Dn 9:15 - Kaqchiquel Bible

¹⁵ Wakami k'a, Ajaw qa-Dios roj, ja rat ri xatelesan-pe richin ri atinamit pan Egipto rik'in ri nimalej awuchuq'a', y roma ri' kan janila xanimirisaj ri abi', y kan keri' ri abanon-pe. Man rik'in ri' roj kan oj makuwineq-wi chawech; kan qabanon k'a ri itzel taq banobel.

Dn 9:15 ပူးပေါင်းရင်းမြစ်များ

1 Rey 8:51

Xtaben k'a ronojel re' roma rije' kan e awichin rat, y kan ja rat xatelesan-pe ri atinamit pan Egipto, toq ri qati't-qamama' nikik'owisaj tijoj-poqonal ri kan achi'el chupan jun horno ri janila ruk'atanal ri xek'oje-wi.

2 Rey 21:15

roma ri kibanobal kan janila k'a itzel ri nikiben chinuwech, y kan kiyakon k'a pe janila woyowal. Y re' kichapon-pe toq xe'el-pe ri kite-kitata' ri chiri' pan Egipto k'a re wakami, xcha'.

2 Crón 6:37

Y wi chupan ri ruwach'ulew ri akuchi xe'uk'uex-wi el, xtitzolin-pe kik'u'x awik'in y nikik'utuj kuyubel kimak chawe y xtikibij chi rije' xemakun, xkijel rubanik ri apixa' y xkiq'ej ruwi' jumul,

Wuj Richin ri Nehemías 1:10

Y ri xaben kik'in ri qate-qatata' chi xe'akol rik'in ri nimalej y janila awuchuq'a', keri' tabana' qik'in roj ri atinamit.

Wuj Richin ri Nehemías 1:6

kan tatzu' k'a pe y tawak'axaj ri nuch'owen ri ninben yin ri asamajel ri yuqul pa samaj awik'in, ri nuk'utunik ri ninben chawech chi paq'ij chi chaq'a'. Ri ninben pa qawi' roj ri oj asamajela' ri oj yuqul pa samaj awik'in, kan ninq'alajirisaj k'a ri qamak ri xqaben chawech rat; kan jajun yin y ri aj pa rachoch kan ri nata', kan xojmakun chawech.

Wuj Richin Bix Chire ri Dios 106:8

Man rik'in ri' ri Jehová kan xerukol roma ri rajowabal richin chi xtitz'etetej ri ruchuq'a' rija'.

Ex 13:14

Y toq ri chua'q-kabij xtikik'utuj chiqe ri qalk'ual chi achike roma kere' niqaben, roj xtiqabij k'a chike: Roj janila k'a k'iy juna' ri xojyuqe' pa samaj ri pan Egipto y k'a ja na ri Jehová ri xkolon-pe qichin, rik'in ri nimalej ruchuq'a' rija'.

Ex 13:16

Y re' kan man xtiqamestaj ta k'a, y kan xtuben chiqe chi kan achi'el jun etal chirij ri qaq'a' y ri nik'aj-qawech, roma ri Jehová rik'in ri nimalej ruchuq'a' xojrelesaj-pe pan Egipto, xcha'.

Ex 13:3

Y ri Moisés xubij chike ri winaqi': Toqaqa k'a chiqak'u'x re jun q'ij re', chupan ri ik' Abib toq ri Jehová rik'in ri nimalej ruchuq'a' xojrelesaj-pe pa tijoj-poqonal. Roma ri' kan man jun k'a chiqe roj xtutej ta kaxlan-wey ri k'o ch'amilej-q'or rik'in.

Ex 13:9

Y re' kan man xtiqamestaj ta k'a y kan xtuben chiqe chi kan achi'el jun etal chirij ri qaq'a' y ri nik'aj-qawech, richin keri' ri rupixa' ri Jehová kan jantape' xtoqaqa chiqak'u'x, roma ri Jehová rik'in ri nimalej ruchuq'a' xojrelesaj-pe pan Egipto.

Ex 14:18

Y rije' xtiketamaj chi ja yin Jehová, toq xtink'ut ri nimalej wuchuq'a' chuwech ri rey, chikiwech ri e beneq pa carruaje y chikiwech ri e beneq chirij kiej, xcha' rija'.

Ex 32:11

Xeri' ri Moisés xch'on chik rik'in ri Jehová richin ta chi nuqasaj ruwi' ri royowal y xubij chire: Ajaw Jehová, ¿achike k'a roma kan xyakatej ri aq'aq'arinen chikij ri atinamit ri xawelesaj-pe rat pan Egipto rik'in ri nimalej awuchuq'a'?

Ex 6:1

Jari' toq ri Jehová Dios xubij chire ri Moisés: Wakami xtabetz'eta' ri xtinbenbana' rik'in ri rey, rik'in ri wuchuq'a' yin. Rija' xtuya-el q'ij chiwe y xkixroqotaj-el chupan ri rutinamit, xcha' ri Jehová.

Ex 6:6

Wakami k'a kabiyin y tabebij chike ri awinaq: Ja yin Jehová, y ja yin xkinelesan-el iwichin chuxe' ri kowilej taq samaj y xkixtotej k'a el chuwech ri ilinri'il, y rik'in ri nimalej wuchuq'a', yin xtinq'et-tzij pa kiwi' rik'in nima'q taq ruk'ayewal.

Ex 9:16

Jak'a yin kan qitzij ri ninbij chawe chi kan nuya'on-wi ri ak'aslen, richin chi ri nibanatej awik'in, xtuben chi niq'alajin ri wuchuq'a' yin; y keri' kan xtinimirisex k'a ri nubi', chuwech chijun re ruwach'ulew.

Wuj Richin ri Isaías 55:13

Pa ruk'exel yebek'iy-pe ruxulu-kiej, kan xkebek'iy-pe ri che' k'isis. Chuqa' pa ruk'exel xkebek'iy-pe ri k'ix, kan xkebek'iy-pe ri q'echa'. Y re' kan xtunimirisaj ri nubi' yin Jehová, y chuqa' jun retal ri nubi' ri kan man jun bey xtik'is, nicha' ri Dios.

Wuj Richin ri Isaías 64:4

Kan man jun bey ak'axan ta, ni man jun bey tz'eton chi k'o ta chik jun Dios achi'el rat, ri nibanon chi nusiloj ri nima'q taq juyu'.

Wuj Richin ri Jeremías 14:20

Kan oj makuwineq-wi chawech, roma ri itzel taq qabanobal roj y ri etzelal ri xekiben ri qati't-qamama'. Kan oj makuwineq-wi chawech Jehová.

Wuj Richin ri Jeremías 32:10

Xban ka'i' ruwujil ri wulew y xintz'ibaj ri nubi' chupan. Chuqa' ri xetz'eton ronojel re' xkitz'ibaj kibi' chupan y k'ari' xya'ox retal. Y chirij ri' k'ari' xinwetaj ri saqipueq pa jun etabel.

Wuj Richin ri K'uxla'anik 3:42

richin niqabij chi roj kan xojmakun-wi. Kan xqapaba-qi' chuwech rija', y roma ri' rija' man xukuy ta ri qamak.

Ez 5:6

Jak'a ri winaqi' xa xkipaba-ki' y man xkitaqej ta ronojel ruwech pixa' ri nuya'on chike. Rije' kan más k'a itzel xekiben chikiwech ri winaqi' ri ek'o chikinaqaj. Rije' kan xketzelaj ri nubin chike y kan man xkiben ta.

Dn 9:5

Jak'a roj xa kan oj makuwineq-wi chawech, kan qabanalon itzel taq banobel, kan oj itzel taq winaqi' qabanon chawech, y kan xojyakatej chawij. Y pa ruwi' ri', roj xa xqach'er k'a kan qi' chire ri nubij ri jalajoj ruwech apixa'.

San Lucas 15:21

Ri ala' kan jari' xubij chire ri rutata': Táta, ximakun chuwech ri Dios, y kan ximakun chuqa' chawech rat. Man chik k'a ruk'amon ta chi nabij ak'ajol chuwe, xcha'.

San Lucas 18:13

Jak'a ri moloy méro k'a nej xk'oje-wi kan richin nich'on rik'in ri Dios, pa'el y jun lukul-wi chiri', roma chuwech rija' kan man ruk'amon ta nuyek ri runaq' taq ruwech chikaj. Rija' nubajila' k'a ruwa-ruk'u'x, y nubij k'a chire ri Dios: Tajoyowaj nuwech, roma yin in jun aj-mak chawech, nicha'.

2 Corintios 1:10

Y ja rija' ri xojkolon-pe chuwech ri kamik ri', y kan keri' xtuben. Kan qakuquban k'a qak'u'x rik'in chi re beneq-apo kan xqojrukol-wi k'a chuwech ri kamik achi'el ri rubanon-pe qik'in.

Deut 5:15

Toqaqa k'a chi'ik'u'x toq xixxime' pa samaj pan Egipto, y yin Jehová ri in i-Dios rik'in k'a wuchuq'a' xixinwelesaj-pe, y roma ri xinben iwik'in, roma ri' k'o chi nichajij ri q'ij richin uxlanen.