Dn 8:18 - Kaqchiquel Bible

¹⁸ Rokik rija' nich'on wik'in, yin xa ximayamo-qa y xijupuju-qa pan ulew. Jak'a rija' xiruchop-qa y xuben chuwe richin xipa'e' chik q'anej.

Dn 8:18 ပူးပေါင်းရင်းမြစ်များ

Wuj Richin ri Rutikeribel 15:12

Y toq xqaqa ri q'ij, ri Dios xuben chire ri Abram chi xken-qa chi waran y jari' toq xuna' jun nimalej xibinri'il, y kan xuk'en rukiy, roma xqaqa jun nimalej q'equ'm pa ruwi' rija'.

Wuj Richin ri Achin Job 4:13

Chupan k'a ri chi'aq'a' ri', toq konojel e kamineq chi waran; jari' toq yin xinben ri itzel achik' ri'.

Ez 2:2

Rokik k'a nich'on wik'in jari' toq ri ru-Espíritu xok wik'in richin xitikir xipa'e-q'anej. Y kan xinwak'axaj k'a ri xubij chuwe.

Dn 10:16

Jari' toq rija' xuchop ri nuchi', y kan jari' k'a xich'on y xinbij chire: Roma ri xk'utumej chinuwech, yin kan janila yibison, y maneq chik wuchuq'a'.

Dn 10:18

K'ari' xjel chik apo jun bey wik'in y xiruchop richin xuya' wuchuq'a'.

Dn 8:17

Y ri Gabriel kan xjel k'a apo wik'in. Y jari' toq yin kan janila xinmey, y roma ri' xinqasaj-wi' k'a pan ulew chuwech. Jak'a rija' xubij k'a chuwe chi yin k'o chi niq'ax jebel chinuwech ri yinajin chutz'etik. Ronojel re' kan xtibebanatej k'a chiqawech-apo, xcha'.

Dn 8:27

Chirij ronojel re', yin nina' chi xk'is wuchuq'a' y kan xiyawej k'a ka'i-oxi' q'ij. Y toq xik'achoj-el xiyakatej-el y xibe chik pa nusamaj rik'in ri rey, jak'a xa janila nuxibin-wi', roma ri xintz'et. Y kan man niq'ax ta chinuwech.

Wuj Richin ri Zacarías 4:1

K'ari' ri ángel ri ch'owineq-pe wik'in xtzolej chik pe, y kan achi'el xa ta xiruk'asoj chire jun waran.

San Lucas 22:45

Toq ri Jesús xtane' chi ch'owen rik'in ri Dios, xpe kik'in ri rutijoxela', jak'a toq xoqaqa kik'in, rije' xa kichapon waran, roma janila chik yebison.

San Lucas 9:32

Ri Pedro y ri e rachibil jebel yewer. Chaq k'ate' xek'astej y xkitz'et k'a ri saqil ri k'o chirij ri Jesús. Xekitz'et chuqa' ri e ka'i' chik achi'a' ri ek'o rik'in.

Hechos 26:6

Jak'a re wakami ink'o-pe wawe' richin niq'at-tzij pa nuwi', xaxe roma yin kuqul nuk'u'x chi ri kaminaqi' k'o na jun q'ij toq xkebek'astej-pe, achi'el rusujun kan ri Dios chike ri qati't-qamama' ojer kan.

Apocalipsis 1:17

Toq yin xintz'et ri', achi'el jun kamineq xitzaq-qa chiraqen. Jak'a rija' xuya' ri rijkiq'a' pa nuwi' y xubij chuwe: Man taxibij-awi', roma ja yin ri in k'o pe pa nabey y ja yin in k'o pa ruk'isibel.