'alajirisaj-ri' chuwech ri qatata' Abraham ri ojer kan, toq k'a k'o na k'a ri chiri' chupan ri ruwach'ulew Mesopotamia, toq k'a man jani rutzijol chi nibek'oje' ta ri pa tinamit Harán.

Romanos 1:28

Rije' nikich'ob chi man jun nik'atzin-wi niketamaj ruwech ri Dios. Roma ri' rija' xerumalij kan richin nikich'ob ri itzel taq ch'obonik, y tikibanala' ri man ruk'amon ta.

Romanos 15:6

Y keri', jantape' ta k'a junan iwech niya' ruq'ij-ruk'ojlen ri Dios ri rutata' ri qajaw Jesucristo.

1 Corintios 12:8

Chike ch'aqa' qach'alal nuya' etamabel richin nikich'abalij ri ruch'abel ri Dios. Y chike ch'aqa' chik nuya' na'oj, richin nikisol rij ri nubij ri ruch'abel ri Dios.

1 Corintios 14:6

Roma xa ta yin yinapon chila' iwik'in rix wach'alal, y pa jun chik ch'abel yibech'on iwik'in, ¿k'o kami utz ri nuk'en-pe chiwe? Jak'a kan k'o-wi utz ri nuk'en-pe chiwe, wi ninq'alajirisaj ri xuk'ut ri Dios chinuwech, o yich'on rik'in etamabel, o ninbij ri nibix chuwe roma ri Dios, o yixintijoj.

1 Corintios 2:10

Jak'a ri Dios xuq'alajirisaj ronojel re' chiqawech roj rik'in ri Loq'olej Espíritu. Ri Loq'olej Espíritu kan retaman-wi ronojel, y kan retaman ri nimalej ruch'obonik ri Dios.

1 Corintios 2:8

Y re na'oj re' kan man xq'ax ta k'a chikiwech ri winaqi' ri k'o kuchuq'a' y kiq'ij chuwech re ruwach'ulew, roma wi ta xq'ax chikiwech, chi'anin ta xkitz'et y xketamaj ta ruwech ri Cristo ri ajaw, ri kan k'o ruq'ij-ruk'ojlen, y man ta xkikamisaj.

2 Corintios 12:1

Y kan qitzij wi chi man ruk'amon ta ninya-qa nuq'ij. Jak'a wakami yin xkich'on juba' chirij ri achik' y ronojel ri nuk'ut ri ajaw chinuwech.

Efesios 1:3

Tiqaya' k'a ruq'ij ri Dios rutata' ri qajaw Jesucristo. Y roma jun qabanon rik'in ri Cristo, ri Dios nuya' ronojel utzil richin chila' chikaj chiqe.

Efesios 3:5

Re' man kan ta q'alajirisan-pe chike ri winaqi'. Xa k'a ja re wakami roma ri Loq'olej Espíritu xq'alajirisex chiqawech roj ri oj taqon roma ri Cristo y chikiwech ri ch'aqa' chik rusamajela' ri yeq'alajirisan ri nibix chike roma ri Dios.

Efesios 4:13

k'a toq qonojel junan qawech xtiqaben roma qakuquban qak'u'x rik'in, xtiqetamaj ruwech ri ruk'ajol ri Dios, y xtiqaq'i' jun k'aslen ri kan choj y tz'aqet; achi'el ri Cristo.

Filipenses 3:15

Ronojel k'a ri xinbij chiwe, kan keri' ta ri niqach'ob qonojel ri oj k'iyineq rik'in ri kuqubabel-k'u'x. Jak'a wi jujun chiwe rix ri man junan ta nich'ob, ri Dios chuqa' xtuq'alajirisaj chiwech.

2 Timoteo 2:25

Y rik'in ch'uch'ujil tabij chike ri winaqi' ri man junan ta kich'obonik pa ruwi' ri ruch'abel ri Dios, chi tikijala' ri kich'obonik. Rik'in juba' rija' nuya' q'ij chike richin nikitzolij-ki' chikij y xtiketamaj ri qitzij.

Tito 1:1

Yin Pablo, jun rusamajel ri Dios y jun taqon roma ri Jesucristo. Ri Dios xiruteq chikito'ik ri e cha'on roma rija', richin nikikuquba' más kik'u'x rik'in y niketamaj ta jebel ri qitzij, ri yojruk'uaj chupan ri utzilej k'aslen ri nrajo' ri Dios.

Santiago 2:1

Wach'alal ri iniman chik ri qajaw Jesucristo ri janila ruq'ij-ruk'ojlen, man tiben rukojolil kik'in ri winaqi'.

2 Pedro 1:3

Y ronojel ri nik'atzin richin niqak'uaj jun utzilej k'aslen, ja ri ruchuq'a' ri Dios ri yoyon-pe chiqe. Y ri uchuq'a' ri' kan qichin roj roma qetaman chik ruwech ri Jesucristo, ri xojroyoj richin qik'in roj niq'alajin ri ruq'ij-ruk'ojlen y ri ruchojmilal.

2 Pedro 3:18

Pa ruk'exel ri', xa kan tiwetamaj k'a más chirij ri qajaw y qakolonel Jesucristo, y yixk'iy k'a rik'in ri ik'aslen. Y rija' xtuk'ul ta k'a ruq'ij-ruk'ojlen re wakami y keri' tibe-q'ij tibe-seq. Kan keri' ta k'a.

Apocalipsis 7:12

y xkibij k'a: ¡Kan keri' wi! Ronojel urtisanik, k'ojlemal, etamabel, matioxinik, ruwaq'ijaj y uchuq'a' kan chire k'a ri qa-Dios tiya'ox-wi. Kan keri' wi, yecha'.