Dn 8:15 - Kaqchiquel Bible

^15-16 Xk'uluwachitej k'a chi toq xintz'et yan ronojel re', y rokik ninch'ob rij ri achike nel chi tzij, kan jari' k'a xbepa'e' chinuwech jun ri achi'el titzu'un jun wineq, y rija' rubini'an Gabriel. Y jun chik wineq xch'on-pe chiri' chuchi' ri raqen-ya' Ulai, ri kan nureq ruchi' y nubij chire ri Gabriel chi tuq'alajirisaj chinuwech ri yinajin chutz'etik.

Dn 8:15 ပူးပေါင်းရင်းမြစ်များ

Wuj Richin ri Isaías 9:6

Roma kan xtiya'ox-pe jun ak'ual richin xto'alex-qa, alk'ualaxel ri kan xtiya'ox-pe chiqe. Xtiya'ox-pe q'atbel-tzij pa ruq'a'. Y kan xtubini'aj k'a: Ri jebelej pixabanel, Ri Dios ri k'o ronojel uchuq'a' rik'in, Tata'aj richin q'asen, Tata'al ri xtuk'en-pe uxlanibel-k'u'x.

Dn 10:16

Jari' toq rija' xuchop ri nuchi', y kan jari' k'a xich'on y xinbij chire: Roma ri xk'utumej chinuwech, yin kan janila yibison, y maneq chik wuchuq'a'.

Dn 10:18

K'ari' xjel chik apo jun bey wik'in y xiruchop richin xuya' wuchuq'a'.

Dn 10:5

Y xitzu'un k'a apo pa ruwi' ri ya' y xintz'et k'a chi k'o jun achi'el achin ri rukusan tzieq ri banon rik'in lino seq-seq, y ri ximibel-rupan banon rik'in q'anapueq ri peteneq pan Ufaz.

Dn 12:8

Yin kan xinwak'axaj k'a ri xubij, jak'a xa man xq'ax ta chinuwech. Y roma ri' xink'utuj chik apo chire chi k'a janipe' xtibetane' ronojel re'.

Dn 7:13

Yin kan k'a nutzuliben na ronojel ri xk'utumej chinuwech, y chaq k'ate' k'a xintz'et jun chik banobel. Xintz'et k'a chi chupan ri sutz' chila' chikaj, peteneq k'a jun ri xo'alex achi'el jun wineq rubanik. Y xkiben chire richin xjel-apo chuwech ri k'aslik Dios.

Dn 7:28

Wawe' k'a xtane-wi ri rusolik-rij ronojel ri xintz'et. Jak'a yin Daniel kan sachineq k'a nuk'u'x y kan nukajman yitzu'un. Man rik'in ri' kan xinyek k'a pa wánima ronojel ri xintz'et y ri xbix chuwe.

Dn 8:1

Toq k'a k'es na ri Belsasar, rey pa ruwi' ri ruwach'ulew Babilonia, y chupan ri rox juna' richin ri ruq'atbal-tzij, yin kan xk'utumej chik k'a chinuwech jun chik banobel.

Dn 8:19

Y xubij k'a chuwe: Yin kan xtink'ut k'a chawech ri xtipe toq xtik'is juba' ri oyowal, y re' kan qitzij.

Wuj Richin ri Zacarías 1:9

Y chiri' chinuxikin, k'o k'a ri ángel richin ri Jehová ri nich'on wik'in. Y yin xink'utuj chire ri achike nel chi tzij ronojel re'. Y ri ángel xubij chi kan xtuq'alajirisaj chinuwech.

San Mateo 13:36

Toq ri Jesús xeruteq k'a kan ri winaqi' chi taq kachoch, rija' xtzolin k'a pa jay e rachibilan-el ri rutijoxela'. Rije' xejel-apo rik'in y xkibij k'a chire: Roj niqajo' chi rat nabij ta chiqe achike nel chi tzij ri k'ambel-tzij chirij ri trigo y ri pach'un-q'os ri xetik kan pa jun ulew, xecha'.

San Mateo 24:15

Chuqa' kan xtapon-wi ri q'ij toq xkebanatej ri itzel taq banobel ri achoq chirij xch'on-wi kan ri Daniel. Y ri etzelal ri' xtiban chupan ri loq'olej jay akuchi man jun nok-apo, chupan ri rachoch ri Dios. Ri nitz'eton ri tz'ibatel kan wawe', kan tiq'ax k'a chuwech ri nutz'et.

San Mateo 24:30

Jari' toq ri chikaj xtitz'etetej ri wetal yin ri xiqaqa-pe achi'el wineq chi'ikojol, y k'ari' ri winaqi' xke'oq'. Jari' toq konojel k'a kiwech winaqi' ri ek'o chuwech re ruwach'ulew, xkinkitz'et chi ja yin ri yiqaqa-pe pa sutz' ri chila' chikaj, rik'in chik nimalej uchuq'a' y rik'in nimalej nuk'ojlemal.

Marcos 13:14

Chuqa' kan xtapon-wi ri q'ij toq ri etzelal xtik'oje' chupan ri jay akuchi man jun nok-apo, chupan ri rachoch ri Dios. Ri nitz'eton ri tz'ibatel kan wawe', kan tiq'ax k'a chuwech ri nutz'et. Konojel k'a ri xtikitz'et chi kan ja chik ri' ri nibanatej, ri ek'o pa Judea xa kan ke'animej k'a el y tibekewaj-ki' pa taq juyu'.

Marcos 4:12

Xa roma ri' toq yin yenkusaj k'ambel taq tzij richin yich'on kik'in. Roma xa kan man niq'ax ta chikiwech, stape' kan nikitzu' y nikak'axaj. Jak'a man niq'ax ta chuqa' chikiwech richin keri' man nitzolej ta pe kik'u'x y man nikuyutej ta kimak roma ri Dios.

Wuj Richin ri Josúe 5:14

K'ari' ri achin ri' xubij chire ri Josué: Man jun chike ri ka'i' ri nabij rat, yin kan in tata'al kichin ri e richin ri Jehová ri in peteneq wakami, xcha'. Jari' toq ri Josué xuxuk-xumej-ri' chuwech richin xuya' ruq'ij, y xubij chire: Ajaw ¿achike k'a nawajo' nabij chuwe yin ri asamajel?, xcha'.

Apocalipsis 1:13

Y pa kinik'ajal ri wuqu' kandelero ri' pa'el jun achi'el wineq, rukusan jun rutziaq ri napon k'a chiraqen-qa. Y rukusan chuqa' jun ximibel banon rik'in q'anapueq, y re ximibel re' q'axineq chuwa-ruk'u'x.

Apocalipsis 13:18

Y ri rajlabal ri chikop ri' ja ri 666, y re' yeruk'exewachuj ri winaqi'. Kan k'iy k'a etamabel nrajo' richin netamex achike nik'ulun chi tzij. Roma ri' ri wineq ri k'o etamabel rik'in, kan tukusaj k'a richin chi nuch'ob rij ri nel chi tzij.