Dn 9:13 - Kaqchiquel Bible

¹³ Kan xpe k'a ri ruk'ayewal pa qawi' achi'el ri tz'ibatel kan chupan ri wuj richin ri pixa' ri ruya'on kan ri Moisés. Man rik'in ri' kan man at qakanon ta k'a y man qaya'on ta kan ri itzel banobel, richin ta chi yojbiyin pa ruchojmilal chawech rat.

Dn 9:13 ပူးပေါင်းရင်းမြစ်များ

2 Rey 22:16

Kere' nubij ri Jehová: Yin xtink'en-pe jun ruk'ayewal pa kiwi' konojel ri aj-Judá y ri kiruwach'ulew, kan achi'el nubij ronojel ri tz'ibatel kan chupan ri wuj ri xasik'ij rat.

Wuj Richin ri Achin Job 36:13

Ri winaqi' ri maneq Dios chikiwech, kan nitike' ri koyowal ri pa taq kánima, y stape' ek'o pa ruk'ayewal, man nikik'utuj ta kito'ik chire ri Dios.

Wuj Richin Bix Chire ri Dios 119:18

Tajaqa' k'a ri runaq'-nuwech jebel, richin chi nintz'et ri utzilej taq ch'abel ri ek'o chupan ri apixa'.

Wuj Richin Bix Chire ri Dios 119:27

Tabana' chuwe chi niq'ax chinuwech ri apixa', roma yin kan ninwajo' yich'obon pa ruwi' ri meyel taq abanobal.

Wuj Richin Bix Chire ri Dios 119:73

Ja rat Jehová xanuk'u wichin richin xinaben. Tabana' k'a chuwe richin ta niq'ax chinuwech y xtinwetamaj ri apixa'.

Wuj Richin Bix Chire ri Dios 85:4

Qa-Dios y qakolonel roj, tabana' utzil qojakolo' chik wakami, y taq'ata' ri awoyowal ri aya'on pa qawi'.

Wuj Richin ri Isaías 31:1

Toq'ex iwech rix ri yixbe pan Egipto richin nibeto-iwi' chiri', ri nikuquba' ik'u'x kik'in ri kikiej, ri nikuquba' ik'u'x kik'in ri janila chi carruaje, y chi kan janila kuchuq'a' ri yech'oke' chirij kiej. Jak'a xa man niya' ta itzubal rik'in ri Loq'olej qa-Dios, y man nikanoj ta ri Jehová.

Wuj Richin ri Isaías 42:9

Re wakami k'a, xk'uluwachitej yan ronojel ri nubin-pe ojer. Y re wakami kan ninya' rutzijol ri k'ak'a' meyel taq banobel, rokik man jani tel pe chuwa saqil.

Wuj Richin ri Isaías 43:22

Jak'a k'a re wakami rix israelita xa kan man inatan ta ri nubi', xa kan xik'o ik'u'x wik'in.

Wuj Richin ri Isaías 64:6

Qonojel roj xa man oj ch'ajch'oj ta. Roj niqach'ob chi ri qabanobal kan e utzilej-wi, jak'a chawech rat xa kan achi'el jun tzieq ri tz'il-tz'il. Qonojel oj tzaqineq achi'el nitzaq ri ruxaq taq che' ri e mayirneq chik, y ri qamak yojruqirirej achi'el nuben ri kaq'iq' chike ri ruxaq taq che'.

Wuj Richin ri Isaías 64:7

Man jun chike ri qawinaq ri nunataj ta ri abi', y man jun najowan nuto-ri' awik'in. Roma ri' rat kan man atk'o ta chik qik'in, y kan xojamalij kan roma ri qamak.

Wuj Richin ri Isaías 9:13

Jak'a rije' xa man xtzolej ta kik'u'x rik'in ri Dios, ni man xkikanoj ta ri Jehová k'iytisanel richin ronojel, stape' rija' xuya' tijoj-poqonal pa kiwi'.

Wuj Richin ri Jeremías 2:30

Xa man jun xuq'ajuj richin xixinjich'aj, rix y ri iwinaq, roma xa man xik'ul ta ri nupixa'. Roma chaq k'ate' xe'ikamisaj ri e q'alajirisey nuch'abel achi'el nuben ri koj.

Wuj Richin ri Jeremías 30:14

Konojel k'a ri xe'ajowan iwichin xa xixkimalij kan y man yixkikanoj ta chik. Roma ri imak kan man ajlatel ta, roma ri' kan xinya' rutojbalil pan iwi' y yin kan xixinch'ey kow achi'el xa ja ta ri e etzelanel iwichin ri xixch'ayon.

Wuj Richin ri Jeremías 31:18

Yin kan wak'axan k'a ri koq'ej ri winaqi' israelita toq xkibij: Roj ri pa nabey kan man oj choj ta, achi'el k'a jun nima-alaj achij wákix ri man choj ta nisamej. Jak'a rat kan xaben chiqe richin choj xojsamej. Tabana' k'a chiqe richin yojtzolin pa qaruwach'ulew, roma ja rat Jehová ri at qa-Dios.

Wuj Richin ri Jeremías 44:23

Roma xixmakun chuwech ri Jehová y xisuj pom chikiwech ch'aqa' chik dios y man xinimaj ta ri xubij chiwe y man xitaqej ta ronojel pixa' ri ya'on chiwe, roma ri' xpe k'a re jun ruk'ayewal re' pan iwi' achi'el re wakami.

Wuj Richin ri Jeremías 44:27

Roma yin kan ixintzuliben richin xtinya' k'a pe ruk'ayewal pan iwi' rix ri ixk'o pa ruwach'ulew Egipto y kan xkixink'is chi espada o rik'in wayjal.

Wuj Richin ri Jeremías 5:3

Jehová, ¿man ja ta kami ri qitzij nakanoj rat? Rat xaya' rutojbalil-mak pa kiwi' y man xeq'axomer ta; xaya' wululen pa kiwi', jak'a man xkajo' ta xatkinimaj. Kan xkikowirisaj k'a ri kánima, más chuwech ri abej y kan man xkajo' ta xetzolin chupan ri utzilej bey.

Wuj Richin ri K'uxla'anik 5:21

Tajoyowaj chik k'a qawech Jehová, richin kan xtitzolej chik k'a qak'u'x awik'in. Tabana' chi xqojkikot achi'el ri ojer kan.

Ez 16:43

Xtibek'uluwachitej re' roma rat kan man noqaqa ta chi'ak'u'x achike rubanik toq yin xatinyek-q'anej y xa xaben achi'el jun ixoq itzel ruk'aslen, y roma ri' yin xyakatej janila woyowal. Y jak'a re wakami xtinben chawe chi xtiqaqa ri rutojbalil-mak pan awi',

Dn 9:11

Qonojel k'a roj israelita xa xqaq'ej ruwi' ri apixa'. Xqach'er k'a kan qi' richin man xqanimaj ta ri atzij. Y xa roma ri' xqaqa ri ruk'ayewal pa qawi', achi'el ri tz'ibatajineq kan chupan ri wuj richin ri pixa' ri ruya'on kan ri asamajel Moisés.

Os 7:10

Ri kinimirisanen ri aj-Israel, kan jari' k'a ri niq'alajirisan chikipalej ri kibanik. Jak'a rije' kan man xtzolej ta kik'u'x rik'in ri Jehová ri ki-Dios. Kan man xkikanoj ta chik rija'.

Os 7:14

Man xinkoyoj ta k'a rik'in ronojel kánima, stape' kan kiqasan-ki' k'a pan ulew kan xkisokola' k'a qa ki'. Richin chi xkik'utuj ri ki-trigo y ri ki-vino, xa xkipaba' k'a ki' chinuwech yin.

Os 7:7

Y rik'in ri kiq'aq'arinen ri' xekikamisaj k'a ri to'onela'. Konojel ri ki-rey xa chi jujun xekamisex. Jak'a kan man jun chike rije' ri xuk'utuj ta to'onik chuwe yin, ncha' ri Jehová.

San Lucas 24:45

K'ari' rija' xuben chike richin tiq'ax chikiwech ri ruch'abel ri Dios ri tz'ibatel kan.

San Juan 10:35

Kan qetaman k'a chi ri ruch'abel ri Dios kan qitzij richin jantape'. Rija' kan xubij dios chike ri achoq chire xuya-wi ri ch'abel ri'.

San Juan 6:45

Kan tz'ibatel k'a chuqa' koma ri xeq'alajirisan ruch'abel ri Dios ojer kan, chi konojel k'a winaqi' xketijox roma ri Dios.*f8* Y ri achike k'a ri nrak'axaj ri ruch'abel ri nata' Dios y nretamaj, kan xtipe k'a chinukanoxik.

San Juan 8:32

Xtiwetamaj k'a chuqa' achike ri' ri qitzij, y ri' xtuben chiwe chi yixtotej, xcha'.

Efesios 4:21

roma ix tijon rik'in ri tijonik ri richin rija'. Kan ik'ulun-wi k'a ri tijonik ri ya'on roma rija', ri kan qitzij wi.

Deut 29:4

Stape' rik'in ronojel re xitz'et, rix kan man niq'ax ta chiwech.

Santiago 1:5

Y wi ek'o qach'alal chi'ikojol ri nikajo' chi nik'oje' kina'oj, tikik'utuj chire ri Dios. Y rija' kan man xtupoqonaj ta xtuya-pe k'iy chike. Keri' nuben qik'in qonojel ri yojk'utun, y man jun achike ta xtubij chiqe.