Dn 9:20 - Kaqchiquel Bible

²⁰ Y yin kan yinajin k'a chi ch'owen rik'in ri nu-Dios, richin xinchol chuwech ronojel ri qamak roj israelita. Kan yinoq' k'a chuwech rija', richin xink'utuj utzil chire pa ruwi' ri tinamit Jerusalem.

Dn 9:20 ပူးပေါင်းရင်းမြစ်များ

Wuj Richin ri Esdras 10:1

Rokik ri Esdras nich'on rik'in ri Dios, nubij ronojel ri kimak y kan noq' xukul chiri' chuwech ri rachoch ri Dios, ri janila chi ruwinaq kan xkimol-apo-ki' chiri': Chi achi'a', chi ixoqi' y chi ak'uala'. Y rije' chuqa' kan xe'oq' roma bis.

Wuj Richin ri Nehemías 1:6

kan tatzu' k'a pe y tawak'axaj ri nuch'owen ri ninben yin ri asamajel ri yuqul pa samaj awik'in, ri nuk'utunik ri ninben chawech chi paq'ij chi chaq'a'. Ri ninben pa qawi' roj ri oj asamajela' ri oj yuqul pa samaj awik'in, kan ninq'alajirisaj k'a ri qamak ri xqaben chawech rat; kan jajun yin y ri aj pa rachoch kan ri nata', kan xojmakun chawech.

Wuj Richin Bix Chire ri Dios 145:18

Kan naqaj atk'o chike konojel ri ye'ajowan awichin, roma rik'in ronojel kánima at koyoben.

Wuj Richin Bix Chire ri Dios 32:5

Jari' toq xinq'alajirisaj k'a ri numak chawech, y kan man xinwewaj ta ri wetzelal. Yin xinch'ob chi ninq'alajirisaj ri numak chawech. Jari' toq rat Jehová xakuy k'a ri numak y xawelesaj chuwij ri xinwejqalej.

Wuj Richin ri Molojri'il 7:20

Kan keri', chuwech re ruwach'ulew man jun ri kan choj ruk'aslen, ri kan xaxe ta ri utz nuben y man ta nimakun.

Wuj Richin ri Isaías 56:7

wi nikiben ronojel re', yin kan xkenk'en-pe chupan ri juyu' Sión. Kan xtinben chike richin xkekikot chupan ri wachoch richin niban ch'owen wik'in. Ri poron chikopi' y ri kamelabel ri xkekisuj chuwe kan xtink'ul chikiwech, roma chikikojol ri tinamit, ri wachoch kan xtubini'aj: Jay akuchi niban-wi ch'owen rik'in ri Dios.

Wuj Richin ri Isaías 58:9

K'ari' toq xkixinwoyoj, yin kan xtink'uluba-pe ri ich'abel. Toq xkixsik'in richin nik'utuj to'onik, yin xkik'oje' iwik'in. Jak'a kan nik'atzin chi man niya' ta chik iwi' pa poqon. Chuqa' man ke'iyoq' ri ch'aqa' chik winaqi', y man ke'iq'abaj tzij chikij,

Wuj Richin ri Isaías 6:5

Jari' toq yin xinbij: ¡Wakami yin yiken! Roma ronojel ri ninbij, man e ch'ajch'oj ta, chuqa' chikikojol winaqi' ri man ch'ajch'oj ta ri kich'abel ink'o-wi. Man rik'in ri' kan xintz'et rik'in runaq'-nuwech ri rey, ri Jehová k'iytisanel richin ronojel, xicha'.

Wuj Richin ri Isaías 65:24

Kan k'a man jani k'a kinkoyoj-pe rije', toq yin kan xtink'uluba' yan qa ri kich'abel. Kan k'a man jani ketane-qa richin yech'on wik'in, yin kan xkenwak'axaj yan.

Dn 10:12

K'ari' xubij chuwe: Daniel, man taxibij-awi', roma kan chupan k'a ri q'ij toq rat xpe pan awánima chi naqasaj-awi' chuwech ri Dios, y yach'on rik'in richin nawetamaj, kan ja k'a q'ij ri' toq xak'axex ri ach'owen, y jari' toq yin xipe awik'in.

Dn 10:2

Jak'a toq man jani tiq'ax chinuwech, yin kan janila k'a xibison oxi' semana.

Dn 11:45

Y xkerupabala' ri rachoch banon rik'in tzieq, chukojol ri palou y ri juyu' ri akuchi k'o-wi ri rachoch ri Dios. Jak'a xa kan xtapon k'a chupan ri ruk'isibel q'ij chire ri ruk'aslen, y kan man jun k'a ri xtito'on richin.

Dn 9:16

Qajaw Dios, rat kan at choj-wi, y roma ri' tabana' utzil chi tik'o-qa ri awoyowal pa ruwi' ri atinamit Jerusalem, ri juyu' ri ch'aron chawe rat. Roma ri kimak ri qate-qatata', ri tinamit Jerusalem xa k'o pa jun nimalej ruk'ixbilal, chikiwech ri ch'aqa' chik tinamit.

Wuj Richin ri Zacarías 8:3

Roma ri' yin xkitzolin chik pa Jerusalem y chiri' xkik'ase-wi. K'ari' ri itinamit xtubini'aj: Nima-Tinamit ri k'o Qitzijri'il Rik'in. Y ri juyu' wichin yin xtubini'aj ri Loq'olej Juyu'.

Hechos 4:31

Toq xetane' chire ri ch'owen rik'in ri Dios, ri akuchi kimolon-wi-ki' xsilon janila. Y jari' toq nojineq chik k'a ri kánima rik'in ri Loq'olej Espíritu. Roma ri' xkichop rutzijoxik ruch'abel ri Dios, jak'a man jun xibinri'il chikiwech.

Romanos 3:23

Roma xa kan qonojel xojmakun, y man niqaq'i' ta ri k'ojlen ri nrajo' nuya' ri Dios chiqe.

Santiago 3:2

Qonojel k'iy bey xa man ja ta ri yeqaben. Y wi ta k'o jun ri man jun bey nimakun rik'in ri ruch'abel, ri wineq ri' kan tz'aqet ri ruk'aslen. Roma wi nitikir nuq'et ri ruch'abel, kan nitikir chuqa' nuben keri' rik'in chijun ri ruch'akul.

Apocalipsis 21:10

Chupan k'a ri jun achi'el achik' ri xinben, ri ángel ri xch'on wik'in xiruk'uaj k'a pa ruwi' jun nimalej juyu', y chiri' k'a ojk'o-wi toq xuk'ut chinuwech ri Jerusalem ri cha'on roma ri Dios, ruchapon-pe qajen chila' chikaj.

Apocalipsis 21:2

Y xintz'et ri k'ak'a' Jerusalem ruchapon-pe qajen chila' chikaj rik'in ri Dios. Kan jebel k'a ruchojmirisan y ruwiqon-pe ri', achi'el jun xten ri nuwiq-ri' jebel royoben ri ala' ri nik'ule-wi-el.