Dn 8:2 - Kaqchiquel Bible

² Yin kan xinna' k'a chi ink'o pa tinamit Susa, akuchi-k'o-wi ri ruk'u'x ri ajawaren, ri chiri' pa ruwach'ulew Elam. Y yin ink'o k'a chuchi' ri raqen-ya' rubini'an Ulai.

Dn 8:2 ပူးပေါင်းရင်းမြစ်များ

Wuj Richin ri Rutikeribel 10:22

Ri e rijatzul ri Sem, ja ri Elam, ri Asur, ri Arfaxad, ri jun ri xubini'aj chuqa' Lud y ri Aram.

Wuj Richin ri Rutikeribel 14:1

Y k'o k'a jun q'ij xyakatej jun labal chikikojol e ka'i' tzobaj q'atoy taq tzij. Ri e kaji' rey richin ri jun tzobaj ja ri Amrafel rey ri k'o pa ruwi' ri ruwach'ulew ri Sinar, ri Arioc rey pa ruwi' ri ruwach'ulew ri Elasar, ri Quedorlaómer rey pa ruwi' ri ruwach'ulew Elam y ri Tidal rey pa ruwi' ri ruwach'ulew Goím; jare' ri jun tzobaj. Y ri jun chik tzobaj ja ri Bera rey ri k'o pa ruwi' ri tinamit Sodoma, ri Birsá rey pa ruwi' ri tinamit Gomorra, ri Sinab rey pa ruwi' ri tinamit Admá, ri Seméber rey pa ruwi' ri tinamit Seboím y ri rey pa ruwi' ri tinamit Bela, ri chuqa' nibix Sóar chire.

Wuj Richin ri Nehemías 1:1

Yin in Nehemías in ruk'ajol kan ri Hacalías. Yin ink'o k'a ri pa tinamit Susa, ri nimalej tinamit ri ruk'u'x ri ruwach'ulew rubini'an Persia; y re' xbanatej chupan ri ik' Quisleu toq k'o yan juwineq juna' niq'aton-tzij ri Artajerjes pa ruwi' ri ruwach'ulew Persia.

Ester 1:2

Y ri tinamit ri akuchi niq'aton-wi-tzij rija' ja ri tinamit Susa, y ri tinamit ri' kan chajin jebel y sutin-rij rik'in tz'aq.

Ester 2:8

Toq xtalutej rutzijol ri xubij ri rey chupan ri wuj, kan e k'iy k'a xtani' ri xe'uk'uex chiri' pa Susa. Jari' chuqa' toq ri Ester xk'amer-pe pa rachoch ri rey, y xjach pa ruq'a' ri Hegai ri nichajin kichin ri xtani'.

Ester 3:15

Y chi'anin k'a xetalux ri wuj ri' pa ronojel tinamit. Y chuqa' chiri' pa tinamit Susa, ri rey xutaluj rutzijol. Chirij ri' ri rey y ri Amán xetz'uye' richin xenimaq'ijun; jak'a ri winaqi' richin ri tinamit Susa xa xsach kik'u'x.

Ester 7:6

Y ri Ester xubij: Ri etzelanel qichin ja re itzelej Amán, xcha'. Jari' toq ri Amán kan xpe jun nimalej xibinri'il chire chikiwech ri rey y ri reina.

Ester 8:15

Ri Mardoqueo xel k'a pe pa rachoch ri rey, rukusan-pe rutziaq ri nikikusaj ri rey y ri nitzu'un ri tzieq raxroj y seq, y ruq'un jun ko'ol raqen tzieq ri banon rik'in lino q'eQ'oj nitzu'un, y chuqa' rukusan jun jebelej corona ri banon rik'in q'anapueq. Y konojel k'a ri winaqi' ri ek'o chiri' pa Susa xkireq k'a kichi' roma kikoten.

Ester 9:11

Y chupan k'a ri q'ij ri', xq'alajirisex chuwech ri rey ri kajlabal ri kaminaqi' chiri' pa Susa.

Ester 9:15

Chuqa' chupan ri q'ij kajlajuj chire ri ik' Adar, ri judío ri ek'o chiri' pa Susa xkimol chik k'a ki', y xekikamisaj chik e 300 achi'a', jak'a ri beyomel kan man xkik'uaj ta.

Wuj Richin ri Isaías 11:11

Chupan k'a ri q'ij ri', ri Jehová kan xtuk'ut chik jun bey ri nimalej ruchuq'a' richin yerumol konojel ri qawinaq ri man jani ketzolin-pe. Xtuben k'a chi xketzolin konojel ri ek'o chiri' pan Asiria, pan Egipto, pan Etiopía, pan Elam, pa Babilonia, pan Hamat, y ri ruwach'ulew ri ek'o chuchi' ri palou.

Wuj Richin ri Isaías 21:2

Kan janila k'ayew ri q'ij ri xuk'ut ri Dios chinuwech chupan jun achi'el achik'. Y ri achik' ri' xaxe nuk'ut q'oloj y wululen. ¡Kixyakatej rix tinamit richin Elam, chuqa' rix aj-Media! Ri Dios xtutanaba' ri kijiloj ri winaqi' ri ya'on koma ri aj-Babilonia.

Wuj Richin ri Jeremías 25:25

ri aj-Zimrí, ri aj-Elam, ri aj-Media,

Ez 1:1

Xk'uluwachitej k'a chi chupan ri juna' juwineq lajuj*f1* chupan ri ro' q'ij chire ri rukaj ik' chupan ri ro' juna', toq xk'amer-pe ri rey Joaquín pa ximonri'il; yin Ezequiel ri in sacerdote ruk'ajol kan ri Buzí. Ink'o k'a chunaqaj ri raqen-ya' Quebar chiri' pa ruwach'ulew Babilonia chikikojol ri nuwinaq ri e k'amon-pe pa ximonri'il. Jari' toq ri Jehová xch'on wik'in y kan jari' xoqaqa ri ruchuq'a' pa nuwi' y k'o k'a xuk'ut chinuwech.

Ez 32:24

Chiri' chuqa' ek'o-wi ri aj-labal aj-Elam ri xeken chi espada. Rije' chuqa' xekixibij ri ch'aqa' chik winaqi', jak'a re wakami, konojel k'a re winaqi' re', ri maneq Dios chikiwech, ek'o chikikojol ri xeken yan el. Y re wakami xa man jun ruwaq'ijaj ri xkik'ul, roma xa junan xek'oje' kik'in rije'.

Dn 10:4

Toq xk'is ri oxi' semana, jari' ri q'ij juwineq kaji' chire ri nabey ik' chire ri juna'. Jari' toq yin ink'o k'a chuchi' ri raqen-ya' rubini'an Hidequel.*f2*

Dn 7:15

Yin, Daniel, kan janila k'a xink'en rukiy, y kan janila xinch'ob rij ronojel ri yinajin chutz'etik.

Dn 7:2

Yin xintz'et k'a chupan ri wachik' chi xpe jun nimalej kaq'iq' pa relebel-q'ij, pa xokon, pa qajbel-q'ij y pa xaman. Y re kaq'iq' re' kan janila k'a nusiloj ruwi' ri palou.

Dn 8:1

Toq k'a k'es na ri Belsasar, rey pa ruwi' ri ruwach'ulew Babilonia, y chupan ri rox juna' richin ri ruq'atbal-tzij, yin kan xk'utumej chik k'a chinuwech jun chik banobel.

Dn 8:3

Yin xintz'et k'a apo chi k'o jun achij karne'l ri k'o-apo chuwech ri raqen-ya' ri'. Y ri karne'l ri' k'o k'a ka'i' nima'q taq ruk'a'. Jun k'a chike ri uk'a' ri' kan xk'iy-q'anej más.

Wuj Richin ri Q'axanri'il 12:6

Y ri Jehová xubij k'a chike: Tiwak'axaj k'a ri ch'abel ri xtinbij chiwe. Wi ta k'o jun q'alajirisanel ri nuch'abel ri chi'ikojolil, yin yich'on ta rik'in pan achik' o yik'utumej ta chuwech.

Hebreos 1:1

Ri ojer kan ri', ri Dios k'iy k'a bey y k'iy rubanik xch'on kik'in ri qati't-qamama' y xerukusaj ri yeq'alajirisan ri ruch'abel.

Apocalipsis 9:17

Y chupan k'a ri achi'el achik' ri xinben, xentz'et ri kiej y ri e ch'okol chirij kikusan tobel ruwa-kik'u'x ri keq nitzu'un achi'el q'aq', q'en achi'el ri chuwilej-abej y raxroj achi'el ri kaj yetzu'un. Y ri kijolon ri kiej ri' achi'el kijolon ri koj, y ri pa kichi' kan nel q'aq', sib y chuwilej-abej.