Dn 9:11 - Kaqchiquel Bible

¹¹ Qonojel k'a roj israelita xa xqaq'ej ruwi' ri apixa'. Xqach'er k'a kan qi' richin man xqanimaj ta ri atzij. Y xa roma ri' xqaqa ri ruk'ayewal pa qawi', achi'el ri tz'ibatajineq kan chupan ri wuj richin ri pixa' ri ruya'on kan ri asamajel Moisés.

Dn 9:11 ပူးပေါင်းရင်းမြစ်များ

2 Rey 18:12

Rije' xkik'uluwachij keri' roma kan man xkinimaj ta rutzij ri Jehová ri ki-Dios. Xa kan xkiq'ej k'a ri rujikibel-tzij. Ronojel ri rubin ri Moisés ri rusamajel, rije' man xkak'axaj ta k'a ni man xkiben ta.

2 Rey 22:16

Kere' nubij ri Jehová: Yin xtink'en-pe jun ruk'ayewal pa kiwi' konojel ri aj-Judá y ri kiruwach'ulew, kan achi'el nubij ronojel ri tz'ibatel kan chupan ri wuj ri xasik'ij rat.

Wuj Richin ri Isaías 1:3

Ri taq bóyix y ri taq bur ketaman ruwech ri kajaw, y ketaman achike niya'on kiway. Jak'a rix nuwinaq israelita man iwetaman ta nuwech; rix nutinamit kan maneq iwetamabal.

Wuj Richin ri Isaías 43:28

Roma ri' xtinqasaj kiq'ij ri i-sacerdote, xtinya' q'ij chi ri iwinaq israelita xkeyojobex, y k'ari' xkek'is.

Wuj Richin ri Jeremías 16:11

K'ari' rat Jeremías, xtabij chike chi roma ri iwati't-imama' xinkimalij kan y xebe chikij ch'aqa' chik dios richin chi nikiya' kiq'ij y xekisamajij y man xkiben ta ri nubij ri pixa'.

Wuj Richin ri Jeremías 2:29

¿Achike roma yixch'ojin wik'in yin wakami? Roma chi'iwonojel rix xa xixyakatej chuwij. Ja yin Jehová ri yibin.

Wuj Richin ri Jeremías 30:14

Konojel k'a ri xe'ajowan iwichin xa xixkimalij kan y man yixkikanoj ta chik. Roma ri imak kan man ajlatel ta, roma ri' kan xinya' rutojbalil pan iwi' y yin kan xixinch'ey kow achi'el xa ja ta ri e etzelanel iwichin ri xixch'ayon.

Wuj Richin ri Jeremías 32:23

Rije' xe'ok k'a chupan ri ruwach'ulew ri', jak'a xa man xkinimaj ta ri atzij, ni man xkiben ta achi'el nubij ri apixa'. Kan man jun k'a xkiben chire ronojel ri xabij chike k'a re wakami, roma ri' rat xaben chi xpe jun ruk'ayewal pa qawi'.

Wuj Richin ri Jeremías 40:3

Y kan xuben achi'el xubij, roma rix xixmakun chuwech y man xiwak'axaj ta ri xubij chiwe. Roma ri' xpe re ruk'ayewal re' pan iwi' rix.

Wuj Richin ri Jeremías 44:22

Jak'a ri Jehová man nukoch' ta chik ri itzel taq ibanobal ri ye'ibanala'. Roma ri' ri qaruwach'ulew wakami k'o pa wululen y man jun k'o chiri'. Kan xok k'a jun k'ambel-tzij richin qajineq itzel pa ruwi', y wakami kan nak'en rukiy toq natz'et.

Wuj Richin ri Jeremías 44:23

Roma xixmakun chuwech ri Jehová y xisuj pom chikiwech ch'aqa' chik dios y man xinimaj ta ri xubij chiwe y man xitaqej ta ronojel pixa' ri ya'on chiwe, roma ri' xpe k'a re jun ruk'ayewal re' pan iwi' achi'el re wakami.

Wuj Richin ri Jeremías 6:19

Ninbentaqa' k'a pe jun nimalej ruk'ayewal pa ruwi' re tinamit re' roma ri itzel taq kich'obonik. Man xkinimaj ta ri nuch'abel y xa kan xketzelaj kan ri nupixa'.

Dn 9:13

Kan xpe k'a ri ruk'ayewal pa qawi' achi'el ri tz'ibatel kan chupan ri wuj richin ri pixa' ri ruya'on kan ri Moisés. Man rik'in ri' kan man at qakanon ta k'a y man qaya'on ta kan ri itzel banobel, richin ta chi yojbiyin pa ruchojmilal chawech rat.

Dn 9:5

Jak'a roj xa kan oj makuwineq-wi chawech, kan qabanalon itzel taq banobel, kan oj itzel taq winaqi' qabanon chawech, y kan xojyakatej chawij. Y pa ruwi' ri', roj xa xqach'er k'a kan qi' chire ri nubij ri jalajoj ruwech apixa'.

Wuj Richin ri Zacarías 1:6

Ri nuch'abel ri xinbij chike ri nusamajela' e q'alajirisey nuch'abel kan xbanatej kik'in ri ite-itata'. Jak'a toq rije' xtzolej-pe kik'u'x wik'in, xkibij chi yin kan xinben kik'in achi'el ri ruk'amon, roma rije' kan itzel ri kibanobal. Y roma ri' xinben kik'in achi'el ri xinch'ob, xcha' ri Dios.

Wuj Richin ri Zacarías 7:12

Xa xikowirisaj ri iwánima richin man xiya' ta iwak'axabal chire ri pixa', ni chuqa' chire ri nuch'abel ri xinteq-pe ri ojer kan koma ri e q'alajirisey nuch'abel. Y roma ri' yin xyakatej janila woyowal.

Wuj Richin ri Zacarías 8:13

Ri ojer kan xixok etzelanik chikikojol ri ruwach'ulew. Jak'a chiwech-apo, rix winaqi' aj-Judá y ri aj-Israel, xkixinkol y xkixok jun urtisanik. Roma ri' man k'a tik'oje' xibinri'il iwik'in; xa kan tik'oje' iwuchuq'a'.

Deut 8:20

Achi'el k'a nuben ri Jehová chike ri winaqi' richin ri ruwach'ulew ri yerujech pan iq'a', keri' chuqa' xtuben chiwe rix wi man xtiqataqej ta ri ruch'abel ri Jehová ri qa-Dios.