Dn 9:12 - Kaqchiquel Bible

¹² Rat kan xataqej k'a ronojel ri abin-pe pa qawi' roj y pa kiwi' ri aj-raqen y pa kiwi' ri e q'atoy taq tzij, roma kan xaya' pa qawi' ri jun nimalej ruk'ayewal. Kan man jun bey k'a banatajineq rik'in jun chik ruwach'ulew ri achi'el ri xuk'uluwachij ri tinamit Jerusalem.

Dn 9:12 ပူးပေါင်းရင်းမြစ်များ

1 Rey 3:9

Tabana' utzil chuwe yin ri in asamajel chi tanojisaj ri wánima rik'in na'oj, richin keri' xkitikir xtinq'et-tzij pa ruwi' ri atinamit roma, ¿achike ta k'a nitikir niq'aton-tzij pa ruwi' ri atinamit, roma kan janila nim?, xcha'.

2 Rey 22:16

Kere' nubij ri Jehová: Yin xtink'en-pe jun ruk'ayewal pa kiwi' konojel ri aj-Judá y ri kiruwach'ulew, kan achi'el nubij ronojel ri tz'ibatel kan chupan ri wuj ri xasik'ij rat.

Wuj Richin ri Achin Job 12:17

Rija' kan nuben k'a chike ri yepixaban chi nik'is ch'abel kik'in, y nuben nakaneq chike ri to'onela'.

Wuj Richin Bix Chire ri Dios 148:11

konojel ri e rey kichin ri ruwach'ulew y konojel ri winaqi', ri e tata'al y konojel ri aj-raqen pa kiwi' ri winaqi';

Wuj Richin Bix Chire ri Dios 2:10

Chike ri rey y ri tata'al kichin ri tinamit, xubij: Tiq'ax k'a chiwech y tibana' re ninbij chiwe.

Wuj Richin Etamabel-Tzij 8:16

Y kan woma chuqa' yin toq ri e tata'al pa taq ruwach'ulew yetikir yeq'aton-tzij, woma k'a yin, toq ri winaqi' k'o kik'ojlen, yeq'aton-tzij chuwech re ruwach'ulew.

Wuj Richin ri Isaías 43:28

Roma ri' xtinqasaj kiq'ij ri i-sacerdote, xtinya' q'ij chi ri iwinaq israelita xkeyojobex, y k'ari' xkek'is.

Wuj Richin ri Isaías 44:26

Ja yin ri yibanon richin xtibanatej ri nikik'utuj ri e nusamajela', y chuqa' ja yin yibanon chi xtibanatej ri nikibij rije' pa ruwi' ri xtibanatej-apo, chi ri Jerusalem xkek'oje' chik winaqi' chupan, y chuqa' ri ch'aqa' chik tinamit richin ri Judá. Y kan xkepabex chik jun bey.

Wuj Richin ri Jeremías 30:7

Kan xtinaqajub k'a pe jun q'ij richin q'axo'n. Kan man jun chik k'a q'ij q'axineq achi'el ri q'ij ri' y ri q'ij ri' kan richin bis kichin ri e rijatzul kan ri Jacob, jak'a yin Jehová kan xkixinkol k'a.

Wuj Richin ri Jeremías 32:23

Rije' xe'ok k'a chupan ri ruwach'ulew ri', jak'a xa man xkinimaj ta ri atzij, ni man xkiben ta achi'el nubij ri apixa'. Kan man jun k'a xkiben chire ronojel ri xabij chike k'a re wakami, roma ri' rat xaben chi xpe jun ruk'ayewal pa qawi'.

Wuj Richin ri Jeremías 39:16

Kabiyin richin yabech'on rik'in ri Ebed-mélec ri aj-Etiopía y tabij chire: Kere' nubij ri Jehová k'iytisanel richin ronojel, ri Dios richin Israel: Re wakami yin xtinben ri nubin pa ruwi' re tinamit re' chi xtinya' ruk'ayewal pa ruwi', y man richin ta ri utz. Y ri q'ij ri richin ri ruk'ayewal ri' chawech k'a rat xtibanatej-wi.

Wuj Richin ri Jeremías 44:23

Roma xixmakun chuwech ri Jehová y xisuj pom chikiwech ch'aqa' chik dios y man xinimaj ta ri xubij chiwe y man xitaqej ta ronojel pixa' ri ya'on chiwe, roma ri' xpe k'a re jun ruk'ayewal re' pan iwi' achi'el re wakami.

Wuj Richin ri K'uxla'anik 1:12

Y rix ri janipe' yixq'ax chupan ri bey, kixpa'e' y titz'eta'. Tich'obo-qa wi k'o ta chik jun q'axo'n, achi'el re q'axo'n re qajineq pa qawi' roj. Ri Jehová kan xuya' k'a pe re tijoj-poqonal re' pa qawi' toq xyakatej janila royowal chiqij.

Wuj Richin ri K'uxla'anik 2:13

Man jun yitikir ninben richin yixinto', rix nuwinaq aj-Jerusalem. Man jun yitikir ninbij richin ninkuquba' ik'u'x. Ri tinamit kan man jun bey chik xtibe pa jotol, roma ri wululen. Y roma ri' ¿achike ta k'a xtitikir xtelesan ri q'axo'n ri k'o iwik'in?

Wuj Richin ri K'uxla'anik 2:17

Ri Jehová kan xuben k'a ri rubin-pe pa qawi'. Kan xutaqej k'a ri ruch'abel ri xubij-pe chiqij ri ojer kan. Xuk'is k'a ronojel y man xujoyowaj ta qawech. Xunimirisaj k'a ri kuchuq'a' ri nich'upun kik'u'x chiqij.

Wuj Richin ri K'uxla'anik 4:6

Ri nuwinaq kan xeya'ox pa tijoj-poqonal. Kan xik'o k'a ruwi' chuwech ri ruk'ayewal ri xya'ox pa kiwi' ri aj-Sodoma, roma ri aj-Sodoma kan pa jun ramaj xeruk'is ri Dios.

Ez 13:6

Nikibij chi k'o ri nik'utumej chikiwech, jak'a xa yesach. Nikibij ri peteneq chikiwech-apo, jak'a xa man qitzij ta ri nikibij. Kan pa nubi' yin yech'on-wi, jak'a xa man ja ta yin ri in taqayon-el kichin. Y pa ruwi' ri', kan nikoyobej chi nibanatej ri nikibij.

Ez 5:9

Roma ri itzel taq wachibel ri xiya' kiq'ij, roma ri' xtinbenbana' k'a chiwe ri man jun bey nubanon y man jun bey chik xtinbenbana'.

Dn 12:1

Xtapon k'a ri ruq'ijul, y xtipe k'a ri ángel Miguel, ri chajinel richin ri atinamit. Ri q'ij ri' kan q'ij k'a richin q'axo'n, y kan man jun bey k'a banatajineq-pe keri', pa rutikeribel janipe' ek'o-pe ri winaqi', k'a toq xtapon ri q'ij ri'. Y chupan k'a ri q'ij ri' ri atinamit rat kan xkekolotej k'a chuwech ri tijoj-poqonal konojel ri tz'ibatel kibi' chupan ri wuj.

Joel 2:2

Ri q'ij ri', jun q'ij richin q'equ'm, jun q'ij richin sutz' y richin muj. Toq xkepe ri e etzelanel qichin kan xkepe achi'el jun nimalej tzobaj sak'. Y rije' kan xketz'et xkebiyin anineq pa ruwi' ronojel taq juyu', achi'el nitz'et toq nibiyin ri saqil pa ruwi' taq juyu' toq niseqer-pe. Man jun bey kitz'eton ri qate-qatata', ni man jun bey xtitz'et koma ri qijatzul.

Am 3:2

Kan xaxe rix ri xixincha' chikikojol konojel ruwach'ulew richin xixok wichin. Roma ri' xkixinpixabaj roma ri imak.

Wuj Richin ri Zacarías 1:6

Ri nuch'abel ri xinbij chike ri nusamajela' e q'alajirisey nuch'abel kan xbanatej kik'in ri ite-itata'. Jak'a toq rije' xtzolej-pe kik'u'x wik'in, xkibij chi yin kan xinben kik'in achi'el ri ruk'amon, roma rije' kan itzel ri kibanobal. Y roma ri' xinben kik'in achi'el ri xinch'ob, xcha' ri Dios.

Wuj Richin ri Zacarías 1:8

Y jare' ri xk'utumej chinuwech pa jun tokoq'a': Xintz'et k'a chi jun achin ch'okol chirij jun kiej keq rij. Y pa'el k'a pa jun taq'aj kojol juyu', chikikojol q'echa'. Y chirij-el rija' ek'o jun tzobaj kiej. Ek'o keq, ek'o k'aqo'j, y seq kij.

Wuj Richin ri Zacarías 7:12

Xa xikowirisaj ri iwánima richin man xiya' ta iwak'axabal chire ri pixa', ni chuqa' chire ri nuch'abel ri xinteq-pe ri ojer kan koma ri e q'alajirisey nuch'abel. Y roma ri' yin xyakatej janila woyowal.

San Mateo 24:21

Kan jari' toq xtik'o ruwi' ri tijoj-poqonal ri xtipe; jun tijoj-poqonal ri man jun bey k'uluwachitajineq ta pa ruwi' re ruwach'ulew, k'a re wakami chupan re qaq'ijul roj. Y chuqa' man jun bey chik xtik'uluwachitej.

San Mateo 5:18

Roma kan qitzij ninbij chiwe, chi ronojel ri tz'ibatel kan chupan ri pixa', kan xkebanatej-wi. Re ruwach'ulew y re kaj xa xkek'is k'a. Jak'a ri e tz'ibatel kan chupan ri pixa' kan xkebanatej-wi, y man jun xtik'oje' kan chaq keri'.

Marcos 13:19

Chupan ri ruq'ijul ri' kan xtik'o k'a ruwi' ri tijoj-poqonal ri xtipe; jun tijoj-poqonal ri man jun bey k'uluwachitajineq ta pa ruwi' re ruwach'ulew jampe' ri banon kan roma ri Dios, k'a re wakami chupan re qaq'ijul roj. Y chuqa' man jun bey chik xtik'uluwachitej.

San Lucas 21:22

Roma toq xtapon k'a ri q'ij richin ri tijoj-poqonal, jari' k'a toq ri tinamit xtuk'ul rutojbalil ronojel ri e rubanalon, y kan xtibanatej k'a achi'el ri tz'ibatel kan chupan ri ruch'abel ri Dios.

Romanos 15:8

Keri' ninbij chiwe, roma ri Cristo xpe richin xojruto' qonojel roj judío, richin xuk'ut chiqawech chi ri Dios kan nuben-wi achi'el ri xubij chike ri ojer taq qati't-qamama'.