Dn 9:3 - Kaqchiquel Bible

³ Yin kan xich'on k'a rik'in ri Dios ri wajaw richin chi xink'utuj utzil chire pa kiwi' ri nuwinaq. Ximewayin k'a, xinkusaj k'a qirix taq tzieq y xitz'uye' pa chaj richin chi rija' xirak'axaj.

Dn 9:3 ပူးပေါင်းရင်းမြစ်များ

2 Sam 12:16

K'ari' ri David xmewayin y xuk'utuj chire ri Dios chi man ta niken ri ak'ual. Y ri pa taq chaq'a' toq nitzolej pa rachoch, kan pan ulew k'a nikotz'e-wi kan.

Wuj Richin ri Esdras 10:6

K'ari' ri Esdras xel-pe chiri' chuwech ri rachoch ri Dios, y xbe k'a pa rachoch ri Johanán ruk'ajol ri Eliasib. Y toq xapon k'a rik'in, man xwa' ta ni man xuk'ya' ta, roma kan janila nibison roma ri kimak ri ruwinaq ri e tzolejineq-pe pa Babilonia.

Wuj Richin ri Esdras 8:21

Y chiri' chunaqaj ri raqen-ya' Ahavá, xinbij chi tiqach'ara' jun q'ij richin yojmewayin, richin chi niqaqasaj-qi' chuwech ri qa-Dios, y richin niqak'utuj chire chi utz ta yojbe, y keri' ri qalk'ual chuqa', y keri' rik'in chuqa' ri k'o qik'in.

Wuj Richin ri Esdras 9:5

Chupan ri ramaj ri' k'ari' xiyakatej-q'anej chupan ri poqonal ri ink'o-wi, y toq xinretz yan ri nutziaq ri nuq'un, xixuke-qa, y xinyek nuq'a' chikaj chuwech ri Jehová ri nu-Dios.

Wuj Richin ri Nehemías 9:1

Y xkimol k'a ki' konojel ri nuwinaq, y chijun q'ij man jun kiway xkitej, xkikusaj kitziaq richin bis, y xkiya' poqolaj pa kijolon richin xkik'ut chi janila yebison. Y re' xbanatej chupan ri q'ij juwineq kaji' richin ri ik' wuqu'.

Ester 4:16

tibe kik'in konojel ri kiwinaq ri ek'o chiri' pa Susa, y tubij chike chi kemewayin oxi' q'ij y oxi' aq'a'. Y kan keri' chuqa' xtuben rija' y ri xtani' ri ek'o rik'in. Chirij k'a re', k'ari' xtibe richin niberutz'eta' ri rey, stape' xtuq'ej ruwi' ri pixa'. Y chuqa' ri Ester xubij: Wi xkiken, kan xkiken k'ari', xcha'.

Wuj Richin ri Achin Job 42:6

Y roma kan xatintz'et re wakami, kan yik'ix roma ronojel ri nubin chawij y ninwetzelaj-wi'. Roma ri' ninqasaj-wi' chawech k'a chupan re poqolaj y re chaj, xcha'.

Wuj Richin Bix Chire ri Dios 35:13

Jak'a toq yeyawej rije', yin kan ninkusaj ri nutziaq richin bis. Yin kan yibison k'a koma rije', y kan yimewayin.

Wuj Richin ri Isaías 22:12

Chupan ri q'ij ri' ri Jehová k'iytisanel richin ronojel xkixroyoj rix richin xkixoq', y richin xkixk'oje' pa bis. K'o chi xtik'uq-el ri rusumal-iwi', y xtikusaj-el tzieq richin bis.

Wuj Richin ri Jeremías 33:3

Kach'on k'a q'anej wik'in y yin xtink'uluba-pe ri ach'abel y kan xtink'ut k'a chawech nima'q taq banobel ri ewatel chawech rat.

Ez 36:37

Yin Jehová ri ink'o pa ruwi' ronojel ninbij chi xtinben ri achike ri xtikik'utuj ri nuwinaq israelita. Kan xtinben chike chi xkewinaqir achi'el ri kajlabal ri karne'l

Dn 6:10

Jak'a ri Daniel, toq xunabej chi xtalux yan rutzijol re jun pixa' re', xjote-q'anej chupan ri ka'i' wiq rachoch, xujeq ri ru-ventana ri k'o pa ruchojmilal ri tinamit Jerusalem y xxuke' richin nich'on y nimatioxin rik'in ri Dios, kan achi'el ri rubanon-pe. Y re' xuben oxi' mul pa jun q'ij.

Dn 9:2

Jari' k'a toq yin Daniel xintz'et k'a jebel ri wuj ri xuya' ri Jehová chire ri q'alajirisey ruch'abel rubini'an Jeremías, ri akuchi nubij-wi chi nibetz'aqet yan ri juna' oxk'al lajuj ri ek'o pa ximonri'il ri aj-Jerusalem.

Dn 9:20

Y yin kan yinajin k'a chi ch'owen rik'in ri nu-Dios, richin xinchol chuwech ronojel ri qamak roj israelita. Kan yinoq' k'a chuwech rija', richin xink'utuj utzil chire pa ruwi' ri tinamit Jerusalem.

Dn 9:4

Y xich'on k'a rik'in rija' richin xinq'alajirisaj chuwech ri qamak. Y xinbij k'a chire: Wajaw, nimalej Dios, ri kan ruk'amon chi niqak'en akiy, rat ri kan man amestan ta ri xajikiba' chi kan najoyowaj kiwech ri ye'ajowan awichin y nikitaqej ri apixa'. Y rat kan jare' abanon-pe.

Joel 1:13

Tikusaj itziaq richin bis rix sacerdote; tiraqa' ichi' roma bis rix ri ix richin ri qa-Dios. Kixbison chi junaq'a' rix ri yixsamej rik'in ri porobel, roma pa rachoch ri qa-Dios maneq chik sipanik napon; achi'el ri vino y ri jalajoj ruwech ixin.

Joel 2:12

Jak'a ri Jehová nubij chiwe chi kan k'a yixtikir na nitzolej-pe ik'u'x rik'in. Nubij chi kixmewayin, kixoq' y kixbison richin nik'ut chi rix nitzolej ik'u'x rik'in.

Wuj Richin ri Jonás 3:5

Toq ri winaqi' aj-Nínive xkak'axaj ri peteneq pa kiwi', xkinimaj k'a ri ruch'abel ri Dios, y xelesex rutzijol chi man yewa' ta y tikikusaj k'a qiriqoj taq tzieq. Keri' xkiben richin chi xkik'ut chi xkitzolij-ki' chikij chire ri kimak, y kan keri' k'a xkiben chi ch'uti'q, chi nima'q.

San Mateo 17:21

[jak'a re jun etzelal re', nel xaxe toq rix yixmewayin richin yixch'on rik'in ri Dios,] xcha'.*f23*

San Lucas 2:37

Rija' k'o chik jumuch' kaji' rujuna'; y chiri' k'a pa rachoch ri Dios nik'oje-wi q'ij-q'ij. Y chi paq'ij chi chaq'a' nich'on rik'in ri Dios y k'iy mul nimewayin.

Hechos 10:30

Jak'a kan jari' xch'on-apo ri Cornelio, y xubij k'a: K'o yan kaji' q'ij ri', yin ximewayin. Y toq k'o yan oxi' hora tiq'ax chire ri nik'aj-q'ij, jari' toq yich'on rik'in ri Dios. Jari' k'a toq jun achi'el achin, niyik'lun rutziaq, xuk'ut-ri' chinuwech.