Dn 9:6 - Kaqchiquel Bible

⁶ Man xqanimaj ta k'a ri xkibij ri e q'alajirisey ri ach'abel, stape' kan pan abi' rat xech'on kik'in ri qa-rey, ri e tata'al, ri qate-qatata' y kik'in chijun ri qatinamit Israel.

Dn 9:6 ပူးပေါင်းရင်းမြစ်များ

2 Rey 18:12

Rije' xkik'uluwachij keri' roma kan man xkinimaj ta rutzij ri Jehová ri ki-Dios. Xa kan xkiq'ej k'a ri rujikibel-tzij. Ronojel ri rubin ri Moisés ri rusamajel, rije' man xkak'axaj ta k'a ni man xkiben ta.

2 Crón 33:10

K'ari' ri Jehová xch'on rik'in ri Manasés y kik'in konojel ri ruwinaq; jak'a rije' man xeniman ta chire.

Wuj Richin ri Esdras 9:7

Chupan k'a ri q'ij ri' toq k'a e k'es na ri qate-qatata', k'a re wakami, kan ojk'o pe chupan ri mak. Y roj, ri qa-rey y ri e qa-sacerdote kan xojach pa kiq'a' ri rey ri kichin ch'aqa' chik ruwach'ulew roma ri itzel taq qabanobal roj. Ri nuwinaq kan xejach pa kamik rik'in espada, pa ximonri'il y pa kiq'a' eleq'oma'; y pa k'ixbilal ri ojk'o-wi k'a re wakami.

Wuj Richin ri Nehemías 9:30

Man rik'in ri' xe'akoch' k'iy juna'. Y ri Utzilej Espíritu xerukusaj ri e q'alajirisey ri ach'abel, richin chi xubij chike chi titzolej-pe kik'u'x awik'in. Jak'a rije' man xkajo' ta xkak'axaj. Y roma ri' xe'ajech pa kiq'a' ch'aqa' chik winaqi' ri ek'o chikinaqaj.

Wuj Richin ri Nehemías 9:32

Roma ri' nimalej qa-Dios, ri k'o ronojel uchuq'a' awik'in y kan xaxe chawech rat ruk'amon chi yojbaybot. Rat ri xajikiba-atzij chiqawech y kan xaben ri xabij. Man ta ti ko'ol ok chawech re tijoj-poqonal re niqaq'axaj roj, ri e qa-rey, ri e qatata'al, ri e qa-sacerdote, ri e q'alajirisey ri ach'abel, ri e qawinaq y ri qate-qatata'. Ri qawinaq kan xkitej-pe poqon kan ja toq xepe ri aj-Asiria, k'a chupan re q'ij re'.

Wuj Richin ri Nehemías 9:34

Ri qa-rey, ri e qatata'al, ri e qa-sacerdote y ri qate-qatata' man xkinimaj ta ri apixa', ni man xkak'axaj ta ri ruchojmilal.

Wuj Richin ri Jeremías 26:5

Chuqa' tinimaj ri kich'abel ri e q'alajirisey nuch'abel ri e nuya'on chi'ikojol, stape' k'a re wakami rix man iniman ta kitzij rije'.

Wuj Richin ri Jeremías 44:16

Roj man xtiqanimaj ta ronojel ri xabij chiqe pa rubi' ri Jehová.

Wuj Richin ri Jeremías 7:13

Stape' k'iy bey nubin chiwe chi rix xa jantape' yixmakun, rix kan man iwajowan ta iniman nutzij y kan ja ri pa rutikeribel kan keri' ibanon.

Wuj Richin ri Jeremías 7:24

Jak'a rije' man xkak'axaj ta, ni man xkinimaj ta nutzij. Xa kan ja ri itzel taq rurayibel ri kánima ri xuk'uan kichin. Pa ruk'exel chi xetzolin ta pe wik'in, xa xkipiskolij-el-ki' chinuwech.

Dn 9:10

Kan man qaniman ta atzij, roma xa man qataqen ta ri nubij ri apixa' ri xaya' chiqe koma ri e q'alajirisey ri ach'abel.

Dn 9:9

Rat, kan at jun Dios joyowanel, y kan nakuy ronojel ri qamak, stape' kan oj yakatajineq chawij.

San Mateo 23:37

K'ari' ri Jesús xch'on pa ruwi' ri Jerusalem y xubij: Aj-Jerusalem, aj-Jerusalem, ¿achike k'a roma toq ye'ikamisala' ri e q'alajirisey ruch'abel ri Dios? ¿Achike k'a roma toq ye'ikamisala' chi abej ri yeruteq-pe ri Dios chi'ikojol? Yin, kan janila k'a bey ri xinwajo' chi xixinmol ta wik'in, achi'el nuben ri kite-ek' kik'in ri taq ral, yerumol chuxe' ri ruxik'. Jak'a rix xa man xiwajo' ta.

Hechos 13:27

Xa ja ri qawinaq ri ek'o pa Jerusalem y ri aj-raqen chuqa' ri ek'o chikikojol, xa jari' ri man xenaben ta achike ri' ri achoq chirij ch'owineq-wi ri Juan. Ri rubi' rija' ja ri Jesús. Chuqa' man q'axineq ta chikiwech ri ruch'abel ri Dios tz'ibatel kan koma ri achi'a' ri xeq'alajirisan ri ruch'abel ojer kan pa rubi' ri Jesús, stape' pa ronojel q'ij richin uxlanen nisik'ix ruch'abel ri Dios. Roma ri', toq rije' xkibij chi tiqaqa ri kamik pa ruwi' ri Jesús, kan ja rije' ri xebanon chi qitzij xbe'el-wi ri nubij ri ruch'abel ri Dios.