Dn 9:5 - Kaqchiquel Bible

⁵ Jak'a roj xa kan oj makuwineq-wi chawech, kan qabanalon itzel taq banobel, kan oj itzel taq winaqi' qabanon chawech, y kan xojyakatej chawij. Y pa ruwi' ri', roj xa xqach'er k'a kan qi' chire ri nubij ri jalajoj ruwech apixa'.

Dn 9:5 ပူးပေါင်းရင်းမြစ်များ

2 Rey 18:12

Rije' xkik'uluwachij keri' roma kan man xkinimaj ta rutzij ri Jehová ri ki-Dios. Xa kan xkiq'ej k'a ri rujikibel-tzij. Ronojel ri rubin ri Moisés ri rusamajel, rije' man xkak'axaj ta k'a ni man xkiben ta.

2 Rey 21:15

roma ri kibanobal kan janila k'a itzel ri nikiben chinuwech, y kan kiyakon k'a pe janila woyowal. Y re' kichapon-pe toq xe'el-pe ri kite-kitata' ri chiri' pan Egipto k'a re wakami, xcha'.

Wuj Richin ri Esdras 9:6

Y xinbij: ¡Nu-Dios yin! Kan janila in k'ixbitajineq, y chuqa' kan janila xkiqasaj nuq'ij, y man yitikir ta ninyek-q'anej ri nuwech chawech, nu-Dios yin, roma ri itzel taq qabanobal kan janila k'iy y xapon yan k'a chikaj.

Wuj Richin Bix Chire ri Dios 106:6

Roj kan yojmakun k'a achi'el xemakun ri qati't-qamama'. Kan xeqabanala' k'a ri itzel taq banobel. Xeqabanala' k'a banobel ri man e utz ta.

Wuj Richin Bix Chire ri Dios 119:102

Man xinch'er ta wi' chire ri ruchojmilal, roma kan ja rat xatijon wichin.

Wuj Richin Bix Chire ri Dios 119:176

Yin kan xibiyin k'a achi'el jun karne'l ri sachineq. Jak'a rat Jehová kan kinakanoj yin ri in samajel, roma kan man numestan ta ri apixa'.

Wuj Richin Bix Chire ri Dios 18:21

Yin kan nuchajin k'a wi' chuwech ri Jehová; kan man nuch'aron ta k'a kan wi' chupan ri bey ri richin ri Dios.

Wuj Richin ri Isaías 53:6

Chiqajujunal k'a roj xqaben ri xqa' chiqawech, achi'el ri taq karne'l ri kitalun-ki', y chikijujunal nikikanoj kibey. Jak'a ri Jehová xuya' pa tijoj-poqonal ri rusamajel roma re mak re'.

Wuj Richin ri Isaías 59:13

Kan janila itzel xqaben chawe rat Jehová, y kan xqach'er-el-qi' awik'in. Xa xojch'on rik'in q'oloj y yakatajinenri'il. Kan xeqatz'ila' ch'aqa' chik winaqi', y xa xeqabij ch'abel ri xa e tz'ukun y man e ruk'amon ta.

Wuj Richin ri Isaías 64:4

Kan man jun bey ak'axan ta, ni man jun bey tz'eton chi k'o ta chik jun Dios achi'el rat, ri nibanon chi nusiloj ri nima'q taq juyu'.

Wuj Richin ri Jeremías 14:20

Kan oj makuwineq-wi chawech, roma ri itzel taq qabanobal roj y ri etzelal ri xekiben ri qati't-qamama'. Kan oj makuwineq-wi chawech Jehová.

Wuj Richin ri Jeremías 14:7

Y ri winaqi' xkibij chire: Ri qabanobal nuq'alajirisaj ri qamak y k'iy mul kan man niqaben ta ri nabij rat. Kan oj makuwineq-wi chawech. Man rik'in ri', rat Jehová kan qojakolo' k'a roma ri ruruwaq'ijaj ri abi'.

Wuj Richin ri Jeremías 3:25

Qaqasaj k'a qi' rik'in k'ixbilal, roma xqaya-qi' pa k'ixbilal, roma kan ja toq k'a oj ak'uala' na y k'a re wakami, roj y ri e qati't-qamama' kan oj makuwineq-pe chuwech ri qajaw Dios y man qaniman ta pe rutzij, xecha' ri winaqi'.

Wuj Richin ri Jeremías 30:14

Konojel k'a ri xe'ajowan iwichin xa xixkimalij kan y man yixkikanoj ta chik. Roma ri imak kan man ajlatel ta, roma ri' kan xinya' rutojbalil pan iwi' y yin kan xixinch'ey kow achi'el xa ja ta ri e etzelanel iwichin ri xixch'ayon.

Wuj Richin ri Jeremías 44:3

roma ri imak ri xiben richin xiyek woyowal. Roma kan xixbe richin xibesuju' pom y niyala' kiq'ij ch'aqa' chik dios ri xa man iwetaman ta kiwech, ni rix ni ri iwati't-imama'.

Wuj Richin ri K'uxla'anik 1:18

Rat Jehová kan pa ruchojmilal ri xaben. Roj kan xqapaba-qi' chuwech ri ach'abel. Y rix winaqi' tiwak'axaj k'a, chi qonojel roj niqatej poqon. Konojel k'a ri qalk'ual, chi xtani', chi alaboni' xe'uk'uex-el pa ximonri'il.

Wuj Richin ri K'uxla'anik 1:20

Nimalej Jehová, tabana' utzil qojatzu-pe chi janila oj k'ayewatajineq; kan janila k'a rukiy ri qaq'axo'n. Kan nich'ujer ri qánima, roma kan janila xojmakun chawech. Ri qawinaq ri e eleneq-el chuchi' re tinamit kan xekamisex, y ri ek'o kan chupan, chuqa' kan xoqaqa k'a ri kamik kik'in.

Wuj Richin ri K'uxla'anik 3:42

richin niqabij chi roj kan xojmakun-wi. Kan xqapaba-qi' chuwech rija', y roma ri' rija' man xukuy ta ri qamak.

Ez 5:6

Jak'a ri winaqi' xa xkipaba-ki' y man xkitaqej ta ronojel ruwech pixa' ri nuya'on chike. Rije' kan más k'a itzel xekiben chikiwech ri winaqi' ri ek'o chikinaqaj. Rije' kan xketzelaj ri nubin chike y kan man xkiben ta.

Ez 6:9

Y rije' kan xkinoqaqa k'a chikik'u'x toq juk'an chik chire re ruwach'ulew ek'o-wi. Kan xtoqaqa k'a chikik'u'x chi janila kisokon ri wánima roma man xkiben ta ri xinbij chike y chuqa' roma xkich'er kan ki' wik'in y xekitzeqelibej ch'aqa' chik dios. Y k'ari' itzel xtikina-qa roma ri itzel taq kibanobal ri xekibanala'.

Dn 9:11

Qonojel k'a roj israelita xa xqaq'ej ruwi' ri apixa'. Xqach'er k'a kan qi' richin man xqanimaj ta ri atzij. Y xa roma ri' xqaqa ri ruk'ayewal pa qawi', achi'el ri tz'ibatajineq kan chupan ri wuj richin ri pixa' ri ruya'on kan ri asamajel Moisés.

Dn 9:15

Wakami k'a, Ajaw qa-Dios roj, ja rat ri xatelesan-pe richin ri atinamit pan Egipto rik'in ri nimalej awuchuq'a', y roma ri' kan janila xanimirisaj ri abi', y kan keri' ri abanon-pe. Man rik'in ri' roj kan oj makuwineq-wi chawech; kan qabanon k'a ri itzel taq banobel.

Dn 9:9

Rat, kan at jun Dios joyowanel, y kan nakuy ronojel ri qamak, stape' kan oj yakatajineq chawij.

Os 1:2

Toq ri Jehová xuchop nich'on wik'in, kere' xubij: Oseas, kak'ule' rik'in jun ixoq itzel ruk'aslen y kek'oje' awalk'ual rik'in ri e achi'el ri ruk'aslen rija'. Roma ri tinamit Israel xa janila xutz'ilobisaj-ri' achi'el jun ixoq ri yerukanola' achi'a' richin nimakun kik'in, xcha' chuwe.

Hebreos 3:12

Wach'alal, tichajij ri ik'aslen chi'ijujunal, richin chi beneq ta ruwech kuqul ik'u'x rik'in ri Dios, y chi man ta k'o itzel ri pa taq iwánima, richin keri' man ta xtiya' kan ri k'aslik Dios.