Dn 8:8 - Kaqchiquel Bible

⁸ Ri achij tzuntzun ri' kan janila k'a xnimer ri ruchuq'a', y rokik ri', ri jun nimalej ruk'a' ri k'o kojol runaq'-ruwech xa xq'aj-el, y pa ruk'exel ri' xebe'el chik pe kaji' nima'q uk'a' ri kan yeq'alajin pa xaman, pa xokon, pa relebel-q'ij y pa qajbel-q'ij.

Dn 8:8 ပူးပေါင်းရင်းမြစ်များ

2 Crón 26:16

Jak'a toq xuna' chi k'o chik ruchuq'a' jebel chupan ri ruq'atbal-tzij, jari' toq janila xunimirisaj-ri', y jari' xbanon chire chi xtzaq. Rija' man xunimaj ta ri rutzij ri Jehová ri ru-Dios, y roma ri' ja rija' xbeporon ri pom pa rachoch ri Jehová pa ruwi' ri porobel.

Ester 9:4

roma rija' xok jun nimalej aj-raqen chupan ri q'atbel-tzij richin ri rey Asuero, y ri runimirinen q'ij-q'ij beneq pa jotol. Roma ri' ri rutzijol xtalutej pa ronojel nima'q taq ruwach'ulew.

Wuj Richin ri Jeremías 49:36

Xabakuchi k'a xkepe-wi ri e etzelanel iwichin y xabakuchi xkixintaluj-wi-el chupan chijun ri ruwach'ulew.

Wuj Richin ri Jeremías 5:27

Kan nikinojisaj ri kachoch rik'in ronojel ri keleq', achi'el toq yenoj ri taq jay kichin ri aj-xik' taq chikopi'. Roma ri' xebeyomer-q'anej.

Ez 16:7

Y xinben chawe chi xawinaqir achi'el ri q'ayis toq kan pa ruk'iyal nibek'iy-pe. Y toq xanimer-q'anej xatok achi'el jun xten, xebenimer-pe ri ruwa taq ak'u'x y xek'iy-qa ri rusumal taq awi'. Kan xatok k'a el jun xten, xaxe k'a man jani k'o atziaq.

Ez 28:9

Y chupan ri q'ij ri', ¿xkatikir kami rat xtapaba-awi' chikiwech ri yekamisan awichin? ¿Y xkatikir kami xtabij chi rat kan at jun dios? Ni, rat xa at jun achin y man at jun dios ta, y roma ri' xa kan atk'o chik pa ruq'a' ri nikamisan awichin.

Dn 11:4

Jak'a chirij rija', xa xtich'aratej pa kaji' ri ruq'atbal-tzij, y xtiya'ox k'a chike ch'aqa' chik ri xa man e rijatzul ta rija'. Y ri kaji' q'atbel-tzij ri' kan man xtik'oje' ta kuchuq'a' achi'el ri ruq'atbal-tzij rija'.

Dn 4:31

Kan k'a yinajin na k'a chi ch'owen toq xinwak'axaj jun ch'abel ri peteneq chila' chikaj, y xubij chuwe: Tawak'axaj rat rey Nabucodonosor, ri awajawaren xa xelesex yan k'a pan aq'a'.

Dn 5:20

Jak'a toq xunimirisaj-ri' y ri ránima kan xukowirisaj rik'in ri runimirisanen, xa kan xelesex k'a el chupan ri rajawaren, y ronojel ri ruwaq'ijaj kan xelesex chire.

Dn 7:2

Yin xintz'et k'a chupan ri wachik' chi xpe jun nimalej kaq'iq' pa relebel-q'ij, pa xokon, pa qajbel-q'ij y pa xaman. Y re kaq'iq' re' kan janila k'a nusiloj ruwi' ri palou.

Dn 7:6

Y ri rox chikop ri xintz'et kan achi'el k'a rubanik jun balma. K'o k'a kaji' rujolon y kaji' ruxik', achi'el kixik' ri aj-xik' taq chikopi', y kan xya'ox k'a janila uchuq'a' chire richin nich'akon.

Dn 8:22

Y chirij ri uk'a' ri', ri kaji' ri xbek'ulun-pe pa ruk'exel; nel chi tzij kaji' q'atbel-tzij ri xkebeyakatej-pe chupan ri ajawaren ri', xaxe k'a man junan ta kuchuq'a' rik'in ri nabey.

Dn 8:5

Rokik k'a ninch'ob rij ronojel re', xintz'et k'a chi peteneq jun achij tzuntzun re kere' pa qajbel-q'ij. Kan pa kaq'iq' k'a peteneq-wi y k'o k'a jun ruk'a' kojol runaq'-ruwech.

Dn 8:7

Y ri tzuntzun xuq'ej y xuwulaj k'a ri ka'i' ruk'a' ri achij karne'l, y ri karne'l xa kan man jun chik k'a ruchuq'a' richin ta xuto-ri'. Chirij ri' ri tzuntzun xuqasaj k'a pan ulew ri achij karne'l, xpa'e' chirij y kan man jun xkolon pa ruq'a'.

San Mateo 24:31

Y jak'a chuqa' ri' toq ri trompeta xtiq'ajan, y yin xkenteq k'a ri nu-ángel chikimolik ri e nucha'on chik. Kan xkekimol-wi k'a pe re kere' pa relebel-q'ij y pa qajibel-q'ij, pa xokon y pa xaman. Kan xkekimol-wi k'a pe ri akuchi nitiker-pe ri jun rutza'n re kaj, k'a la jun chik rutza'n.

Marcos 13:27

Jari' toq yin xkenteq ri nu-ángel chikoyoxik ri e nucha'on chik. Kan xkekimol k'a pe re kere' pa relebel-q'ij, pa qajibel-q'ij, pa xaman y pa xokon. Kan xkekimol k'a pe chijun ruwach'ulew, nitiker-pe pa jun rutza'n re kaj napon k'a la jun chik rutza'n.

Deut 31:20

Y toq yin xkenkusaj-apo chupan ri ruwach'ulew ri akuchi niwachin-wi ronojel ruwech tiko'n, ri ruwach'ulew ri kan nuya'on nutzij chire chi chike ri ite-itata' ninya-wi, toq rije' xewa-xe'uk'ya' yan richin xech'uch'u' y xeti'ojir yan, jari' toq xtikiya' kiq'ij ch'aqa' chik dios y xkinkimalij kan yin y xtikiq'ej ruwi' ri nujikibel-tzij.

Apocalipsis 7:1

Chirij ri' xintz'et k'a chi e kaji' ángel e pa'el pa jujun chike ri kaji' rukajtz'uk ri ruwach'ulew, kiq'aton ri kaji' ruwech kaq'iq', richin chi man ye'apon pa ruwi' ri ruwach'ulew, pa ruwi' ri palou, y pa kiwi' ri che'.