Dn 9:18 - Kaqchiquel Bible

¹⁸ Kan tawak'axaj k'a ri nuch'abel, tatzu-pe ri ruk'uluwachin ri tinamit ri akuchi ninatex-wi ri abi'. Yin nink'utuj re utzil re' chawe man roma ta choj ri qak'aslen chawech, xa kan roma k'a ri ruk'iyal ri ajoyowanik rat.

Dn 9:18 ပူးပေါင်းရင်းမြစ်များ

1 Rey 8:29

Ri atzubal jantape' ta k'a xtik'oje' pa ruwi' re jun jay re', chi paq'ij chi chaq'a', ri akuchi abin chi kan yak'oje' rat. Keri' kan xtawak'axaj ta k'a ri nuch'owen ri ninben awik'in, yin ri in asamajel.

2 Rey 19:16

Taya' k'a axikin Jehová y tawak'axaj ri ninbij. Tajaqa' ri awech y kinatzu'. Tawak'axaj ri ch'abel ri rutaqon-pe rubixik ri Senaquerib, toq nubij chupan ri wuj chi yaretzelaj rat ri at k'aslik Dios.

Wuj Richin Bix Chire ri Dios 116:1

Yin kan ninwajo' ri Jehová, roma toq yin xink'utuj utzil chire, rija' kan xirak'axaj.

Wuj Richin Bix Chire ri Dios 25:6

Jehová, tabana' utzil taya' chik k'a pe pa nuwi' ri awajowabal y ri awutzil ri man e k'isel ta,

Ex 3:7

Y ri Jehová xubij k'a chire: Yin kan nintz'et-wi ri tijoj-poqonal ri nuq'axaj ri nutinamit ri k'o pan Egipto, roma e ya'on pa kow taq samaj. Xinwak'axaj ri raqoj-chi'ij ri nikiben y re' kan nuya' k'a q'axo'n chuwe yin y ninjoyowaj kiwech.

Wuj Richin ri Isaías 37:17

Roma ri' kan jebel k'a taya' axikin rat Jehová, y tawak'axaj. Kan jebel tajaqa' ri runaq' taq awech y tatz'eta'. Tawak'axaj k'a ronojel ri ruch'abel ri Senaquerib, ri rutaqon-pe rubixik richin nuya' ak'ix rat, ri k'aslik Dios.

Wuj Richin ri Isaías 43:7

Kixanpe chi'iwonojel rix ri ik'uan ri nubi' yin, roma ja yin xik'iytisan iwichin, y yin xibanon iwichin, richin rix niya' nuq'ij yin.

Wuj Richin ri Isaías 64:12

Y chirij ronojel re', Jehová, ¿rat kan man jun kami xtaben qoma roj? ¿Kan man jun kami xtabij, y kan jantape' xqojaya' pa tijoj-poqonal?

Wuj Richin ri Isaías 64:6

Qonojel roj xa man oj ch'ajch'oj ta. Roj niqach'ob chi ri qabanobal kan e utzilej-wi, jak'a chawech rat xa kan achi'el jun tzieq ri tz'il-tz'il. Qonojel oj tzaqineq achi'el nitzaq ri ruxaq taq che' ri e mayirneq chik, y ri qamak yojruqirirej achi'el nuben ri kaq'iq' chike ri ruxaq taq che'.

Wuj Richin ri Jeremías 14:7

Y ri winaqi' xkibij chire: Ri qabanobal nuq'alajirisaj ri qamak y k'iy mul kan man niqaben ta ri nabij rat. Kan oj makuwineq-wi chawech. Man rik'in ri', rat Jehová kan qojakolo' k'a roma ri ruruwaq'ijaj ri abi'.

Wuj Richin ri Jeremías 14:9

¿Achike roma naben achi'el jun achin ri sachineq ruk'u'x, achi'el jun aj-labal y xa man nitikir ta nuto' ri'? Jehová rat kan atk'o pa qanik'ajal roj y konojel kan ketaman chi roj oj atinamit. Roma ri' man k'a qojamalij kan, xecha'.

Wuj Richin ri Jeremías 15:16

Toq yach'on-pe wik'in, ri ach'abel kan ninben wichin chire. Ri ach'abel jebel nuben chuwe y jari' ri nibanon chire ri wánima richin nikikot, roma yin kan in awichin rat Jehová, Dios k'iytisanel richin ronojel.

Wuj Richin ri Jeremías 25:29

Roma yin kan rik'in ri tinamit ri nucha'on, xtintikeriba' ri nabey ruk'ayewal. Kan man xkixkanej ta kan choj keri', roma yin kan xtinteq-pe ruk'ayewal pan iwi' y pa kiwi' konojel ri winaqi' re ek'o chuwech re ruwach'ulew. Kan man xtinkuy ta ri imak. Ja yin Jehová k'iytisanel richin ronojel ri yibin, xkacha' chike.

Wuj Richin ri Jeremías 36:7

Rik'in juba' xtapon ri kich'owen rik'in ri Jehová y chikijujunal nitzolin-pe kik'u'x chupan ri itzel bey ri kik'uan, roma ri Jehová kan janila yakatajineq royowal y ri royowal ri yakatajineq kan xuk'ut pa ruwi' re tinamit re', xicha' chire.

Wuj Richin ri Jeremías 37:20

Wakami k'a, tabana' utzil tawak'axaj ri k'utunik ri xtinben chawe. Man taya' q'ij richin yinkik'uaj chik el pa rachoch ri Jonatán ri aj-tz'ib roma wi xkibe chik, chiri' xkiken-wi, xicha' chire.

Ez 36:22

Roma ri' tabij k'a chike ri awinaq israelita chi ri xtinbenbana' wakami, man iwoma ta rix; xa kan roma ri nimalej nubi' ri iqasan ruq'ij ri pa taq ruwach'ulew ri akuchi ix apowineq-wi.

Ez 36:32

Y ninwajo' chi niwetamaj chi ronojel re' man xtinben ta roma ri ajowabel iwichin rix. Yin Jehová ri ink'o pa ruwi' ronojel ri yibin. Ronojel re itzel taq banobel re' ruk'amon-pe k'ixbilal chiwe rix.

Dn 9:7

Rat ajaw kan at choj-wi, jak'a roj xa sachineq qak'u'x; keri' ri ek'o pa Jerusalem, y keri' chuqa' ri ch'aqa' chik qawinaq israelita ri ek'o nej naqaj chupan ch'aqa' chik ruwach'ulew, ri akuchi xojataluj-wi rat, roma xqapaba-qi' chawech.

Wuj Richin ri Q'axanri'il 6:27

Y ri Dios xubij chik: Keri' rije' xtikinataj ri nubi' pa ruwi' ri nutinamit Israel y yin kan xtinya' ri urtisanik pa kiwi', xcha'.

1 Corintios 1:2

ninben-el re wuj re' chiwe rix molaj qach'alal ri ixk'o pa tinamit Corinto, ri ix oyon richin yixok loq'olej roma ri rusamaj ri Cristo. Rix wach'alal xixoyox roma ri Dios richin xixch'ajch'ojirisex, achi'el xuben kik'in ri ch'aqa' chik ri nikiya' ruq'ij ri qajaw Jesucristo ri ek'o pa ch'aqa' chik tinamit. Kan ja rija' k'a ri qajaw qonojel roj ri qakuquban qak'u'x rik'in.