Dn 8:25 - Kaqchiquel Bible

²⁵ Kan xtich'akon k'a roma ri retzelal y ri q'olonik ri yeruben. Y toq ri winaqi' man jun nikimey, chaq k'ate' k'a xkerukamisaj. Kan janila k'a xtunimirisaj-ri', y kan xtupaba-ri' chuwech ri Dios, jak'a rija' xa xtuwulaj.

Dn 8:25 ပူးပေါင်းရင်းမြစ်များ

Dn 8:11

Pa ruwi' ri', kan xunimirisaj-ri' chuwech ri aj-raqen ri k'o pa kiwi' rije'. Y man jun rejqalen xuben chire ri kamelabel ri yesuj q'ij-q'ij, y ri rachoch ri Dios kan xuqasaj ruq'ij.

Apocalipsis 17:14

Rije' kan xtikiben k'a oyowal rik'in ri Karne'l. Jak'a ri Karne'l kan k'o pa kiwi' konojel rey y ajaw richin ronojel ajawaren. Y roma ri' ri xkeyakatej chirij, xa xkech'akatej roma rija', y ri e peteneq rik'in, kan e cha'on y kuqul-kik'u'x rik'in ri Dios, xcha' ri ángel.

Wuj Richin ri Achin Job 34:20

Ri wineq xabachike k'a ramaj noqaqa ri kamik rik'in, rik'in juba' pa nik'aj-aq'a', o xabachike ri noqaqa chikij ri chi'aq'a' y xkek'is konojel, ri winaqi' ri kan k'o janila uchuq'a' pa kiq'a' xa xkeken chuqa' y man ruq'a' ta wineq ri xtibano-el chike.

Dn 11:45

Y xkerupabala' ri rachoch banon rik'in tzieq, chukojol ri palou y ri juyu' ri akuchi k'o-wi ri rachoch ri Dios. Jak'a xa kan xtapon k'a chupan ri ruk'isibel q'ij chire ri ruk'aslen, y kan man jun k'a ri xtito'on richin.

Dn 7:26

Chirij ri' toq xtuq'et-tzij ri nimalej Dios, kan xtrelesaj k'a ri uchuq'a' chire, y xtik'is chiri' jumul.

Dn 7:8

Y rokik k'a yin ninmey ri lajuj uk'a' ri', kan xbek'ulun chik k'a pe chikikojol jun chik ti ko'ol uk'a', y k'o chi xe'elesex-el oxi' richin chi xk'oje' kan ri jun ti ko'ol. Ri ti ko'ol uk'a' ri' kan k'o k'a runaq'-ruwech achi'el ri wineq. K'o chuqa' ruchi', y yerubila' k'a janila itzel taq ch'abel.

Wuj Richin ri K'uxla'anik 4:6

Ri nuwinaq kan xeya'ox pa tijoj-poqonal. Kan xik'o k'a ruwi' chuwech ri ruk'ayewal ri xya'ox pa kiwi' ri aj-Sodoma, roma ri aj-Sodoma kan pa jun ramaj xeruk'is ri Dios.

Wuj Richin ri Jeremías 48:26

Rix kan xkixbiyin achi'el q'abarela' roma xixyakatej chuwij yin Jehová. Rix kan xtikich-iwi' chupan ri ixa'oj y konojel winaqi' xkeyojoben chiwij,

Hechos 12:23

Kan chupan k'a ri ramaj ri', jun ángel richin ri ajaw xuya' jun yabil pa ruwi' ri Agripa roma rija' xa man xuya' ta ruq'ij-ruk'ojlen ri Dios. Rija' xtij koma jut, y jari' ri xok-el chire richin xken.

Apocalipsis 19:16

Y chirij ri rutziaq pa ruwi' pe ri ruch'ek tz'ibatel jun chik rubi'. Y ri bi'aj ri' ja ri Rey pa Kiwi' Konojel ri e Rey, y Ajaw pa Kiwi' Konojel Ajaw.

2 Tesalonicenses 2:3

Man k'a kixq'olotej, roma nabey chuwech richin nipe ri Jesucristo, janila e k'iy ri xkeya'on kan richin ri Dios, chuqa' xtipe ri itzel achin. Ri kan rubin chik ri Dios chi kan richin chik ri tojbel-mak.

2 Tesalonicenses 2:8

jari' toq xtibek'ulun-pe ri itzel achin ri', jak'a ri ajaw Jesús xa xtuxupuj-el richin xtukamisaj, toq xtipe chik jun bey rik'in ri rusaqil ri ruk'ojlemal.

Dn 9:25

Ja juna' ri' nitikeriba' richin niwajlaj toq xtel ri rutzijol chi nipabex chik q'anej jun bey ri tz'aq richin ri tinamit Jerusalem. Toq xkechojmirisex k'a ri tz'aq y ri bey ri chiri', kan xtuk'uaj k'a kawineq beleje' juna', y kan xtik'oje' janila ruk'ayewal. Y k'o chi nikiq'axaj chik 434 juna' k'a toq xtoqaqa na ri jun tata'al ri taqon-pe roma ri Dios.

Dn 11:12

Toq ri rey richin Egipto xeruch'ek yan ri janila chi winaqi' aj-Siria, kan janila k'a xtunimirisaj-ri'. Jak'a xa man xtiyaloj ta ri ruchuq'a',