Dn 8:4 - Kaqchiquel Bible

⁴ Y xintz'et chi ri karne'l ri' nuben chi nitoq'on ri keri' pa qajbel-q'ij, pa xaman y pa xokon, y kan man jun k'a chikop ri nitikir ta nupaba-ri' y nukol ta el ri' chuwech roma ri ruchuq'a'. Kan nuben k'a ronojel ri achike ri niqa' chuwech y ri karne'l ri' kan janila k'a xnimer.

Dn 8:4 ပူးပေါင်းရင်းမြစ်များ

1 Rey 22:11

Y jun k'a chike rije' ri rubini'an Sedequías, ruk'ajol ri Quenaaná, e rubanon ka'i-oxi' ruwachibel uk'a' rik'in q'eqapueq, y rija' xuq'alajirisaj k'a: Kere' nubij ri Jehová: Rik'in k'a re uk'a' re' xke'ikoq'ila-wi ri aj-Siria achi'el nitoq'on jun wákix, k'a toq xkek'is na pan iq'a', xcha' chike.

Wuj Richin ri Achin Job 10:7

Stape' rat kan jebel awetaman chi yin kan man in aj-mak ta, man rik'in ri' kan pan aq'a' ink'o-wi, y man jun ri xtitikir xtikolon wichin.

Wuj Richin Bix Chire ri Dios 44:5

Rik'in k'a ri ato'onik rat xkeqatzeq ri e etzelanel qichin. Pan abi' k'a rat xqojch'akon chikij ri e yakatajineq chiqij.

Wuj Richin Bix Chire ri Dios 50:22

Chi'iwonojel ri imestan kan ri Dios, tiq'ax k'a chiwech wakami; man xa xkixink'ajij y kan man jun k'a xkixkolon pa nuq'a'.

Wuj Richin Bix Chire ri Dios 7:2

Roma rik'in juba' nikelesaj ri nuk'aslen y xkinkiwech' achi'el nuben jun koj, y kan man jun xkikolon pa kiq'a'.

Ez 34:21

Rix aj-raqen kan niben chike richin nikitej poqon ri ch'aqa' chik iwinaq achi'el nikiben ri karne'l e ti'oj chike ri taq e baq. Rije' yekitoq'-el y yekinim-el ri e baq y keri' nikiben chike richin ye'animej-el.

Dn 11:16

Ri rey richin Siria kan xtuben k'a ri xtiqa' chuwech rija', y kan man jun k'a ri xtupaba' ta ri' chuwech. Chuqa' xtik'oje' k'a kan chupan ri aruwach'ulew Israel, y kan ronojel k'a xtuk'is rik'in ri ruchuq'a'.

Dn 11:36

Toq xtapon k'a ri q'ij ri', ri rey kan xtiberubana' k'a ronojel ri niqa' chuwech rija'. Kan janila k'a xtunimirisaj-ri', y xtuna' chi ja rija' ri más nim ruq'ij chikiwech konojel dios. Y pa ruwi' ri' kan xtuyoq' k'a ri k'aslik Dios. Kan utz k'a xtel chuwech ronojel ri xkeruben, k'a toq ri Dios xtuya' ri rutojbalil-mak pa ruwi', roma ri bin-pe pa ruwi' kan xtibanatej k'a.

Dn 5:19

Roma ri nimirinen ri xya'ox chire roma ri Dios, ri winaqi' richin chijun ruwach'ulew, kan xkik'en rukiy y xkiya' ruq'ij. Rija' kan xuben k'a ronojel ri xqa' chuwech: Xerukamisaj ri xrajo' y xuya' q'ij chi yek'ase' ri xrajo'; ch'aqa' xeruya' pa jotol y ch'aqa' xuqasaj kiq'ij.

Dn 5:30

Jak'a ri Belsasar rey pa ruwi' ri ruwach'ulew Babilonia, xa kan chupan k'a ri aq'a' ri' xkamisex.

Dn 7:5

Y ri ruka'n chikop, kan achi'el k'a rubanik jun oso, ri kan nijekejot. Ri chikop ri' kan rukayen k'a oxi' baq, y xpe k'a jun ch'abel ri xubij chire: Kayakatej y tatija' ti'ij ri xa janipe' yatikir natej, xcha' chire.

Dn 8:7

Y ri tzuntzun xuq'ej y xuwulaj k'a ri ka'i' ruk'a' ri achij karne'l, y ri karne'l xa kan man jun chik k'a ruchuq'a' richin ta xuto-ri'. Chirij ri' ri tzuntzun xuqasaj k'a pan ulew ri achij karne'l, xpa'e' chirij y kan man jun xkolon pa ruq'a'.

Wuj Richin ri Miqueas 5:8

Keri' chuqa' ri xkekolotej kan chire ri qawinaq, ri kitalun-ki', xkeyakatej chikij ri e etzelanel kichin achi'el jun koj ri niyakatej chikij ri chikopi' ri ek'o pa k'echelaj. Xkekik'is achi'el jun koj ri yeruwech' ri q'ataj karne'l, y kan yeruk'is konojel. Y kan man jun xtitikir xtuto-ri' chuwech.

Deut 33:17

Rix achi'a' aj-Efraín ri ix richin oyowal, kan janila iwuchuq'a' achi'el jun alaj achij wákix. Chuqa' rix achi'a' aj-Manasés ri ix richin oyowal, kan ix achi'el jun achij wákix ri janila mal. Rik'in ri iwuk'a' xke'ich'ek konojel ri e etzelanel iwichin. Rik'in ri ikum xke'ich'ek tinamit ri ek'o pa ruk'isibel chire ri ruwach'ulew.