Dn 8:17 - Kaqchiquel Bible

¹⁷ Y ri Gabriel kan xjel k'a apo wik'in. Y jari' toq yin kan janila xinmey, y roma ri' xinqasaj-wi' k'a pan ulew chuwech. Jak'a rija' xubij k'a chuwe chi yin k'o chi niq'ax jebel chinuwech ri yinajin chutz'etik. Ronojel re' kan xtibebanatej k'a chiqawech-apo, xcha'.

Dn 8:17 ပူးပေါင်းရင်းမြစ်များ

Dn 8:19

Y xubij k'a chuwe: Yin kan xtink'ut k'a chawech ri xtipe toq xtik'is juba' ri oyowal, y re' kan qitzij.

Dn 12:4

Jak'a rat Daniel, kan tatz'apej kan jebel re wuj re', k'a toq xtapon na k'a ri ruq'ijul richin ri ruk'isibel taq q'ij. Chupan ri q'ij ri' ri winaqi' kan xtikitej k'a kiq'ij richin niketamaj, y ri etamabel kan xtibe k'a pa jotol, xcha' chuwe.

Apocalipsis 1:17

Toq yin xintz'et ri', achi'el jun kamineq xitzaq-qa chiraqen. Jak'a rija' xuya' ri rijkiq'a' pa nuwi' y xubij chuwe: Man taxibij-awi', roma ja yin ri in k'o pe pa nabey y ja yin in k'o pa ruk'isibel.

Wuj Richin ri Habacuc 2:3

Stape' re yinajin chubixik chawe, kan k'a niyaloj na juba' richin nibebanatej Man rik'in ri' kan xtapon k'a ri q'ij richin kan xtibebanatej. Rat kan tawoyobej k'a, roma xa kan xtapon k'a ri q'ij ri'.

Dn 12:13

Jak'a rat, Daniel, xa xtapon k'a ri q'ij richin xkatuxlan-el y xkabeyakatej chik pe k'a pa ruk'isibel taq q'ij chire ri tijoj-poqonal richin nak'ul ri k'o chi nok awichin rat.

Dn 11:40

Jak'a toq xtitz'aqet ri q'ij ri q'aton-pe pa ruwi' ri rey richin Siria, ri rey richin Egipto kan xtibeyakatej chik k'a pe chirij. Jak'a rija' xa kan xtel k'a pe chirij ri rey richin Egipto, y kan xtuben k'a achi'el nuben jun nimalej kaq'iq'-job. Xtel k'a pe rik'in janila chi carruaje, aj-labal ri yech'oke' chirij kiej y chuqa' rik'in janila chi barco. Xtok k'a chupan ri ruwach'ulew Egipto y keri' pa taq ch'aqa' chik ruwach'ulew, achi'el nuben jun raqen-ya' toq nril chik el jun rubey.

Apocalipsis 22:8

Ja yin Juan, ri xinak'axan y xitz'eton ronojel re'. Jak'a toq e wak'axan y e nutz'eton chik, jari' toq xixuke' chuwech ri ángel ri xk'utun ronojel re' chinuwech, richin ninya' ruq'ij.

Ez 1:28

kan achi'el k'a ri kotoq'a' ri niq'alajin chupan ri sutz' pa ruq'ijul job. Keri' toq ri Jehová xuk'ut ri ruk'ojlemal chinuwech y xaxe k'a toq xintz'et ronojel re' kixukuk xiqaqa k'a pan ulew. Y k'ari' xinwak'axaj toq rija' xch'on-pe wik'in.

San Mateo 17:8

Toq rije' xetzu'un-q'anej, xkitz'et k'a chi ruyon chik ri Jesús k'o kan.

Dn 10:16

Jari' toq rija' xuchop ri nuchi', y kan jari' k'a xich'on y xinbij chire: Roma ri xk'utumej chinuwech, yin kan janila yibison, y maneq chik wuchuq'a'.

Dn 10:11

Y xubij k'a chuwe: Daniel, ri kan utz at tz'eton roma ri Dios. Taya' k'a ri axikin chire ri ch'abel ri xtinbenbij chawe. Kayakatej-q'anej, roma xa in taqon-pe awik'in re wakami, xcha'. Kan xaxe k'a xubij keri', yin xipa'e-q'anej y kan yibaybot k'a.

Dn 9:27

Chirij re' ri aj-raqen kan xtujikiba' k'a rutzij kik'in ri ruwinaq ri Dios chupan ri rutikeribel ri wuqu' chik juna'. Jak'a toq xq'ax yan oxi' juna' rik'in nik'aj, kan xtupaba' k'a rusujik ri kamelabel y ri jalajoj ruwech sipanik. Chirij k'ari', rija' xtiberubana' jun banobel ri kan nrixowaj ri Dios, keri' k'a xtuben k'a toq xtitz'aqet ri wuqu' juna' ri', toq ri Dios xtuya' ri rutojbalil-mak pa ruwi'.

Dn 9:23

Kan xaxe k'a toq rat xachop yatzijon rik'in ri Dios, kan jari' toq xbix chuwe yin chi yinoch'on awik'in. Y jare' k'a xipe richin nonq'alajirisaj ri xk'utumej chawech. Rat kan utz k'a at tz'eton roma ri Dios, y roma ri' xiruteq-pe. Wakami kan tiq'ax k'a jebel chawech ri nel chi tzij ri xk'utumej yan chawech.

Dn 8:15

Xk'uluwachitej k'a chi toq xintz'et yan ronojel re', y rokik ninch'ob rij ri achike nel chi tzij, kan jari' k'a xbepa'e' chinuwech jun ri achi'el titzu'un jun wineq, y rija' rubini'an Gabriel. Y jun chik wineq xch'on-pe chiri' chuchi' ri raqen-ya' Ulai, ri kan nureq ruchi' y nubij chire ri Gabriel chi tuq'alajirisaj chinuwech ri yinajin chutz'etik.

Dn 2:46

Toq ri Nabucodonosor xrak'axaj ronojel re', kan jari' xuqasaj-ri' k'a pan ulew chuwech ri Daniel, y xubij chi tiya'ox k'iy kamelabel y jubulej pom chuwech.

Ez 6:2

Rat Ezequiel, ke'atzu' la nima'q taq juyu' ri ek'o pa ruwach'ulew Israel y kere' tabij pa kiwi':

Wuj Richin ri Rutikeribel 17:3

Y ri Abram kan jari' xuqasaj-qa-ri' k'a pan ulew chuwech ri Dios, y ri Dios xubij chuqa' chire:

Ez 44:4

Chirij k'a ri' ri achin xiruk'uaj-el pan okibel ri k'o pa xaman chuwech-apo ri rachoch ri Dios. Y toq xojok-apo, xintz'et k'a chi ri ruk'ojlemal ri Jehová runojisan chijun ri rachoch rija'. Y yin kixukuk xiqaqa pan ulew chuwech.

Dn 7:16

Y roma ri' xijel k'a apo rik'in jun chike ri ek'o-apo chiri', y xink'utuj chire pa ruwi' ronojel ri xintz'et, y rija' kan xuq'alajirisaj k'a chinuwech ronojel.

Dn 8:27

Chirij ronojel re', yin nina' chi xk'is wuchuq'a' y kan xiyawej k'a ka'i-oxi' q'ij. Y toq xik'achoj-el xiyakatej-el y xibe chik pa nusamaj rik'in ri rey, jak'a xa janila nuxibin-wi', roma ri xintz'et. Y kan man niq'ax ta chinuwech.

Ez 2:1

Ri Jehová xubij k'a chuwe chi yin xa in jun choj wineq y chi kipa'e-q'anej richin nitzijon wik'in.

Dn 11:27

Ri e ka'i' rey ri' junan yewa' pa mesa richin nik'oje' ta uxlanibel-k'u'x kik'in, jak'a ri pa kánima xa kan xaxe ri ch'upun-k'u'x k'o. Ri nikibij chikiwech xa man qitzij ta, jak'a xa man jun chike chi e ka'i' ri xtich'akon ta. Ronojel re' xtibanatej roma xa man jani tapon ri q'ij richin uxlanibel-k'u'x.